Jeremia 48:18 - Iaai Bible 1901 (New Caledonia)

¹⁸ Hlu ame laba hnyi Dibona lö, utut ûhem hnyi ânyâm hmanenang, ke laba biju hnyi dok ae atgec; anyin ame o köu at ame söh Moaba, e ame ohia ânyâm je hnabâ.

Jeremia 48:18 ပူးပေါင်းရင်းမြစ်များ

Genese 21:16

Kʼ ame he momo me laba sâkâûâ cicö e, helâke hna fana ka hnyin: anyin a haingen, ka habe, Iny na ca wâ imekiny wanakat. Ke momo ame laba cicö me tenge hwege goranyai.

Esodo 17:3

Ke haba tavat adre me beic eling; kʼ ame etrö Mose tavat me habe, Ieû gam u je hum ohmun ûhehmun Aigupito he ka hlingʼ ohmun me lakuhmun me halehmun je meno ge beic?

Isaia 15:2

Me e ame ölö ka hnyi uma kap, me Dibona, ka hnyi je dok ae gorany he ka tenge: Moaba ame kuku tenge ge Nebo, me Medeba: ame hadreû je bödra hia, kʼ adre me sö degecâ je waidra hia thithö.

Isaia 47:1

UTUT, ke laba ju hnyi sesâ, u hlu Babulona; laba ju eû hnyi kânâ ke ba but theron, u hlu anyin at Kaledaia: anyin adre me ca he hmetu ka haiö u a u menyik me mita.

Isaia 5:13

Anyin a wale ame he lakeik ka bâ, can e ba ûnyi ae khanʼ ödra: kʼ ame mekihnânen tavat ae beönua gadra, ke mok ge beic hoûmonu gadra.

Jeremia 48:22

me Dibona, me Nebo, me Bethe-dibela-thaim;

Ezekiela 19:13

Ke walang ang, adre tä e hnyi hnyebuba hnyi hnyei ae atec he ba köiö. Ke ame he but meic ûnyi hnyi utoiny je anginy, me thong wan, ke ba hmetu bi unyin ke anginy ae hwege hnân ciny musi. Wale tenge, kʼ ame he ka e bi hnân tenge nyiele.

Numera 21:30

Ötin e sânʼ ödra; a kong ut Hesebona ke ne o but Dibona, Kʼ ötin e hia but hûgûnʼ ödra ke ne o but Nofa, Wale ke ne o but Medeba.

Numera 32:3

Haba hnyei Atarotha, me Dibona, me Jazera, me Nimera, me Hesebona, me Eleala, me Sebama, me Nebo, me Beona,

Josua 13:17

Hesebona me je tauniny hia thithö hnyi dok ae tha hon; Dibona me Bamotha-baala me Bethe-baalameon;

Josua 13:9

hwân Aroera, hnyi baten hnyigöulen bucen e Arenona, me taun hnyi wanben e, me hnyei hia ae tha hon hnyi Medeba, ke ne o but Dibona;

Owisa 15:18

Ke gan hmâ beic kâu me e ame tenge Iehova, me ha, ka habe, U je hna ka athnyabaem hna omelö eang ae gan, ke walang any oge me he but ka mok ge beic, me ta ka hnyi hnyamen tavat adre ca peritomonâ bi.