Jeremia 43:4 - Iaai Bible 1901 (New Caledonia)

⁴ Me haba Johanana nöku Karea me je taben vat hia, me tavat hia, adre me ca long hofuc ho Iehova he ka laba bala bi hnyi hnyei Juda.

Jeremia 43:4 ပူးပေါင်းရင်းမြစ်များ

II. Je Than 25:26

Me ame todru tavat hia thithö ae ûhnyûkong me gan, me je taben vat, me o hnyi Aigupito: anyin a ödrin e outen at Kaledaia.

II. Man Ûlabainy Je Than. 25:16

Ke e ame tiga fuc kâu, me haingen than kâu, ka habe, Hawa, ohmun e hia but otilö u he ka hnyi hanen ûhnenamö anyin than? soju anyin a ieû adre me he ka hlingö u? Me haba perofeta ame um ju, me ha, ka habe, Oge me wâ but a Khong ame ûnykûme he ka ohiö u, can u je hia but ânyâ ûnyi eling, me ca long hnok hna nö u.

Salamo 37:3

Geju thö kö Iehova, ke mâdrâ so; Labâ hnyei, ke hnu hoton hnathu.

At Khet 9:16

Me oge me ha, ka habe, E so metâ hon tang hwege: ke so bi adre me hûkotiâ metâ anyin at ae theduoc, kʼ adre me ca long hwan hofuc.

Jeremia 41:16

Me haba Johanana nöku Karea, me je taben vat a tha ödrin më adre me hom je kolon tavat waleji e ame hûgûnâ hmetu ga Isamaela nöku Nethania ûheny Mizepa, hwaban hnen hna kuc Gedalia nöku Ahikama, wale tavat ae hwege, me omomo, me je wanakat, me je eunuka, waleji e ame hom hmeto ûheny Gibeona:

Jeremia 42:21

ke oge hia but thumetu öbun hnyi bong ang; ke öbun e ca löng ifuci Iehova Khongubun, me ke hofuc waleji e ame kunö nya më köbun.

Jeremia 42:8

Me e ame hao Johanana nöku Karea, me je taben vat hia unyin, me tavat hia hwân ge tavat ae ûhnyûkong ke ne o but ka tavat ae gan,

Jeremia 44:5

Ke adre me ca long bi, ke adre me ca tevehlöng bi he ka hmetu ju ûnyi hnyi anyidra ta je hulo, mʼ adre me ca he ka leû utö ae bo so ka ke je khong.