Jeremia 43:6 - Iaai Bible 1901 (New Caledonia)

⁶ wale obaga, me omomo, me ta je wanakat, me je hlu lakon than, me tavat hia waleji hnö Nebuzaradana taben tavat tue hna ip unyi Gedalia nöku Ahikama, nöku Safana, me Jeremia perofeta, me Baruka nöku Neria;

Jeremia 43:6 ပူးပေါင်းရင်းမြစ်များ

Jeremia 38:22

Wâ bi, adre me he ka hom omomo hia a je kolon hnyi uma umen than Juda ka je taben anyin than Babulona, ke ame he je momo eling ka ha, ka habe, Haba je lawaem adre me iyawo u, ke ame tudra but: a didrut li cam hnyi hmudra, me adre me hmetu but.

Jeremia 39:10

Ke haba Nebuzaradana taben tavat tue, ame ip biju keihen ae theduoc, tavat ae ba omjeû unyidra, hnyi hnyei Juda, me ham minya ködra je hnyei vine me je utkânâ hnyi bong eling.

Jeremia 40:11

Ke hnyi ûen ame long ut at Juda hia hnyi Moaba, me unyin je laku Amona, me hnyi Edoma, me hnyi je hnyei hia a than Babulona ame ip biju je kolon at Juda, ke e ame hia but otilö Gedalia nöku Ahikama, nöku Safana hudrin,

Jeremia 40:7

Ke hnyi ûen ae khana but je taben vat hia hnyi hnyei, ödra me anyidra, tavat, a than Babulona ame otilö Gedalia nöku Ahikama hnân gavena hon hnyei, me hna but kâu obaga me omomo, me ta je wanakat, me ta je theduoc hnyi hnyei unyin tavat adre ca hom bâ Babulona ai;

Jeremia 41:10

Me haba Isamaela ame hombâ je kolon tavat hnyi Mizepa, je lakon than a je hlu, me tavat hia a je kolon hnyi Mizepa, waleji hnö Nebuzaradana taben tavat tue hna hna kö Gedalia nöku Ahikama: haba Isamaela nöku Nethania ame hum ödra a hwenbâ mʼ adre me he ka je laku Amona.

Jeremia 43:3

anyin a haba Baruka nöku Neria, ame kunö u gahmun, he ka hnʼ ohmun ka hnyi hnyamen at Kaledaia, mʼ adre me he ka hlingʼ ohmun me hum ohmun a je bâ Babulona ai.

Jeremia 45:1

WALANG hofuc ame ha Jeremia perofeta kö Baruka, nöku Neria, waleji hnyi hnen hna sihnalimen ta je hofuc ang hnyi tusi ûnyi hnyi hnyimö Jeremia, hnyi huna a vaki Jehoiakima nöku Josea than Juda, ka habe,

Jeremia 52:10

Ke haba than Babulona ume hjingâ je laku Zedekia hnyi hnyimakan; ke e ame hlingâ minya je taben Juda hia hnyi Ribela.

Je tenge anyi Jeremi 3:1

INYA at a khana ûöveci ge osö a anyin hmonyin.

Ioane 21:18

E hnathu, e hnathu, inya oge me ha köu, ka habe, Hnyi ânyâm hidröu, u me ka hamâm bi oweikö u, me he ka hnyi dok u me wem; ke u ka hingat ut, u me he ka inâ li hnyamâm, kʼ ame he ke at ka oweikö u, me hum u ka hnyi dok u me ca wem.