Jeremia 48:44 - Iaai Bible 1901 (New Caledonia)

⁴⁴ Haba at ame kec ge ot, e ame he ka ta ka hnyi thop; ke haba at ame ölö ûnyi hnyi thop, ame he ka hnok hnyi hnewe; anyin oge me he ka oâ kâu, jia Moaba, huna adre senʼ ödra hnyin, haingö Iehova.

Jeremia 48:44 ပူးပေါင်းရင်းမြစ်များ

I. Je Than 19:17

Ke haba at ame he ka kec ge hele vat anyi Hazaela, me ame he Jehu ka hlingâ: ke haba at ama kec ge hele vat anyi Jehu, me ame he Elisaia ka hlingâ.

I. Je Than 20:30

Ke ame kec dö je kolon Afeka ai ka hnyi taun; me ame ta takoû je kolon ge hak veto, a ödrin twente seven thauzan. Ke ame kec dö Ben-adada ka hnyi taun ka hnyeule eiö hnyin.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 24:17

Aten hmeledrany lö, e but unyâm ot, me thop, me hnewe.

Isaia 24:18

Ke ame he ka ta ka hnyi thop at ame kec ge hwan ûnyi hnân ootâ; ke ame he ka hnok hnyi hnewe at ame ölö ûnyi hnyi thop: anyin adre me khong ut je mamalamainy drany, me ame bwebwet dö je taben hmeledrany.

Jeremia 10:15

Odrin bi a ûnyi baû me hnân iyawo: hnyi ûen bi hwabodrin, ame he ka hiʼ ödrin.

Jeremia 11:23

ke ame he ka ba koluidra: anyin oge me he ka oâ ûnyi ae kong ka tavat aten Anathoth, wale hnyi hunainy hna senʼ ödra hnyin.

Jeremia 16:16

Wâ bi, oge me ho ka hawâ tavat thut ae se hia, haingö Iehova, mʼ adre me he ka nuc ödra; ke hwaban e, oge me he ka hawâ tavat hnu meno ae se hia, ke adre me he ka hnu ödra ûnyi hnyi je bucen hia, me je hut hia, me ûnyi hnyi je hmakaniny je kic.

Jeremia 23:12

Anyin a wale ame he dedra je gethen ka helâ me dok ae haûhaû hnyi menekholom kodra, adre me he ka alin ödra mʼ adre me ta hnyin: anyin oge me he ka oâ kodra ûnyi ae kong, wale hunainy bi hwaban kodra, haingö Iehova.

Jeremia 46:21

Haba je aten adre me hok hwaban hnyi wanben e, ödra helâ me je nokon kau adre me tuö hnyi uma; anyin adre me hwio minya me tha kec, adre me ca tot hmâ bi: anyin ame o but kodra bong bongudra vec, ûen he ka senʼ ödra.

Jeremia 49:8

Aten Dedana lö, kec hmetu ju öbun, laba ju hnyikânâi; anyin a oge me he ka oâ okongon Esau kâu, wale hnyi ûen oge me he ka senâ e.

Jeremia 50:24

Oge hia but töu hnewem, me u me hnok dö Babulona, ke e ca khanö u bi: adre me ō u me kot u minya, anyin a u je vat me Iehova.

Jeremia 50:27

Hlingâ but haleny je bolok hia; e so adre me he ka hnyi hna hlingâ: ekölö gadra! anyin ame o but bongudra bong, ûen senâ e.

Jeremia 51:18

Ödra ta je ûnyi baû, huliwa hnân hlumâ: ame he ka hi ödra but hnyi ûen adre me senʼ ödra.

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Je tenge anyi Jeremi 3:47

Ame o but kohmun ot, me thop, me ba at, me hna ohia.

Hosea 9:7

A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

Amosa 5:19

Ke helâ me at ame kec ge liona, kʼ ame ûkhanö bi me bea; ke ame ne dit hnyin uma ke ame ka ip hnyamen hnyi hna up uma, me ame oloû but on.

Mika 7:4

Haba tavat ae so gadra, me helâ me ûö ae ûdedö: ke haba tavat ae ti fofâ gadra, me kong hon hak ae ûdedö: e but ang bong bongon tavat adre me tuö u, wale ûen he ka senö u; adre me he walang ang ka hlöhlö.