Jeremia 48:12 - Iaai Bible 1901 (New Caledonia)

¹² Anyin a wale, wâ bi, ame he ka o je bong, haingö Iehova, me oge me he ka kunâ kâu tavat adre hingâlâ, mʼ adre me he ka hingâlâ e; ke adre me he ka hingâlâ hia ûnyi hnyi anyin je kaia, me oamamâ anyidra je kaia.

Jeremia 48:12 ပူးပေါင်းရင်းမြစ်များ

Salamo 2:9

U ma he ka thamûʼ ödra ge uci a fao; Me sa omomonu ödra helâ me utkaia adre op.

Isaia 16:2

Ke ame he wahluiny Moaba hnyi je hna utihai hnyi Arenona ka helâ me je meno ame gâ monu, ke helâ me hâûeu meno adre oveseâ.

Isaia 30:14

Ke e ame he ka thö e helâ me hna thö kaia kânâ adre oamamâ me ca betenge gan; mʼ adre me ca he bi ka wâ ong eckeihen ae ûcû he ka hok meic ûnyi hnyi hnabadröu, me seköiö ûnyi hnyi taben köiö.

Jeremia 14:3

Ke haba je tuhödra, me adre me kunâ je lakudra ka hnyi ta je an: adre me o but ka hnyi ta je thop, kʼ adre me ca wâ bi köiö; adre me hmetu me belidra je kaia ae hme: adre me hmehma me hlohlo, me tube je bödra.

Jeremia 19:10

Me u me he ka thö kaia hnyi hnyimakan tavat adre me tha he möu.

Jeremia 25:34

Kuku tenge thö, öbun tavat tuö mamoe; ke tenge thö me seset hnyi kânâ öbun je homakan hnahat mamoe, anyin a hwâdâ thö je bong hnân he ka hlingʼ öbun, ke oge me he ka tha oamemʼ öbun, ke öbun e he ka kolu helâ me kaia ae so.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 48:11

Haba Moaba ame hia but laba menâ hwân ke tiga hidröu, me laba hon anyin je atmen, ke adre ca hingâlâ e ûnyi hnyi ke kaia ka hnyi ka kaia, ke adre ca hia but hom hwenbâ e: anyin a wale e bi hnebwiainy, ke ame ca wia bi bunen e.

Jeremia 48:13

Ke ame he Moaba ka hmehma ge Kimosa, helâji me lap anyi Isaraela ame hmehma ge Beth-ela, waleji adre me labageju kâu.

Jeremia 48:15

Adre kot hia thö Moaba, ke adre me he ka hnyi je taun, ke haba anyin je hidröu e ame ûca, adre me he unyin tavat adre me he ka hlingʼ ödra, haingen Than, Iehova tuhan sabaoth ien.

Jeremia 48:38

E hu hwan tenge hon je ban uma hia hnyi Moaba, me hnyi je getheniny: anyin oge hia but thö hmouca Moaba helâ me kaia a ca hnân senyinâ, haingö Iehova.

Jeremia 48:8

Ke ame he ka utut at söh ka hnyi je taun hia, ke ame ca he ka mot ke taun; ke adre me he ka okongoâ hnyegöulen bucen, me öba wan dok ae tha hon; helâ me hna ba hnö Iehova.

Nahuma 2:2

Anyin a Iehova ame ohmeto hmanenangi Jekob, helâ me hmanenangi Isaraela: anyin a hingâlâ degeci ödra hnen tavat hingâlâ degecâ, me okongoâ anyidra je anginy.