Jeremia 44:8 - Iaai Bible 1901 (New Caledonia)

⁸ me ame ohmönyini nya hnen ta je huliwa anyin li hnyamöbun, öbun e leû utö ae bo so ka ke je khong bi hnyi hnyei Aigupito, wale öbun e he ka hnyin he ka me labā; me adre me he ka subâ degeci öbun, me öbun e he ka hnân hangâ me haikongoâ unyin ta je hnyei hia thithö eang hmeledrany?

Jeremia 44:8 ပူးပေါင်းရင်းမြစ်များ

II. Man Ûlabainy Je Than. 7:20

me oge me he bi nya ka oc degeci ödrin ûnyi hnyi ik hnyei wale oge ham ködrin; ke haba uma ang wale o ge hia but okabâ hobi kâu iök me oge me he ka degec ûnyi hnyi hnyimakök, me oge me he ka wia e hnân ûhöûcû me hluma hnyi ta je hnyei hia.

Isaia 19:1

HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Isaia 3:8

Anyin ame hangâ but Jerusalema, ke Juda ame ü: anyin ae iwahnaihmiony me Iehova je bohmödra me anyidra je huliwa, he ka ohinyâ li emakan ae hmanenang.

Isaia 65:15

Ke öbun e he ka hnaiöbun hnân hângâ ka tavat oge ûca, kʼ ame he Than Iehova ka hlingö u; me wenyö ke ien bi hon je athnyabainy:

Jeremia 11:12

Me ame he ka he je lap anyi Juda me je aten Jerusalema, me tenge ka je khong, waleji adre leû utö ae bo so kâu: ke adre me ca he bi ka omeli ödra hnyi ûen anyidra vec.

Jeremia 11:17

Anyin a haba Iehova tuhan sabaoth at ame te u, ame ha ûnyi ae kong köu, can hulo anyin lapanyi Isaraela, me lap anyi Juda, waleji adre me ânyâ hobi kodra bi me ohmönyini nya, adre me leû utö ae bo so kö Baala.

Jeremia 18:16

me adre me wia idra hnyei hnân lâiâ, me jû nyiele balua; ame he tavat hia adre me gethen unyin ka lâiâ me nyinyikâ je bödra.

Jeremia 24:9

ke oge me be ka hnʼ ödra mʼ adre me he ka lili ödra monu ödra hnen ta je dokhu hia eang hmeledrany; mʼ adre me he ka hnân haikongoâ, me taben ûhiö me hlumâ, me hangâ hnyi ta je dok hia thithö oge me he ka obʼ ödra ka hnyin.

Jeremia 26:6

awe, oge me he ka wia uma eang me me helâ me Silo, ke oge me he ka wia taun ang hnân hangâ hnen je hnyei hia eang hmelen.

Jeremia 29:18

Ke oge me he ka hnu ödra ge hele vat, me hmiâ, me mok ae cap; ke oge me he ka hnödra ka he monu hnyi je dokhu hia eang hmeledrany, me me hnân hangâ, me kuku, me jû, me hnân haikongoâ hnyi ta je hnyei hia thithö waleji oge me he ka obʼ ödra ka hnyin:

Jeremia 32:30

Anyin a haba lakon Isaraela me lakon Juda, adre me ânyâ thibi ûnyi ae kong hnyi hnyimakök, hwân kʼ ödra tiga hidröu: anyin a lakon Isaraela adre me labö ohmönyini nya ge ta je huliwa anyin je hnyamödra, haingö Iehova.

Jeremia 42:18

Anyin a walang hna ha hnö Iehova tuhan sabaoth, Khongu Isaraela, ka habe, Oge hia but hingâlâ anyik hmonyin me anyik wathethot hon tavat adre me laba hnyi Jerusalema, helâe oge me he ka hingâlâ anyik wathethot hubun, öbun ka he ka he Aigupito ai; ke öbun e he ka hnân oû, me kuko, me hângâ, me haikongo; ke öbun e ca he hmetu ka wâ hnyei ang.

Jeremia 44:12

Ke oge me he ka hom je kolon at Juda, tavat adre me ohwegiâ je hnyimakodra he ka he Aigupito ai he ka me laba eling, ke adre me he ka oaûʼ ödra hia hnyi hnyei Aigupito, adre me he ka ta ge hele vat, me hmiâ, adre me he ka mok hwân ge tavat ae ûhnyûkong ke ne o but ge tavat ae gan, ge hele vat, me hmiâ; ke adre me he ka hnân oû, me kuko, me hangâ, me haikongo.

Jeremia 44:3

can anyidra ta je hulo waleji adre me ânyâ me adre me ohmönyini nya, hnyi hnödra hna he ka leû utö ae bo so, me bi athnyaba ka ke je khong bi, waleji ae ca khanʼ ödra; ödra, möbun, me lakamöbun.

Jeremia 44:7

Anyin a wale, walang hna ha hnö; Iehova, Khongon sabaoth, Khongu Isaraela, ka habe, Anyin a ieû öbun e ânyâ hulo ae gan hmâ eang me hnân jönibun bi, he ka subâ degeci öbun bi obaga me omomo, me je mendreng, me wanakat ame i, ûnyi hnyi wanben Juda, me me ba but kolon gabun;

Jeremia 7:9

Hawa, öbun e he ka venöu, me ûhlingö, me bi ûnyi monu me khemanyin thoi, me leû utö ae bo so kö Baala, me hnu hoton ke je khong, wale ae ca khanʼ öbun,

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Ezekiela 9:6

hlingâ degecâ but wahingat me wahidröu, me wahlu, me wanakat, me omomo: ke ca he ka hakekenyâ ke at ae hu haten; ke hwân dö hnyi anyik dok ae kap. Me adre me hwân ge wahingat hnyi hnyimakan uma.

Hosea 4:13

Kʼ adre me bi hut hon ban je bucen, ke leû utö ae bo so hon je dok ae gorany, ke hmelen je iwajo, ke je libene, ke je ela, anyin ae so hmenon: anyin a wale ame bi ûnyi monu lakubun wahlu, kʼ ame venöu laöiöbun.

Habakuka 1:16

Anyin a wale, e ame bi hut ka ûten ert, kʼ ame leû utö ae bo so ka ûten ert hlihli; anyin ae pipikhenya jekhon ûnyi gan, ke gan hmâ an jeû.

Deuteronomi 32:25

Ame he hele vat ka otengiâ eû hnyou, Ke ot eiö hnyin uma; Ame he ka hlingâ hidröu me hlu baû, Hendreng me at ae hûen.

Heberu 3:16

Anyin a ia ödra, waleji adre me hnyi löng, me ohmönyinâ e hawa, ca ödra hia waleji Mose ame hom ûhedra Aigupito?