Jeremia 45:3 - Iaai Bible 1901 (New Caledonia)

³ U je ha, ka habe, Ekölö gak walang ang! anyin a Iehova ame hia but bi hanen hlöuhlöu ka hnyi anyik vec; oge sënyin dut anyin mâng, ke oge me ca wâ hna menâ.

Jeremia 45:3 ပူးပေါင်းရင်းမြစ်များ

Jobu 23:2

Haba hnyi bong ang me hiny hnok hna tenge: E hmak hna kuc nya hon imângik.

Salamo 120:5

E köiö gak anyin a inya oge me laba kanyua hnyi Meseka, Ke unyin je uma mano hnyi Kedara!

Salamo 27:13

Oge me monumonu, oge ne ca gejon he ka wâ so ûnyi ga Iehova Hnyi hnyei iny tavat ae möt.

Salamo 42:7

Ame hongot ke dok ae dit ka ke dok ae dit hnen hwan ânyâm je boûdet: A hia but khutukhaûö nya ânyâm ta je waköiö me ânyâm je wabulu.

Salamo 6:6

Iny sënyin dut ge anyik mâng; Ame uoû hnok hna mokut ge tenge hnyi je lit hia; Oge me okhubetâ hnok hna mokut ge deköien li emakök.

Salamo 6:7

Ame jok ut li emakök ge hloûhloû; Ke hadedak ûnyi ge je iwahnaihmiony mönya hia thithö.

Salamo 69:3

Oge sënyin dut ge anyik tenge; e atgec dö jeköwik: A jok ut li emakök ke oge me halubahingen Khonguk.

Ta je Vejec 24:10

U ka sënyin hnyi bonginy vec, E ûhnûkong bi tang hewegiâm.

Jeremia 45:2

Walang hna ha hnö Iehova Khongu Isaraela gam Baruka, ka habe,

Jeremia 8:18

E na khanönya ju he ka otubweli nya hnyi hlöuhlöu! e sënyin dut hnyekuk eû hnyik.

Jeremia 9:1

E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!

Je tenge anyi Jeremi 1:13

E ame hia but kunâ ûheny dö meic ka hnyi je jeiok, kʼ ame ton bi: E ame hia but thong ert hobi kâu li cak, e ame hia but ohmetu nya; E ame hia but hake ip nya, me ohlohloi nya hnyi je bong.

Je tenge anyi Jeremi 1:22

E na o ju ta je hwakecidra hia ae kong hnyi hnyimâkâm; Ke ânyâ thö kodra helâji me hnâm hna ânyâ könya can hnok je hna hanyâûâ: Anyin a iny osehia but mâng, ke sēnyin dut hnyekuk.

Je tenge anyi Jeremi 3:32

Anyin a eja ke ne a ne ovecâ, e ame he hmetu ka betenge hoton ûganiny anyin betenge.

II. Korinito 4:1

E HU but gahmun huliwa eang, ke adre me betenge gahmun, me waleling öhmun e ca sënyin:

II. Korinito 4:16

Wale me öhmun e ca sënyin bi; eja ke ne a ne bobot tot je unyihmun hnyi hoton, adre me ohâtâ hnyi je bong hia at eû hnyin.

Galatia 6:9

E so ate me ca sënyin hnyi huliwa ae so: anyin ate me he ka meno hnyi ûen cici, at ka ca sënyin bi.

II. Thesalonika. 3:13

Ke haba öbun, hnyat me lakeiny, ca sënyin bi he ka mâdrâ hwakecin ae so.