Jeremia 44:1 - Iaai Bible 1901 (New Caledonia)

¹ WALANG hofuc ame o kö Jeremia ge at Juda hia, tavat adre me laba hnyi hnyei Aigupito, tavat adre me laba hnyi Migedola, me Tapanesi, me Nofi, me hnyei Patherusi ame ha, ka habe,

Jeremia 44:1 ပူးပေါင်းရင်းမြစ်များ

Genese 10:14

me Patherusi, me Kaselui (ke ûnyi gan at Filisiti), me Kafetori.

Esodo 14:2

Ha thö ka lakon Isaraela, mʼ adre me he ka saû hmetu me hunuma cicö Pihahiroth wanben Migedola me köiö, cicö Baalazefona: öbun e he ka hunuma cicö e hnyi haten köiö.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 19:13

A monu but je thaniny Zoana, adre iyawâ je thaniny Nofi; haba je taben je tribuiny, adre hia but omonoâ Aigupito.

Jeremia 2:16

Haba je lakon Nofi, me Tapenes adre hia but thö koronainy bâm.

Jeremia 24:8

Ke haba je wan meta ae kong, ke ca hnân han anyin ae kong: E hnathu, haingö Iehova, oge me he ka hnö Zedekia than Juda helâe, me anyin je taben, me je kolon hnyi Jerusalema, je kolon tavat aten hnyei ang me tavat adre me laba hnyi Aigupito:

Jeremia 43:13

Ke ame he ka thö minya je veto ame tot hnyi Bethe-semes, a e hnyi hnyei Aigupito, ke e ame he ka thong degecâ je uma umen je khongon Aigupito ge meic.

Jeremia 44:15

Me ame thu kö Jeremia hnen ta je baga hia tavat ae khanʼ ödra a haba laöiödra adre me leû utö ae bo so ka ke je khong, me je momo hia adre me ûtitilen, a ûkhacaköu ae gan hmâ, me tavat hia adre me laba hnyi Aigupito, hnyi Patherusi me ha, ka habe,

Jeremia 46:14

Haimemenâ thö hnyi Aigupito, ke omanenâ thö hnyi Migedola, ke omanenâ thö hnyi Nofi me Tapenesi; ha thʼ öbun, ka habe, Todrö, penapena thö; anyin ame an igigili u hnen hele vat.

Jeremia 46:19

Hlu lö, at ame laba hnyi Aigupito lö, penapena thö hobi köu he ka he ka hnyi hwenbâ: anyin ame he ka ba but wan hnyi Nofi, ke ame he ka le degecâ ke ba aten.

Ezekiela 29:10

Anyin a wale, wâ bi, ûcûk u, me ânyâm je wagewe, ke oge me he ka wia hnyei Aigupito me me ba aten me wau, hwân hnyi tap tue hnyi Seveni ke ne o but hnyi hnyigöulen Aithiop.

Ezekiela 29:14

ke oge me he ka ohmeto at Aigupito ûhedra hnyi hna bâ, ke oge me he ka ohmetu ödra ka hnyi hnyei Patherusi, hnyei adre hnöku ödra hnyin; ke adre me he ka dokhu ae hnyikânâ eling.

Ezekiela 30:13

Walang hna ha hnen Than Iehova, ka habe, Oge me he minya ka ohia je khong, me bi obiny je idola hnyi Nofi: ke ame ca he hmetu ka hu thaniny hnyei Aigupito; ke oge me he ka okûâ ot hnyi hnyei Aigupito.

Ezekiela 30:14

Ke oge me he ka oba wan Patherusi me hû meic hnyi Zoana, me bi hwaban ka No.

Ezekiela 30:16

Ke oge me he ka hû meic hnyi Aigupito; ame he ka vec gan hmâ Sina, ke adre me he ka thuthu hmetro No: kʼ ame he ka hu je iwahnaimiöny me Nofi hnyi selany.

Ezekiela 30:18

Ke ame he ka olidrâ lany hnyi Tapanesi, iny ka he ka thamuâ eling je hna ûhûkâlâköuâ anyin Aigupito, ke ame he ka o obiny hmanenanginy maniny man; ke haba e, me adre me he ka tube e hnen ûlâ; kʼ ame he lakon wahlu ka bâ.

Hosea 9:6

Anyin a wâ bi adre me he me degec hna ûhangö, ke so ame he Aigupito ka ûkhacaköu ödra, kʼ ame he Nofi ka konim ödra: haba hnen anyidra je sileva ae hmanenang, me ame he ka watetaföcö: kʼ ame he ka hnen iwadekong hnyi umödra je uma mano.