Jeremia 48:37 - Iaai Bible 1901 (New Caledonia)

³⁷ Ke hadreû je hodra hia, ke adre giâ je waidra hia: e hu hwadeny hna kave hon je hnyam hia, ke ecmano ae gan nân hon je nyidra.

Jeremia 48:37 ပူးပေါင်းရင်းမြစ်များ

Genese 37:29

Ke Reubena ame hmetu ka hnyi hmonop, ke wâ bi, e hiö Josefa but eû hnyin hmonop; me e ame kia je ûkhaûen.

Genese 37:34

Ke Jekob ame kia anyin je ûkhaû, me khavâ mano ae gan nân me tenge can nokon, ae se hia je bong.

I. Je Than 18:28

Ke ödrin e hongot hwege me ve kavi ödrin bi helâ me hwakecidrin ge je hele, me je ō, ke ne o but ame hingölö drödrin hudrin bi.

I. Je Than 21:27

Ke a long ut Ahaba ta je hofuc eling, me e ame kia anyin ûkhaû, me khavâ ecmano ae gan nân, kʼ ame ca han, kʼame mokulec ec mano ae gan nân, me he menyöng.

II. Je Than 6:30

Ke a long ut than hofuc hwan momo, me e ame kia anyin ûkhaû; (ke e ame ngenu hon hna up haginy;) ke haba tavat adre me wâ, ke wâ bi, e ame khavâ unyin ge ecmano ae gan nân.

I. Man Ûlabainy Je Than. 19:4

Haba Hanuna ame hom lathnyabai Davita, me giʼ ödrin, me subâ but je khaûidrin hnyi wanben ke ne o but hnyi hon je hujiödrin me kunʼ ödrin dut.

Isaia 20:2

haba hnyi ûen eling, me ame ba Iehova a deny Isaia nöku Amosa, ka habe, He thö ka thang mano ae gan nân hnyi fetrem, ke uny jut tangen li hnyeûcam. Me e ame ânyâ helâe, kʼ ame he thu ke ba tangen hnyeûca.

Isaia 3:24

Ke ame he ka hu bebong hwaban bo so; ke tö ae gan nân, hwaban wen hnyok; ke hadreû, hwaban hna theibâ ban; ke hnamöc a mano ae gan nân, hwaban ûkhaû ae laû; ke delâ, hwaban hmainy hnyimak.

Isaia 37:1

KE a long ut Hezekia than me e ame kia anyin je ûkhaû, me khavi ecmano ae gan nân, me dit ka hnyi uma umo Iehova.

Jeremia 16:6

Ke ame he tavat ae gan me tavat ae ûhnyûkong ka mok hnyi hnyei ang: adre me ca he ka konim ödra; ke ame ca he tavat ka tenge gadra, ke adre me ca he ka thamuö hwadrak ny, me ohadreûâ, adre me ânyâ hnyi hnyamok;

Jeremia 41:5

me ame o but tavat a eite ûhedra Sekema me Silo me Samaria, adre giâ je waidra, me kia anyidra je ûkhaû, me ka kavi ödra bi, adre me hom je bwihlany me libanu ka hnyi uma umö Iehova.

Jeremia 47:5

A o but hadreû ban kö Gaza; adre me ohia Asekelona, kolon hnyigöulen anyidra bucen; u me he ka kavi u bi ke ne o but kehö?

Jeremia 49:3

Kuku tenge thö, Hesebona, anyin ae kong ut Ai; hongot dö goranyai wahlu laku Raba, oweikʼ öbun ju ge ec mano ae gan nân: tenge thungaû thö, me he monu hnyi je hak; anyin ame he ka bâ Malekama, tha e me anyin tavat bihut, me anyin ta je taben.

Ezekiela 27:31

ke adre me he ka ohadreûâ je bödra gam, me weikâ mano ae gan nân, me tenge me hnyok as vec gam, me tenge hwege.

Ezekiela 29:18

Nokon at lö, haba Nebukaneza than Babulona ame ânyâ huliwa ae so hmönyin ûcon Turo hnen anyin je utbavat: e hadreû thö je bödra hia, kʼ ame han hia but je abenyidra; ke so bi e ame ca kap troban, me anyin utbavat, ûnyi Turo, hnyi huliwa e ame ânyâ ûcon:

Ezekiela 7:18

Adre me he minya ka weikâ ecmano ae gan nân, ke adre me he ka tubi ödra ge öbubuny: ke ame he ka hmehma ta je hnyimak hia, me hadreû hia ta je bödra.

Levitiko 19:28

Ca he öbun ka sei hon komok hnyi je unyibun, me thâ je unyibun: Inya Iehova.

Amosa 8:10

Ke oge me he ka wia anyibun je bijeû ka hnyi tenge, me anyibun je khumöng hia ka hnyi, tenge thungaû; ke oge me he ka oâ ka hnyi ta je hnyin hia mano ae gan nân, me ohadreûâ ta je ban hia; ke oge me he ka wia e helâ me hwatenge can nokon a khaca, me obiny e helâ me bong vec.

Mika 1:16

Ohia but leûnen bâm ke giâ bi; can lakom u me betenge gadrin: ogânâ but dok ae ba leûnen helâ me aeto; anyin adre me he but ka bâ ûhedra unyâm.

Mareko 5:5

E ame laba bala hnyi lit me lany hnyi je erkemok me je bucen, ame tenge, me ka hamen bi kave e ge veto.

Hna Omanenâ 11:3

Ke oge me he ka hna ka li at ohnathu nya he ka perofeta hnyi ta je bong a wan thauzan tu haded ke sikste, adre khaû ödru ge mano ae gan nân.