Jeremia 48:29 - Iaai Bible 1901 (New Caledonia)

²⁹ Ohmun e löng ut bigan anyi Moab, a e gan hmâ hop; kʼ ame begörany, ke bi gan, ke bemusi, ke khulelau hnyekon.

Jeremia 48:29 ပူးပေါင်းရင်းမြစ်များ

Salamo 138:6

Eja ke ne a ne gorany Iehova, e ame he ka wâ tavat ae hnyikânâ: Ke e ame wâhmakhmetoâ tavat bi gan hnyi dok ae sâkâû.

Ta je Vejec 18:12

Ame bân ka bi gan hnyekon at, ke biliny bi he ka hia, Ke ame bân hnyok ae hnyikânâ, ke biliny bi hna ogânâ.

Ta je Vejec 21:24

At ae began me begörany, me ûhiö ien bi, E ame huliwa hnyi biganiny at ae hop.

Ta je Vejec 30:13

E hu dö ae gorany hmonyin je emakodra, Ke ti gorany dö je bademaködra.

Ta je Vejec 8:13

Haba ot kö Iehova, me wale he ka hmiân hulo: Ke haba bi gan, ke begörany, ke gethen ae kong, Ke hnyem ae hwali, me wale je hûkö-tiânök.

Isaia 13:11

Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

Isaia 16:6

Ate hia but long hnyok bi gan anyi Moaba, a e bi gan hmonyin; wale anyin bi gan, me begörany, me wathethot; ke ûnyi baû bi anyin je bi gan.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Luka 14:11

Anyin adre me he ka oûhnyûkongoâ at ame ogânâ e bi; kʼ adre me he ka ogânâ at ame ka oûhnyûkongoâ e bi.

Iakobo 4:6

Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.