Jeremia 49:1 - Iaai Bible 1901 (New Caledonia)

¹ GE je laku Amona. Walang hna ha hnö Iehova, ka habe, Hawa, e ba laku Isaraela? ke ba at he ka hwöhwa-ban? ke anyin a ieû ame hwöhwabö Gada hnö Malekama, ke ta je aten adre me labā je tauniny?

Jeremia 49:1 ပူးပေါင်းရင်းမြစ်များ

Genese 19:38

Ke wakeiat minya ame hnokoâ ke da, me hwenyi ien Ben-ami: wale kamen ta je laku Amona ke ne o but hnyi bong ang.

II. Je Than 10:33

me hwân hnyi Joridano e deiö, hnyei Gileada hia, me at Gada, me Rheubena, me Manase, hwân Aroera hnyi hnyigöulen bucen e Arenona, wale Gileada me Basana.

II. Je Than 24:2

Ka haba Iehova ame kunâ kâu je deo vat anyin at Kaledaia, me je deo vat anyin at Suria, me je deo vat anyin at Moaba, me je deo vat anyin laku Amona, me kunʼ ödrin Juda ai he ka ohia e, helâ me hofuc ho Iehova waleji e ame ha a deny lathnyabainy a je perofeta.

II. Man Ûlabainy Je Than. 20:1

KE hwaban ûnyi eling ame o but lakon Moaba, me lakon Amona, ke tha ödrin më ke je at Amona, he ka vat me Jehosafata.

II. Man Ûlabainy Je Than. 20:23

Anyin a haba lakon Amona me Moaba ödrin e tot ûcon aten bucen Seira he ka hlingâ me ohiʼ ödrin: ke ödrin e hia but hhngâ aten Seira, me ödrin e ka ûhlingödrinköu ju.

Nehemia 2:19

Ke a long ut Sanebalata at Horono, me Tobia a athnyaba, a at Amona, me Gesem, a at Arabia, me ödrin e hlumʼ ohmun, me hû-köti ohmun, me haingödrin, ka habe, Ie ûnyi ang öbun e ânyâ? hawa öbun e thu musi anyin than?

Nehemia 4:7

Ke a long ut Sanebalata, me Tobia, me at Arabia, me Amona, me Asedoda, a e gorany jut hna up haginy Jerusalema, ke adre okhötâ je dok ae hmouca, me ödrin e hmönyidrin gan hmâ;

Salamo 83:7

Me Gebai, me Amona, me Amaleka; Me Filisiti, tha e me ta vat aten Turo:

Salamo 9:6

Haba iwahnaihmiony adre me oumʼ ödra bi, e ba wan gadra balua; Me je taun u je hia but oc degecâ, A aû but minya hna ûnykûme kodra.

Jeremia 12:14

Walang hna ha hnö Iehova ge tavat hia ae kong adre me laba hakekenyi nya, tavat adre me kâlâ hnyei waleji oge ham ka lakeik a Isaraela, haingen, ka habe, Wâ bi, oge me he ka uk ödra ûnyi hnyi idra hnyei, me oc lap anyi Juda ûnyi hnyi wanbödra.

Jeremia 25:21

me Edoma, me Moaba, me je laku Amona;

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 27:3

ke kunâ thö ta je ûnyi e ka than Edoma, me than Moaba, me thaniny je laku Amona, me thaniny Turo, me thaniny Zidona, a deny je ûthumetu tavat adre me o hnyi Jerusalema kö Zedekia than Juda;

Jeremia 48:1

GE Moaba. Walang hna ba hnö Iehova tuhan sabaoth, Khongu Isaraela, ka habe, Ekölö ge Nebo! anyin a hnyot dö; a hmehma but Kiriathaima, adre me hûgûnâ e: a hmehma but Misegab, kʼ adre hagutâ e.

Jeremia 49:23

Ge Damaseko. Ame hmehma but Hamath me Arefada; anyin adre me hia but long je uthumetu ae kong, kʼ ame oaû ödra but: e bi hlöuhlöu hon köiö, ke ca khana bi he ka ta hau.

Jeremia 49:28

Ge Kedara, me je dokhu hnyi Hazora, waleji hnö Nebukaneza than Babulona hna kot. Walang hna ha hnö Iehova, ka habe, Todrʼ öbun, he thö Kedara ai, me söh tavat e deiö.

Jeremia 49:7

Ge Edoma. Walang hna ha hnö Iehova tuhan sabaoth, ka habe, Hawa, e ba hmetu metâ hnyi Temana? hawa, a aû but hna khana bongon unyin tavat wâ wia? ke a hia but anyidra metâ?

Ezekiela 21:25

Ke haba u, at adre me ti kot monoâ lö, a u at ae kong, tuhan Isaraela, kʼ ame o but bongom bong, hnyi ûen adre umö hwakecin ae kong;;

Ezekiela 25:1

KE ame o but könya hofuc ho Iehova ame ha, ka habe,

Zefania 1:5

ke tavat adre me hic hon ban je uma ka ta je ûnyi hnyi drany, ke tavat adre me khemanyin ko Iehova, kʼ adre me khemanyin ge anyidrin than;

Numera 1:24

Haba laku Gada, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat;

Deuteronomi 2:19

ke u ka hakekenyâ laku Amona, ca he ka okongu ödra, ke ca ivinö mödra: anyin oge me ca he ka ham köu ûnyi hnyi hnyei iny laku Amona me me em: anyin oge hia but ham e me me iny laku Lota me me idra.

Deuteronomi 23:3

Ame ca he at Amona, me at Moaba ka hnyi hanen ûkhacaköu anyi Iehova; kʼ ame ca be balua ke at gadra ka hnyi hanen ûkhacaköu anyi Iehova ke ne o but hnyi dö a libenyitainy:

Deuteronomi 23:4

anyin a ödra me ca ûkhanöâ möbun jeû me köiö eû hnyi gethen waleji hnyi ûhebun ûheny Aigupito; ke can adre me bi omjeû kö Balaama nöku Beora ûheny Pethora hnyi Mesopotamia, he ka hangö u.