Jeremia 48:2 - Iaai Bible 1901 (New Caledonia)

² E ba but hmetu hna ogânâ Moab: kʼ adre hia but penapena okongon hobi kâu bi hnyi Hesebona, haingodra, ka habe, Ate me he ka subâ degecâ e me me ca hnyei hmetu bi. Ke haba u Mademena lö, adre me he minya ka ohnyibû u; kʼ ame he hele vat ka hnu u.

Jeremia 48:2 ပူးပေါင်းရင်းမြစ်များ

Isaia 15:1

HOK honen Moaba. Adre me söh Ara-moaba hnyi hnyinghet, kʼ adre me oûnyibaûâ e; adre me söh Kira-moaba hnyi hnyinghet, kʼ adre oûnyibaûâ e.

Isaia 15:5

Ame tenge hynekuk ge Moaba; ame kec anyin je taben Zoara ai, wale Egelath-selisia: ke adre me vheno gethen ûheny Luhith me tenge tot; anyin a haba hnyi gethen ûheny Horonaim adre me hongot goranyai tenge ae imekiny.

Isaia 16:14

Ke a hia but fuc Iehova walang ang, me ha, ka habe, Hnyi ta huna a kun hoton je hunainy at ame hok hwaban, me adre me he ka hûkotiâ hmanenanginy Moaba, tha e me aten ae se hia hmonyin; kʼ ame he ka wakhalet hmonyin je kolon ke ca ûnyi hnathu hmetu.

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Jeremia 25:15

Anyin a walang hna ha hnö Iehova Khongu Isaraela könya, ka habe, Hom dö tap wainainy hmonyin ang ûnyi hnyi hnyamok, me habelen je hnyei hia waleji oge me he ka kunö u ka hnyin.

Jeremia 25:17

Me oge me hom kaia ûnyi hnyi hnyamö Iehova, me habelen je hnyei hia waleji ame kunö nya Iehova ka hnyin:

Jeremia 31:36

haingö Iehova, ka habe, a ne he ka hia hnyi hnyimakök je hnanyibu eling, me ame he ka ba hmetu hnyei hnyi hnyimakök mâtrâniny Isaraela nyiele balua.

Jeremia 33:24

Hawa, u me ca ûnykûme hofuc hwan tavat ang waleji a haingodra, ka habe, Haba li lap waleji a ûca Iehova, me e ame hna degecâ but? ke adre me hûkotiâ lakeik, me me ca hnyei hmetu bi hnyi hnyimakodra.

Jeremia 46:28

Jekob, athnyabaik lö, ca ot bi, haingö Iehova; anyin a tha inya möu: anyin oge me he bi ka ti ohia je hnyei hia waleji oge obö u ka hnyin, ke oge me ca he ka ti ohiö u; ke so bi oge me he ka nö u ge hna owisa, ke oge me ca he bi ka hnö u ke ba hwaban.

Jeremia 48:17

Öbun hia thithö tavat igigilo e, mâng dö gan, ke öbun hia tavat ae khanʼ öbun ien, ha thö, ka habe, Ekölö a hmetru thö uci ae hwege, utö ae mec!

Jeremia 48:42

Ke adre me he ka kot Moaba me me ca he hmetu ka hnyei, anyin a e ame hia but bi gan kö Iehova.

Jeremia 48:45

Haba tavat adre kec adre me tot hnyi hmenu Hesebona ke ba tang hwegiödra: anyin ame he but meic ûheny Hesebona, me bâhlân meic ûnyi hnyi hnyin Sihona, me ame an baten wainy Moaba, me wanben ban tavat adre me imonumonu.

Jeremia 49:3

Kuku tenge thö, Hesebona, anyin ae kong ut Ai; hongot dö goranyai wahlu laku Raba, oweikʼ öbun ju ge ec mano ae gan nân: tenge thungaû thö, me he monu hnyi je hak; anyin ame he ka bâ Malekama, tha e me anyin tavat bihut, me anyin ta je taben.

Jeremia 49:37

Ke o ge me he ka ootâ at Elama hnyi hnyimakan je iwahnaihmiony mödra, me hnyi hnyimakan tavat adre me elâm he ka hlingʼ ödra: ke oge me he ka oâ kodra okongon, wale anyik hmonyin ae hwege, haingö Iehova; ke oge me he ka kunâ hotudra hele vat, ke ne o but oge hia but ohiʼ ödra:

Numera 32:37

Ke haba laku Reubena, me adre me otilâ Hesebona, me Eleala, me Kiriathaima;