Jeremia 42:22 - Iaai Bible 1901 (New Caledonia)

²² Ke walang ang wâhmakhmeto thʼ öbun a öbun e he ka mok ge hele vat, me hmiâ, me mok ae cap, hnyi dok waleji öbun e weny he ka he kâu me laba atkanyua hnyin.

Jeremia 42:22 ပူးပေါင်းရင်းမြစ်များ

Isaia 30:3

Anyin a wale ame he tang hwegiö Farao ka hnân ohmehmai öbun, ke haba hna labageju ka hmenon Aigupito ame he ka hnân ohmaki öbun.

Jeremia 24:10

Ke oge me he ka kunâ kodra hele vat, me hmiâ, me mok ae cap, ke ne o but adre me oaûʼ ödra ûnyi hnyi hnyei oge ham kodra me lakamödra.

Jeremia 42:17

Ame he ka helâe ka tavat hia adre me ohwegiâ ta je hnyimakodra he ka he Aigupito ai me laba kanyua eling: adre me be ka mok ge hele vat, me hmiâ, me mok ae cap: ke ba at gadra ame he ka hnen biju me kec ge okongon wale oge me he ka oâ ködra.

Jeremia 43:11

Ke e ame he ka o me kot hnyei Aigupito; ke haba at hobi kâu mok, me ame ka he bi ka mok, ke haba at hobi kâu bâ, me ame ka he bi ka bâ, ke haba at hobi kâu hele vat, me ame ka he bi ka hnyi hele vat.

Jeremia 44:12

Ke oge me he ka hom je kolon at Juda, tavat adre me ohwegiâ je hnyimakodra he ka he Aigupito ai he ka me laba eling, ke adre me he ka oaûʼ ödra hia hnyi hnyei Aigupito, adre me he ka ta ge hele vat, me hmiâ, adre me he ka mok hwân ge tavat ae ûhnyûkong ke ne o but ge tavat ae gan, ge hele vat, me hmiâ; ke adre me he ka hnân oû, me kuko, me hangâ, me haikongo.

Ezekiela 33:27

Walang hofuc u me he ka ha kodra, ka habe, Walang hna ha hnen Than Iehova, ka habe, Kia inya inya a haba ödra hnyi je dok ae hwahwacit adre me he ka ta ge hele vat, ke haba at ae hnyi ta hnyei, oge me he ka ham e ka je meno me me an e, ke haba ödra a ödra hnyi je hnabâ me je op, adre me he ka mekiny mok ae cap.

Ezekiela 6:11

Walang hna ha hnen Than Iehova, ka habe, Khaûkhaû thö, ke ututo ju, me ha, ka habe, Ekölö! can ta je ûnyi ae kong me ikiki anyin lap Isaraela: anyin adre me he ka ta ge hele vat, me hmiâ, me mok ae cap.

Ezekiela 6:12

Haba at hnyi dok ae sâkâû ame he ka mok ge mok ae cap; ke haba at ae hakekeny ame he ka ta ge hele vat; ke haba kolon, wale adre thelöng ame he ka mok ge hmiâ: helâe oge me he ka ohwâdâ anyik hmonyin hudra.

Hosea 9:6

Anyin a wâ bi adre me he me degec hna ûhangö, ke so ame he Aigupito ka ûkhacaköu ödra, kʼ ame he Nofi ka konim ödra: haba hnen anyidra je sileva ae hmanenang, me ame he ka watetaföcö: kʼ ame he ka hnen iwadekong hnyi umödra je uma mano.