Jeremia 48:15 - Iaai Bible 1901 (New Caledonia)

¹⁵ Adre kot hia thö Moaba, ke adre me he ka hnyi je taun, ke haba anyin je hidröu e ame ûca, adre me he unyin tavat adre me he ka hlingʼ ödra, haingen Than, Iehova tuhan sabaoth ien.

Jeremia 48:15 ပူးပေါင်းရင်းမြစ်များ

Salamo 47:2

Anyin a Iehova Beönua at hnân outen; E than ae gan hmâ hon hmeledrany hia thithö.

Jeremia 46:18

Haingen Than, Iehova tuhan sabaoth ien, ka habe, Kia inya, e hnathu e ame he ka o helâ me Tabora unyin ta je bucen, ke helâ me Karemela hnyi baten köiö.

Jeremia 48:4

Adre me ohia Moaba; adre me long ûtengien tavat ae ûhnyûkong eû hnyin.

Jeremia 50:27

Hlingâ but haleny je bolok hia; e so adre me he ka hnyi hna hlingâ: ekölö gadra! anyin ame o but bongudra bong, ûen senâ e.

Jeremia 50:34

E hwege at ame ûcû melidra; Iehova tuhan sabaoth ien: e ame he ka ti ivino hobi ködra, me me he ka omenâ hmeledrany, me oöbubunyâ tavat adre me laba hnyi Babulona.

Jeremia 51:40

Oge me he ka hum ödra helâ me lakon mamoe he ka hlingʼ ödra, helâ me je mamoe baga me je got baga.

Jeremia 51:57

Ke oge me he ka omono je tuhan me tavat unyin ae metâ, me je gavenainy me anyin je taben, me tavat unyin ae hwege; ke adre me he ka mokut nyiele balua, me ca hmak hmetu bi, haingen Than, Iehova tuhan sabaoth ien.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Amosa 4:10

Oge hia but kunâ köbun mok ae cap helâ me hnyi Aigupito: oge hia but hlingâ wahidröu gabun ge hele vat, me hûgûnâ halebun je hors: ke oge hia but oâ bokonginy hnobun hna hunuma ka hnyi je hnyingöibun: ke öbun e ca hmetu könya haingo Iehova.

Zakaria 14:9

Ke ame he Iehova ka Thaniny hmeledrany hia: hnyi bong eling ame he Iehova ka khaca thibi, ke khaca thibi ien.

Malaki 1:14

Ke e ka mok at iyawö, at ae hu baga hnyi haleny hnahat mamoe, ke e ame bi khöbi, me hudo at ae kong ka Than; anyin a iny than ae gan hmâ, haingö Iehova tuhan sabaoth, ke hnân outen iök unyin je Hnyei.

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

Hna Omanenâ 19:16

Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.