Jeremia 46:2 - Iaai Bible 1901 (New Caledonia)

² Ge Aigupito: me utbavat anyi Farao-neko thaniny Aigupito, a e hnyi wagewe Euferate hnyi Kakemis, waleji hnö Nebukaneza than Babulona hna kot hnyi huna a vaki Jehoiakima nöku Josea than Juda.

Jeremia 46:2 ပူးပေါင်းရင်းမြစ်များ

II. Je Than 18:21

Wâ bi, u me bi cem ka uci hlowe ae hmetru, a Aigupito; ke e ka hlec hnyiban e ge at me ame he ka dâ oâ hnyamen: helâe Faroa than Aigupito ködrin hia adre me labageju kâu.

II. Je Than 23:29

Hnyi bongon je bong ame o but Farao-neko than Aigupito he ka vat me than Asuria hnyi wagewe Euferate: ke haba Josea than ame he he ka vat mē; ke ödru me iouny dö, me e ame hlingâ e hnyi Megido.

II. Je Than 23:33

Ke haba Farao-neko ame ca e hnyi Ribela hnyi hnyei Hamath, me me ca he ka musi hnyi Jerusalema; me e ame kunâ tavat he ka fat khaca haded je talan sileva, ke khaca talan gol.

II. Je Than 24:7

Ke ame ca o hmetu bi than Aigupito ûheny hnyi iny hnyei: anyin a than Babulona ame hia but hûgûnâ hia je hanymen than Aigupito, hwân hnyi wagewe Aigupito ke ne o but hnyi wagewe Euferati.

Isaia 10:9

Hawa, e ca tha ûcû Kalene me Kakemis? ke ca ûcû Hamath me Arepada? ke ca ûcû Samaria me Damaseko?

Isaia 19:1

HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Isaia 19:19

Hnyi bong eling ame he ka hu taben hut kö Iehova hnyi wanben hnyei Aigupito, me haten adre otilâ kö Iehova hnyi hnyigöulen e.

Jeremia 25:1

HOFUC ame o kö Jeremia ge tavat Juda hia hnyi huna a vaki Jehoiakima nöku Josea, than Juda; wale huna a bâni Nebukaneaz than Babulona;

Jeremia 25:19

kö Farao than Aigupito, me lathnyabainy, me anyin je taben, me je lakeiny hia;

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 36:1

KE haba hnyi huna a vaki Jehoiakima nöku Josea than Juda, me ame o but hofuc ang kö Jeremia ûnyi ga Iehova, ka habe,

Jeremia 43:11

Ke e ame he ka o me kot hnyei Aigupito; ke haba at hobi kâu mok, me ame ka he bi ka mok, ke haba at hobi kâu bâ, me ame ka he bi ka bâ, ke haba at hobi kâu hele vat, me ame ka he bi ka hnyi hele vat.

Jeremia 45:1

WALANG hofuc ame ha Jeremia perofeta kö Baruka, nöku Neria, waleji hnyi hnen hna sihnalimen ta je hofuc ang hnyi tusi ûnyi hnyi hnyimö Jeremia, hnyi huna a vaki Jehoiakima nöku Josea than Juda, ka habe,

Jeremia 46:14

Haimemenâ thö hnyi Aigupito, ke omanenâ thö hnyi Migedola, ke omanenâ thö hnyi Nofi me Tapenesi; ha thʼ öbun, ka habe, Todrö, penapena thö; anyin ame an igigili u hnen hele vat.