Jeremia 44:7 - Iaai Bible 1901 (New Caledonia)

⁷ Anyin a wale, walang hna ha hnö; Iehova, Khongon sabaoth, Khongu Isaraela, ka habe, Anyin a ieû öbun e ânyâ hulo ae gan hmâ eang me hnân jönibun bi, he ka subâ degeci öbun bi obaga me omomo, me je mendreng, me wanakat ame i, ûnyi hnyi wanben Juda, me me ba but kolon gabun;

Jeremia 44:7 ပူးပေါင်းရင်းမြစ်များ

Ta je Vejec 1:18

Ke haba je hnyat eling adre me khöu mokut kodra bi, Adre me mokut duöng kodra bi.

Ta je Vejec 15:32

Haba at ame hmiân hna ûne me ame ka hmiân e bi: Ke haba at ame long hna nâ, me ame he ka hu ûne gan.

Ta je Vejec 5:22

Ame he ka hnok at ae kong hnen hwakecin bi ae kong, Ke adre me he ka noc e ge je toiny bi anyin hulo.

Ta je Vejec 8:36

Ke haba at ame haû bi gak, me e ame okongoâ hanon bi: Ke haba tavat adre me hûkötiö nya, me adre me hnyok mok.

Jeremia 25:6

ke ca hnu hoton ke je khong he ka bi athnyaba ködrin, me khudrung ködrin, ke ca he bi ka ohmönyini nya ge ta je huliwa anyin je hnyamöbun; ke oge me ca he ka okongu öbun.

Jeremia 25:7

Ke so bi, öbun e ca hia but ling nya, haingö Iehova; me öbun e he ka ohmönyini nya ge ta je huliwa anyin je hnyamöbun me öbun e he ka kong.

Jeremia 26:19

Hawa ga Hezekia than Juda me at Juda hia, adre me hlingâ e? hawa, e ame ca outö Iehova, me khöû kö Iehova, ke haba Iehova ame ietra hulo waleji e ame ha gadra? Ate me ne ânyâ hulo ae gan hmâ köta bi.

Jeremia 3:24

Ke haba hna hmehman ame ohia huliwa anyin lakamöta hwân kʼ öta tiga hidröu; wale haledra je hnahat mamoe me kau, je lakudra obaga me wahlu.

Jeremia 38:17

Ke haba Jeremia ame ha kö Zedekia, ka habe, Walang hna ha hnö Iehova Khongon sabaoth, Khongu Isaraela, ka habe, U je ne he ka je taben anyin than Babulona, u me he ka mot, ke adre me ca he ka thong taun ang ge meic; ke u me he ka mot me ânyâm lap;

Jeremia 42:20

Anyin öbun e hia but iyâwʼ öbun bi; anyin a öbun e kunö nya kö Iehova Khongubun me ha, ka habe, Hic dö hobi kohmun kö Iehova Khonguta; ke ohmun e be ka ânyâ hia hoton hofuc ame he Iehova Khonguta ka ha köu:

Jeremia 44:14

me me! ca he ka kec mot ke at, a kolon at Juda adre me he Aigupito ai he ka labā, me hmetu ka hnyi hnyei Juda wale adre me weny he ka hmetu ka hnyin me laba: anyin adre me ca he bi ka hmetu, ke so thibi hnyat adre me kec mot.

Jeremia 44:8

me ame ohmönyini nya hnen ta je huliwa anyin li hnyamöbun, öbun e leû utö ae bo so ka ke je khong bi hnyi hnyei Aigupito, wale öbun e he ka hnyin he ka me labā; me adre me he ka subâ degeci öbun, me öbun e he ka hnân hangâ me haikongoâ unyin ta je hnyei hia thithö eang hmeledrany?

Jeremia 51:22

ke ûnyi gam oge me he ka oamamâ obaga me omomo, me oamamâ hingat me thoth; me oamamâ hidröu me hlu;

Jeremia 7:19

Hawa, adre me ohmönyini nya? haingö Iehova; ke ca ödra bi, me ame hmehma ta je hnyimakodra?

Jeremia 9:21

Anyin ame o but mok a deny hnyi anyita je mamalama, ame dit ka hnyi umöta je umen than: he ka subâ degecâ ta je wanakat eû hnyi hwanuma, me wahidröu eû hnyi ta je gethen.

Je tenge anyi Jeremi 2:11

A didrut li emakök anyin tenge, ame bwebwet hnyekuk, Ame hingölö akik hnyikânâi, can hnödra hna okongoâ hlu nokon lakeik; Anyin ame ta mok hnyi getheniny taun je wanakat me je mendreng adre i.

Je tenge anyi Jeremi 2:22

U je hia but hawâ helâ me hnyi bonginy ûkhacaköu ae ûnyi hnathu, ta je ûnyi hnân ooti nya igigilö, Ke ba at ame kec mot me kolon hnyi bonginy hmonyin anyi Iehova: A hia but oâûâ hnen iwahnaihmiony mönya tavat waleji oge me kap me hat.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Ezekiela 9:6

hlingâ degecâ but wahingat me wahidröu, me wahlu, me wanakat, me omomo: ke ca he ka hakekenyâ ke at ae hu haten; ke hwân dö hnyi anyik dok ae kap. Me adre me hwân ge wahingat hnyi hnyimakan uma.

Habakuka 2:10

U je hia but ûnykûme ûnyi hnân ohmehma ânyâm lap, hnyi hnâm hna subâ degecâ je hnyei ae se hia, me ânyâ hulö köu bi.

Numera 16:38

a je taben meic anyin hnyat ae hulö ang ödrin e bi joniny anyidrin möt: ke e so adre me kot lauâ ta je ûnyi e ge hama, me hnân tube taben hut: anyin a ödrin e hudo hnyi ta je ûnyi e hnyi hnyimakö Iehova, anyin a wale e kap: me me hnân haten ka lakon Isaraela.

Deuteronomi 32:25

Ame he hele vat ka otengiâ eû hnyou, Ke ot eiö hnyin uma; Ame he ka hlingâ hidröu me hlu baû, Hendreng me at ae hûen.

Josua 6:21

Me ödrin e ti ohia ta je ûnyi hia hnyi taun, je baga me momo, me wanakat, me hingat, me bolok, me mamoe, me asina, ge hele vat.

Owisa 21:11

Ke walang ûnyi öbun e he ka ânyâ; öbun e he ka ohia obaga hia, me omomo hia a tha mwi me baga.

I. Samuela 15:3

Ke he thö walang ang, me kuc Amaleka, me tha ohia anyidrin ta je ûnyi hia, ke ca he ka betenge gadrin: ke so bi kot hia thö obaga me omomo, je mendreng me at ame i, je bolok me mamoe, je kamela me asina.

I. Samuela 22:19

Ke e ame kot Nob taun anyin tavat bihut ge hele vat, obaga me omomo, je wanakat me mendreng, me je bolok, me asina me mamoe, ge hele vat.