Jeremia 43:12 - Iaai Bible 1901 (New Caledonia)

¹² Ke oge me he ka hû meic hnyi je uma ûmen je Khongon Aigupito, ke e ame he ka thong degecâ me hum ödrin a je bâ: ke e ame he ka omecâ e bi ge hnyei Aigupito helâ me at tuö mamoe ame khavâ anyin je ûkhaû; ke e ame he ka he ûheny e me hnahic.

Jeremia 43:12 ပူးပေါင်းရင်းမြစ်များ

II. Samuela 5:21

Ke ödrin e hna degecâ eling anyidrin je idola, me ame hom e Davita me lakeiny.

Esetera 6:9

ke adre me he ka hna ûkhaû me hors ka hnyi hnyamen ke taben ae ûnyi hnathu, me me khavâ at hnen than hna beogânâ, me otabâ hon hors me me vheno getheniny taun, me kuku tot hnyi hnyimakan, ka habe, Adre me he ka ânyâ helâe ka at wale hnen than hna beogânâ.

Jobu 40:10

Bethe theibi u thö ge beönua me oganâ; Ke khaûö u ju ge hmanenang me hwakecin than.

Salamo 104:2

U je tubi u ge melam helâ me ûkhaû; Me ulolo drany helâ me imano:

Salamo 132:16

Oge me he ka khavâ minya anyin tavat bihut ge ûhomeli: Kʼ ame he anyin wakap ka khumöng senyin.

Salamo 132:18

Oge me he ka khavâ ta je iwahnaihmiöny mē ga hmehma: Kʼ ame he ka khulelau hon e anyin korona.

Esodo 12:12

Anyin oge me he ka vheno hnyei Aigupito hnyi lit eling, me kot ta je atö hia hnyi hnyei Aigupito, wale at me omeno; ke oge me he ka bi hwaban ta je khong, hia hnyi Aigupito: inya Iehova.

Isaia 19:1

HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Isaia 21:9

ke wâ bi, waleû deö at ame o, tavat tabö hors a ödra ûsa lo. Ke e ame thu me ha, ka habe, A ta but, a ta but Babulona; ke adre hia but sa hnyikânâi je idolainy je khongon.

Isaia 46:1

BEL ame iyâû, Nebo ame he nom; e bi hon je meno anyidra je idola, ke hon je meno ae hnam; e hmak anyibun je hok ka ta je meno, kʼ adre sēnyin dut.

Isaia 46:2

Adre me he nom, kʼ adre me tha iyâû; e ca khanʼ ödra he ka hauden hok, kʼ adre me he but a gʼ adre me bâ.

Isaia 49:18

Bwela thö goranyai li emâkâm me wâ igigilo: ödra hia thithö ang adre me ûkhacaköu, me he jem köu. Haingö Iehova, Kia inya, ke e hnathu, u me he ka hum ödra hia me me khaûâm me hnân theibâm, me hnân oweikö u, helâ me hlu ame he ka faipoipo.

Isaia 52:1

HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

Isaia 59:17

Ke e ame khavâ hwakecin ae wisa helâke me hna tube ûlâiny, ke e ame bicâ möt; ke e ame khavâ ûkhaûen bihwaban hnân ûkhaû, me khavâ weny ae gan hmâ helâ me ûkot.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 61:5

Ke ame he ka tot ta je atkanyua me han halebun je hnahat mamoe, ke ame he tavat aten ke je hnyei ka seû tilâ kânâ hobi köbun, me tuö ibun je hnyei vine.

Jeremia 10:11

Walang hnobun hna he ka ha kodra, ka habe, Haba ta je khong wale adre ca op drany me hmeledrany, ame he ka hiʼ ödra eang hon kânâ hia; me hnyi hmeledrany.

Jeremia 10:15

Odrin bi a ûnyi baû me hnân iyawo: hnyi ûen bi hwabodrin, ame he ka hiʼ ödrin.

Jeremia 25:19

kö Farao than Aigupito, me lathnyabainy, me anyin je taben, me je lakeiny hia;

Jeremia 43:13

Ke ame he ka thö minya je veto ame tot hnyi Bethe-semes, a e hnyi hnyei Aigupito, ke e ame he ka thong degecâ je uma umen je khongon Aigupito ge meic.

Jeremia 46:25

Haingö Iehova tuhan sabaoth, Khongu Isaraela, ka habe, Wâ bi, oge me he ka bi hwaban kö Amona ûheny No, me Farao, me Aigupito, tha e me je khongon, me je thaniny; wale Farao, me tavat adre me labageju kâu:

Jeremia 48:7

Anyin a hnyi hnâm hna labageju ka ânyâm ta je huliwa me tang omjehem, adre me he ka hum u minya: ke ame he Kemosa ka hnyi bâ me anyin tavat bihut, me anyin je taben.

Jeremia 49:27

Ke oge me he ka hû meic hnyi hak vetoiny Damaseko, kʼ ame he ka an je uma ae ûnyi hnathu umö Ben-adada.

Jeremia 50:2

Haimemenâ thö unyin ta je hnyei me omanena thö, me otilâ thö ke haten; omanenâ thö, ke ca ikhâlâ bi: ha thö, ka habe, Adre hûgûnâ Babulona, a hmehma but Bel, e hlohlo but Merodaka; e hmehma but anyin je hnatheat, e hlohlo but je idolainy.

Jeremia 51:44

Ke oge me he ka bi hwaban kö Bel hnyi Babulona, ke oge me he ka hom hmetu ûnyi hnyi hnyimen ûnyi e ame hia but utâ; ke ame ca he ka o kâu je hnyei: eke, ame he ka ta but hna up veto hnyi Babulona.

Ezekiela 29:11

Ke ame ca he ka vheno e hnen je can tavat, ke ame ca he minya je can meno ka vheno e, ke adre me ca he ka labâ e ke ne o but hnyi fâti je huna.

Ezekiela 29:19

anyin a wale, walang hna ha hnen Than Iehova, ka habe, Wâ bi, oge me he ka ham kö Nebukaneza than Babulona hnyei Aigupito; ke e ame he ka hom aten ae se hia, me je hna söh, me ta je omjeû; ke wale hwaban ka anyin je utbavat.

Ezekiela 30:13

Walang hna ha hnen Than Iehova, ka habe, Oge me he minya ka ohia je khong, me bi obiny je idola hnyi Nofi: ke ame ca he hmetu ka hu thaniny hnyei Aigupito; ke oge me he ka okûâ ot hnyi hnyei Aigupito.

Daniela 11:8

me hom bâ Aigupito ai je khongudrin, me anyidra je hna theat adre okoiâ, me anyidra je kaia ae ti so, a sileva me gol; ke e ame he ka hokhnyok hnyi je huna ae se ge than hnyi hwadro.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Roma 13:12

E beû hmâ but lit ke hakekeny jut lany: anyin a wale ate me he ka hna degecâ but ta je huliwa anyin lit, ke so ate me he ka khavâ ûkhaû hnân vat anyin lany.

Efeso 4:24

me khaûʼ öbun ge ûkhaû wale at ae teb ûnyi, waleji adre op helâ me Khong hnyi hwakecin ae wisa, me kwakecin ae kap me hnathu.

Efeso 6:11

Khavâ ju öbun ûkhaûen vat anyin Khong, me me khanʼ öbun he ka tot metâ ka ta je bihihwakecin anyin diabolo.

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

Kolose 3:14

ke haba ûnyi ae nua hon ta je ûnyi e, me ibetengiö, wale weny ae ti so.