Jeremia 48:11 - Iaai Bible 1901 (New Caledonia)

¹¹ Haba Moaba ame hia but laba menâ hwân ke tiga hidröu, me laba hon anyin je atmen, ke adre ca hingâlâ e ûnyi hnyi ke kaia ka hnyi ka kaia, ke adre ca hia but hom hwenbâ e: anyin a wale e bi hnebwiainy, ke ame ca wia bi bunen e.

Jeremia 48:11 ပူးပေါင်းရင်းမြစ်များ

Salamo 123:4

Ame ti unöngöt hanuhmun Ge hna hmiân hnen tavat adre me laba khötkic, Me hna ûbiö hnen tavat bi gan.

Salamo 55:19

Ame he Khong ka long me thu kodra, Wale at ame laba kâû adrem, [Sela. Tavat adre me ca wia bi, Me ca ot bi ka Khong.

Ta je Vejec 1:32

Anyin adre me he ka hlingʼ ödra hnen ihwiöiny tavat ae ba hnyekudra bi, Ke ame he ka hiʼ ödra hnen sot anyin tavat ae monu.

Isaia 16:6

Ate hia but long hnyok bi gan anyi Moaba, a e bi gan hmonyin; wale anyin bi gan, me begörany, me wathethot; ke ûnyi baû bi anyin je bi gan.

Isaia 24:3

Ame he ka ti ba onyen hnyei, me ti söh; anyin a hia but Iehova ha hofuc ang.

Isaia 25:6

Ke ame he Iehova tuhan sabaoth ka ânyâ hnyi bucen ang hobi kâu ta je hnyei hia thithö bijeû ge ta je ûnyi ae pipikhenya, bijeû waina adre tha ip me kolon, ke adre ânyâwia.

Jeremia 22:21

Oge fuc köu hnyi ânyâm sot, me u me ha, ka habe, Oge me ca he ka löng. Wale hwakecâm kʼ u tiga ûhnyûkong, ke u je ca löng ifucik.

Jeremia 48:12

Anyin a wale, wâ bi, ame he ka o je bong, haingö Iehova, me oge me he ka kunâ kâu tavat adre hingâlâ, mʼ adre me he ka hingâlâ e; ke adre me he ka hingâlâ hia ûnyi hnyi anyin je kaia, me oamamâ anyidra je kaia.

Jeremia 48:29

Ohmun e löng ut bigan anyi Moab, a e gan hmâ hop; kʼ ame begörany, ke bi gan, ke bemusi, ke khulelau hnyekon.

Jeremia 51:34

A hia but ön nya hnö Nebukaneza than Babulona, e ame hia but ohmöiöngi nya, e ame wiö nya me kaia ae ba onyen; e ame utö nya helâ me tanimo; e ame osekunâ e ge anyik ta je ûnyi ae ti senem; e ame obö nya kâû.

Nahuma 2:10

E ba onyen e, adre me öba onyen, iny jut wau: ke ame köiö but hnyok, kʼ ame öbubuny je boucadra, ke vec hia thö je hnyidra, ke löhau but ta je hnyimakodra hia.

Nahuma 2:2

Anyin a Iehova ame ohmeto hmanenangi Jekob, helâ me hmanenangi Isaraela: anyin a hingâlâ degeci ödra hnen tavat hingâlâ degecâ, me okongoâ anyidra je anginy.

Zefania 1:12

Ke hnyi ûen eling oge me he ka jien Jerusalema ge je lamepa; ke oge me he ka bi hwaban ka tavat adre me laba sot, tavat adre me ha eû hnyi hnyok ka habe, Ame ca he Iehova ka mâdrâ so, ke ame ca he ka ânyâ minya ûnyi ae kong.

Zakaria 1:15

Ke e gan hmâ anyik hmonyin ka tavat adre me laba hnahic: anyin ae ûhnyûkong anyik hmonyin, ke haba ödrin bi, me adre me ogânâ hna ovecâ.