Jeremia 44:3 - Iaai Bible 1901 (New Caledonia)

³ can anyidra ta je hulo waleji adre me ânyâ me adre me ohmönyini nya, hnyi hnödra hna he ka leû utö ae bo so, me bi athnyaba ka ke je khong bi, waleji ae ca khanʼ ödra; ödra, möbun, me lakamöbun.

Jeremia 44:3 ပူးပေါင်းရင်းမြစ်များ

Nehemia 9:33

Ke so bi u wisa hnyi ta je ûnyi hia thithö ame o kohmun; anyin ae wisa hnâm hna ânyâ, ke kong hnöhmun hna ânyâ:

Isaia 3:8

Anyin ame hangâ but Jerusalema, ke Juda ame ü: anyin ae iwahnaihmiony me Iehova je bohmödra me anyidra je huliwa, he ka ohinyâ li emakan ae hmanenang.

Jeremia 11:17

Anyin a haba Iehova tuhan sabaoth at ame te u, ame ha ûnyi ae kong köu, can hulo anyin lapanyi Isaraela, me lap anyi Juda, waleji adre me ânyâ hobi kodra bi me ohmönyini nya, adre me leû utö ae bo so kö Baala.

Jeremia 16:10

Ke hnyi ûen u me he ka haimemenâ ta je hofuc hia ang ka tavat ang, me adre me he ka ha köu, ka habe, Anyin a ieû Iehova ame ha gahmun ta je ûnyi ae kong hia thithö ae gan hmâ? ke ieû hwakecihmun ae kong? ke ieû hnöh-mun hna ânyâ kö Iehova Khonguhmun?

Jeremia 22:9

Ke adre me he ka thu, ka habe, Can hnödra hna degec ûhihinyköu anyi Iehova Khongudrin, me khudrung ka ke je khong, me bi athnyabaidrin.

Jeremia 29:19

anyin adre me ca hia but löng hok hofuc, haingö Iehova, waleji oge kunâ kodra a deny je athnyabaik a je perofeta, ke vesâkong, me ûkhûnöng, ke öbun e höcö löng, haingö Iehova.

Jeremia 32:30

Anyin a haba lakon Isaraela me lakon Juda, adre me ânyâ thibi ûnyi ae kong hnyi hnyimakök, hwân kʼ ödra tiga hidröu: anyin a lakon Isaraela adre me labö ohmönyini nya ge ta je huliwa anyin je hnyamödra, haingö Iehova.

Jeremia 44:23

Can öbun e hia but leû utö ae bo so, me can öbun e hia but ânyâ hulo kö Iehova, me ca löng bi ifuci Iehova, me ca vheno anyin hnanyibu, me hnen je hna hûna, me hnen je hna ohnatho; anyin a wale ame o köbun okongon, helâ me hnyi bong ang.

Jeremia 44:8

me ame ohmönyini nya hnen ta je huliwa anyin li hnyamöbun, öbun e leû utö ae bo so ka ke je khong bi hnyi hnyei Aigupito, wale öbun e he ka hnyin he ka me labā; me adre me he ka subâ degeci öbun, me öbun e he ka hnân hangâ me haikongoâ unyin ta je hnyei hia thithö eang hmeledrany?

Jeremia 5:19

Ke öbun e he ka ha, ka habe, Anyin a ieû Iehova Khonguta ame ânyâ köta ta je ûnyi hia eling? u me he ka thu kodra, ka habe, Anyin a öbun e digic nya me bi athnyaba: ka je khong kanyua hnyi ibun hnyei, awe helâe öbun e he ka bi athnyaba ka je atkanyua hnyi hnyei a ca ibun bi.

Jeremia 5:29

Hawa, oge me ca he ka bi hwaban can ta je ûnyi e? haingö Iehova: ke ame ca he bi hanuk ka bi hwaban ka hnyei a helâe?

Jeremia 7:19

Hawa, adre me ohmönyini nya? haingö Iehova; ke ca ödra bi, me ame hmehma ta je hnyimakodra?

Je tenge anyi Jeremi 1:8

Jerusalema ame hia but hulo gan hmâ; anyin a wale e ame helâ me ûnyi ae ikiki: Haba tavat, adre me ogânâ e adre me hûkotiâ e, anyin adre hia but wâ a e ame he thu: Eke, e ame mâng, me hwio.

Je tenge anyi Jeremi 4:13

Can hulo anyin je perofetainy, me hulo anyin tavat bihut, Hnyat adre hia but hingâlâ dra dren tavat ae wisa hnyi wanben e.

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.

Daniela 9:5

öhmun e hia but ânyâ hulo, ke hwakecin ae hwali, ke hwakecin ae kong, ke ûkhin fuc, ke saû ûnyi hnyi hnâm je hna hûna ke hnâm hna owisa:

Deuteronomi 13:6

Ame ne alecuâ duöngi u hnen liamekeiny mou a nokon hinyâm, kʼ ame ne nokom baga me hlu, kʼ ame ne âiâm, kʼ ame ne waem at u me hnyokâ, ke haingen, ka habe, E so otu me he ka bi athnyabainy ke je khong ae ca khanö u me lakâmâm;

Deuteronomi 29:25

Ke adre me he ka thu, ka habe, Can adre degecâ ûhihinyköu anyi Iehova Khongon lakamödra waleji e ame ânyâ mödra, hnyi ûen e ame hum ödra ûheny hnyi hnyei Aigupito;

Deuteronomi 29:26

ke adre me he me bi athnyabainy ke je khong, me khudrung kâu, a je khong ae ca khanʼ ödra, ke e ame ca ham ködra:

Deuteronomi 32:17

Adre me hudo ka ta je demoni, ke ca Khong bi, A je khong ae ca khanʼ ödra, Ae teb ûnyi kʼ ödrin e teb o, Kʼ ame ca outen ge lakamöbun.

Heberu 3:16

Anyin a ia ödra, waleji adre me hnyi löng, me ohmönyinâ e hawa, ca ödra hia waleji Mose ame hom ûhedra Aigupito?