Jeremia 42:5 - Iaai Bible 1901 (New Caledonia)

⁵ Ke ödrin e ha kö Jeremia, ka habe, Iehova at ame ohnathu öta me owisa kohmun, ohmun ka ca ânyâ bi hoton hofuc ame he Iehova a Khongom ka kunö u më kohmun.

Jeremia 42:5 ပူးပေါင်းရင်းမြစ်များ

Genese 31:50

U je ne he ka ovecâ je lakuk, me hok momo minya hanen le lakuk, e ba at unyita: wâ ju, Khong ame wâ hnathu wanbötu.

Esodo 20:19

Kʼ adre me ha kö Mose, ka habe, Ûhnenamö möhmun kʼ ohmun e he ka löng: ke ca he Khong ka fuc köhmun wâ ohmun nye mokcu.

Esodo 20:7

U ca he ka ha mono iö Iehova a Khongom: anyin ame ca he Iehova ka haisoâ tavat adre me haimono ien.

Jeremia 42:20

Anyin öbun e hia but iyâwʼ öbun bi; anyin a öbun e kunö nya kö Iehova Khongubun me ha, ka habe, Hic dö hobi kohmun kö Iehova Khonguta; ke ohmun e be ka ânyâ hia hoton hofuc ame he Iehova Khonguta ka ha köu:

Jeremia 43:2

me haba Azaria nöku Hosaia, me Johanana nöku Karea, me tavat bi gan hia, ödrin e ha kö Jeremia, ka habe, U me ha thoi: a ca kunö u Iehova Khonguta he ka ha, ka habe, Ca he öbun Aigupito ai he ka më laba eling:

Jeremia 43:4

Me haba Johanana nöku Karea me je taben vat hia, me tavat hia, adre me ca long hofuc ho Iehova he ka laba bala bi hnyi hnyei Juda.

Jeremia 5:2

Ke adre me ne he ka ha, ka habe, Kia inya Iehova; e hnathu, adre me khemanyin thoi.

Mika 1:2

Öbun ta je hnyei hia lö, long ju; hmeledrany lo, ke ta je ûnyi hia hnyin e, tevehlöng ju: ke so ame he Than Iehova ka ohnathoâ ûcûbun, wale Than hnyi umen uma ae kap.

Malaki 2:14

Ke öbun e ha ka habe, Anyin a ieû? Anyin a Iehova ame hia but ohnathoâ gam me âiân ânyâm hidröu waleji u je iyawöâ, ke e bi lihum möu, me âiâm u je ûhihinyköu më.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Roma 1:9

Kʼ ame ohnathu nya Khong, at oge me athnyabainy hnyi hanuk hnyi ûthumetu ae so anyin Nokon, a oge me ca menâ bi hai öbun hnyi hijik je hic hia,

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

Hna Omanenâ 3:14

Ke sihnalimen ju ka angela anyin ekalesia hnyi Laodikea, ka habe, Walang ta je ûnyi ame ha hnen Amen, at ohnatho ae hnathu me wisa, waleji a at a hwân ta je ûnyi hia thithö a op hnen Khong:

Owisa 11:10

Me haba wahingatiny Gileada ödrin e thu kö Jefetha, ka habe, Hamö Iehova ka wâ hnathu otin; a ohmun e he ka ânyâ helâ me hwâm hofuc.

I. Samuela 12:5

Me e ame ha kodra, ka habe, Iehova at ame ohnathoâ köbun, ke ame ohnathoâ laten adre hû minya, hnyi bong ang, a öbun e ca wâ ke ûnyi hnyi hnyâmök. Haingödra, ka habe, E but at ohnathoâ.

I. Samuela 20:42

Ke Jonathana ame ha kö Davita, ka habe, He thö me hnahic, anyin öte hia but khemanyin hnyi iö Iehova, ka habe, Ame he ka e wanbötu Iehova, me mâtrânitu nyiele balua. Me e ame tot me he: ke Jonathana ame hmetu ka hnyi taun.