Jeremia 45:5 - Iaai Bible 1901 (New Caledonia)

⁵ Ke hawa, u me elâm je ûnyi ae gan hobi köu bi? ca elâm bi: anyin a wâ bi, oge me he ka oâ okongon ka tavat hia thithö, haingö Iehova; ke oge me he ka ham köu ânyâm bi mot hnân jekhom hnyi ta je dok hia thithö waleji u me he ka he ka hnyin.

Jeremia 45:5 ပူးပေါင်းရင်းမြစ်များ

Genese 6:12

Ke Khong ame wâ hmeledrany, ke wâ bi a ikiki thö; anyin a hia but tavat hia oikikiâ dedra eang hmelen.

I. Je Than 3:11

Ke haba Khong ame ha kâu, ka habe, Anyin a u je sumâtâ ûnyi eling, ke u je ca sumâtâ he ka möt beû hobi köu bi, ke u je ca sumâtâ omjeû hobi köu bi, ke u je ca sumâtâ me me mok je iwahnaihmiony möu; ke u je sumâtâ bi metâ hobi köu mʼ u me wâhmakhmetoâ he ka owisa;

I. Je Than 3:9

Ö u ham könya athnyabaem hnyok ae metâ he ka owisa ka lakem, mʼ inye he ka wâhmakhmeto so me kong; anyin a ie at ae khana he ka owisa ka lakem ae gan helâng?

II. Je Than 5:26

Ke haingen kâu, ka habe, Hawa, ame ca he unyâm hnyekuk kʼ ame hwio thö at ûheny hon anyin kariota he ka ûkhanö möû? Hawa, e ûcû ûen ang he ka kap sileva, me je ûkhaû, me je hnyei elaio me vine, me je mamoe me bolok, me lathnyaba obaga me omomo?

Salamo 131:1

IEHOVA lö, e ca bi gan hnyekuk, kʼ ame ca hop li emakök; Ke oge me ca vheno ta je ûnyi ae gan hmâ, Me ta je ûnyi ae iyong huk.

Isaia 66:16

Anyin ame he Iehova ka ivino me tavat hnen meic, me anyin hele vat: ke ame he ka se hia hani Iehova.

Jeremia 21:9

Haba at ame he ka laba bala bi hnyi taun ang, ame he ka mok ge hele vat, me hmiâ, me mok ae cap: ke haba at ama didrut, me kec ka at Kaledaia, tavat adre me igigilo öbun, me ame he ka mot, ame he ka jekhon anyin mot.

Jeremia 25:15

Anyin a walang hna ha hnö Iehova Khongu Isaraela könya, ka habe, Hom dö tap wainainy hmonyin ang ûnyi hnyi hnyamok, me habelen je hnyei hia waleji oge me he ka kunö u ka hnyin.

Jeremia 25:16

Ke adre me he ka ic me ta tot, me ti hmonyin, can hele vat oge me he ka kunâ kodra.

Jeremia 25:26

me ta je than hia hnyi hwadro, tavat ae hakekeny me sâkâû, ke at me ke at, me ta je dökhuiny hia hmeledrany hnyi hon kânâ: ke ame he than Sesaka ka ic hnyi hwa-bödra.

Jeremia 25:31

Ame he ka o mede ke ne o but hnyi can hmeledrany: anyin ae hu ivino anyi Iehova me ta je hnyei, e ame he ka ûhnei me tavat hia: ke haba tavat ae kong, e ame he ka hnʼ ödra ka hnyi hele vat, haingö Iehova.

Jeremia 38:2

Walang hna ha hnö Iehova, ka habe. Haba at ama laba bala bi hnyi taun ang, ame he ka mok ge hele vet, me hmiâ, me mok ae cap: ke haba at ame he ka he ka at Kaledaia, e ame he ka mot biju, ke ame he bi ka jekhon anyin mot, ke e ame he bi ka mot.

Jeremia 39:18

Anyin ae hnathu oge me he ka omeli u, ke u me ca he ka ta ge hele vat, ke ame he ânyâm mot ka jekhom: anyin u je hia but labageju könya, haingö Iehova.

Zefania 3:8

Anyin a wale halubahing nya ju, haingö Iehova, ke ne o but bong oge me he ka höhöi ka hnyi hna söh: anyin a mou but hnyekuk he ka ûkhacaköuâ je hnyei, mʼ oge me he ka ûkhacaköuâ je dökhu, he ka hingâlâ hudrin anyik hmonyin, wale anyik wathethot ame ubâhlâ; anyin adre me he ka thong degecâ hnyei hia ge meicin anyik ciâ.

Roma 12:16

Tha hnyokköuâ juöbun. Ca ûnykûme bi ta je ûnyi ae görany, ke ca höcö he ka vheno ta je ûnyi ae hnyikânâ. Ca bemetâ bi öbun hnyi je ûnykûmenöbun.

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.