Jeremia 48:47 - Iaai Bible 1901 (New Caledonia)

⁴⁷ Ke so bi, oge me he ka ohmeto at Moaba ûhedra hnyi hna bâ hnyi je bong a biliny, haingö Iehova. Wale hna owisa ka Moaba.

Jeremia 48:47 ပူးပေါင်းရင်းမြစ်များ

Jobu 19:25

Ke oge me wâhmakhmetoâ ae möt at ame ûcû melik, Ke e ame he ka todrö hon kânâ nyiele:

Isaia 18:7

Hnyi ûen eling adre me he ka ham bwihlany kö Iehova tuhan sabaoth ûnyi hnyi hnyei ae hwege me hnyok baga, wale hnyei adre me outen hwân ehac ke ne o but nyiele; a hnyei ame tuluto, kʼ ame ututo, a hnyei ame susubâ ge ta je wagewe, ka hnyi hnen iö Iehova tuhan sabaoth, wale bucen Ziona.

Isaia 23:18

Ke ame he ka hwakecin ae kap kö Iehova ta je ûnyi gan hnân ûco me hnen hna hok hwaban: adre me ca he ka ip me ûkhöûnâ; anyin a hobi kâu tavat adre me laba hnyi hnyimakö Iehova ta je ûnyi hnân ûcö gan, he ka han sekon, me ûkhaû ae nâk.

Isaia 25:11

Ke e ame he ka inâ li hnyamen hnyi wanben, helâ me at ame hai ame hinobeny: ke e ame he ka ohnyikânâ anyin bigan tha e me bibihwakeoin anyin li hnyamen.

Isaia 45:20

Ûkhacaköu thö ke ai öbun; tha hakekenyâ ju, öbun tavat öbun e kec möt ûnyi hnyi je hnyei: e ca hu metâ gadra adre me hom tilâ ûtoiny anyidra je idola, me hic ka khong ae ca khana he ka omelo.

Jeremia 12:14

Walang hna ha hnö Iehova ge tavat hia ae kong adre me laba hakekenyi nya, tavat adre me kâlâ hnyei waleji oge ham ka lakeik a Isaraela, haingen, ka habe, Wâ bi, oge me he ka uk ödra ûnyi hnyi idra hnyei, me oc lap anyi Juda ûnyi hnyi wanbödra.

Jeremia 12:15

Ke iny ka hia but uk ödra oge me he ka hmetu me betenge gadra; ke oge me he ka ve ohmetu ödra ka hnyi je idra, me idra ta hnyei.

Jeremia 23:20

Ame ca he ka hmetu hmonyin anyi Iehova, ke ne o but e ame hia but ânyâ, ke ne o but e ame ohwâdâ je ûnykûmenen hnyekon: öbun e he ka ti wâhmakhmeto e hnyi je bong a biliny.

Jeremia 30:24

Ame ca he hmonyin ae hwege anyi Iehova ka hmetu, ke ne o but e ame hia but mâdrâ, me ohwâdâ je ûnykûmenen hnyekon; öbun e he ka wâhmakhmetoâ hnyi je bong a biliny.

Jeremia 46:26

ke oge me he ka hnʼ ödra ka hnyi hnyamen tavat adre me elâm he ka hlingʼ ödra, me ka hnyi hnyamö Nebukaneza than Babulona, me ka hnyi hnyamen ta je athnyabainy: ke hwaban e adre me he ka labā e helâ me hnyi je bong kâû adrem, haingö Iehova.

Jeremia 49:39

Ke haba hnyi je bong a biliny, oge me he ka ohmeto at Elama ûhedra hnyi hna bâ, haingö Iehova.

Jeremia 49:6

Ke hwaban e oge me he ka ohmeto je bâ anyin lakon Amona, haingö Iehova.

Ezekiela 38:8

Ke hwaban je bong ae se hia adre me he ka senö u: ke hnyi je huna a biliny u me he ka o ka hnyi hnyei adre ohmeto ûnyi hnyi hele vat, wale adre ûkhacaköu ûnyi hnyi je hnyei ae se hia, hon je bucen Isaraela ae itremacat but ehac: ke adre hom e ûnyi hnyi je hnyei, ke adre me he ka laba khotkic ödra hia thithö.

Daniela 10:14

Ke walang ang oge me o but he ka thumetu u ge ta je ûnyi ame he ka o ka aten em hnyei hnyi je bong a biliny: anyin ae bec je bonginy hna omanenâ.

Daniela 11:41

E ame he ka he minya ka hnyi hnyei ae hmanenang, ke ame he ka ta je hnyei ae se hia: ke ame he ka kec möt gan, Edoma, ke Moaba, ke lakon Amona ae beönua.

Daniela 2:28

ke so bi, e hu Khong hnyi drany at ame omanenâ ta je ûnyi ae iyong, me e ame hia but thumetu u Nebukaneza than, ta je ûnyi ame he ka o nyiele. Walang bwem ke ûnyi eji u je wâ hon hnâm hna mokut:

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Numera 24:14

Ke walang ang oge me he but ka hnyi ik hnyei, ke aiö u me oge me he ka ha köu ke je unyi ame he tavat eang ka ânyâ ka lakem hnyi je bong a biliny.

Deuteronomi 31:29

Anyin ae khanö nya a iny ka mokcu, me öbun e he biju ka oikiki öbun, me sâû ûnyi hnyi gethen waleji oge hûna köbun; ke ame he ka o kong köbun hnyi ta je bong a biliny; anyin a öbun e he ka ânyâ ûnyi ae kong hnyi hnyimakö Iehova, he ka ohmönyinâ e ge je huliwa ae kong anyin li hnyamöbun.

Deuteronomi 4:30

Ke ka o köu vec, kʼ ame ne aat köu ta je ûnyi hia eling, me u me he ka hmetu kö Iehova Khongom hnyi je bong a biliny, me löng hoton hwan hofuc;