Jeremia 48:36 - Iaai Bible 1901 (New Caledonia)

³⁶ Anyin a wale ame fuc hnyekuk helâ me utkowi ge Moaba, kʼ ame fuc hnyekuk helâ me utkowi ge at Kira-heres: anyin a hia but je kolon je ûnyi adre me hu.

Jeremia 48:36 ပူးပေါင်းရင်းမြစ်များ

II. Je Than 3:25

Ke ödrin e hagutâ hnyikânâi ta je taun; me ve khûö veto hon je utkânâ hia ae so, me ounöngötâ; ke ödrin e hlöng je hna pupuainy köiö hia, me sö degecâ je ûö hia ae so: kʼ adre hnen biju hnyi Kiraharaseth je vetoiny; kʼ ame he igigilo e tavat koloû, me kot e.

Ta je Vejec 11:4

E ca ûnyi hnathu omjeû hnyi ûen hmonyin: Ke haba hwakecin ae wisa me wale ûhomeli ûnyi hnyi hna mok.

Ta je Vejec 13:22

Haba at ae so me ame he ka ha jekhon je laöbiny; Ke adre me ip hobi kâu tavat ae wisa omjehen at ae kong.

Ta je Vejec 18:11

Haba tang omjehen at ae tren ta ûnyi, me wale anyin taun ae hwege, Ke helâ me hak veto ae beû goranyai hnyi ûnykûmenen bi.

Isaia 15:5

Ame tenge hynekuk ge Moaba; ame kec anyin je taben Zoara ai, wale Egelath-selisia: ke adre me vheno gethen ûheny Luhith me tenge tot; anyin a haba hnyi gethen ûheny Horonaim adre me hongot goranyai tenge ae imekiny.

Isaia 15:7

Anyin a wale haba je omejeû gadrin ae gan, me ta je omjehedra adre ip, adre me he ka hom ka hnyi wageweiny garaba.

Isaia 16:11

Anyin a wale ame fuc hnyekuk helâ me kitara can Moaba, kʼ ame fuc hnyekuk can Kira-heres.

Isaia 63:15

Wâ ju ûnyi hnyi drany, me wâ ûnyi hnyi hnyabam ae kap me hmanenang; ewa wem ae hwege me hna ânyâ hnen manâm man? adre hom behânâ medien hnyekom me ânyâm betenge könya.

Jeremia 17:11

Haba kore ame mokulec ta je lakon, ke ca ta je hing lakon bi, helâe ge at ae tren omjeû ke ca hoton bi wisa; hnyi wanben bonginy je bong, e ame he ka hna degecâ bi e, ke haba hnyi obiny e ame he ka at ae monu.

Jeremia 4:19

Hnyekuk, hnyekuk! oge me vec ut eû hnyi hing hnyik; ame bwebwet hnyekuk eû hnyik; e ca khanönya he ka laba hnyibû; anyin a u je long ut, hanuk lö, ifucin trutru me hwan vat.

Jeremia 48:31

Anyin a wale oge me he ka; kuku goranyai ge Moab; eke, oge me he ka hongot tenge ge Moaba hia: adre me he ka tenge thungaû ge at Kira-heres.