Jeremia 42:20 - Iaai Bible 1901 (New Caledonia)

²⁰ Anyin öbun e hia but iyâwʼ öbun bi; anyin a öbun e kunö nya kö Iehova Khongubun me ha, ka habe, Hic dö hobi kohmun kö Iehova Khonguta; ke ohmun e be ka ânyâ hia hoton hofuc ame he Iehova Khonguta ka ha köu:

Jeremia 42:20 ပူးပေါင်းရင်းမြစ်များ

Salamo 18:44

Adre me he ka long me ie long hotuk: Kʼ ame he je atkanyua ka nom könya.

Salamo 65:3

E hwege huk ta je ûnyi ae kong: Haba hnöhmun ta je hna hanyâûâ u me he ka kot degecâ.

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Jeremia 3:10

Ke so bi, hnyi ta je ûnyi e hia, haba liamekeiny më, jia Juda at iyawo, ame ca hmetu könya me hnyekon ae bekhot, ke ame thoi, haingö Iehova.

Jeremia 37:3

Haba Zedekia than ame kunö Jukala nöku Selemia, me Zefania, nöku Maseia at bihut, kö Jeremia perofeta me ha, ka habe, Ö u hic dö hobi kohmun kö Iehova Khonguta.

Jeremia 38:14

Me haba Zedekia than ame ûkhûnöng he ka hao Jeremia perofeta kâu, ka hnyi hwanuma a kuniny hnyi uma umö Iehova: ke haingen than kö Jeremia, ka habe, Oge me he ka hnei u ge ke hofuc; ca he ka ikhâlâ gak.

Jeremia 42:2

me ha kö Jeremia perofeta, ka habe, Ö u kap ju hnöhmun hna khöû köu, ke u me he ka hic hobi kohmun kö Iehova a Khongom, ohmun je kolon ang; anyin a je wan biju ohmun ae wakhalet thibi, ke se hia ehac, ohmun manen köu:

Jeremia 42:5

Ke ödrin e ha kö Jeremia, ka habe, Iehova at ame ohnathu öta me owisa kohmun, ohmun ka ca ânyâ bi hoton hofuc ame he Iehova a Khongom ka kunö u më kohmun.

Jeremia 43:2

me haba Azaria nöku Hosaia, me Johanana nöku Karea, me tavat bi gan hia, ödrin e ha kö Jeremia, ka habe, U me ha thoi: a ca kunö u Iehova Khonguta he ka ha, ka habe, Ca he öbun Aigupito ai he ka më laba eling:

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Numera 16:38

a je taben meic anyin hnyat ae hulö ang ödrin e bi joniny anyidrin möt: ke e so adre me kot lauâ ta je ûnyi e ge hama, me hnân tube taben hut: anyin a ödrin e hudo hnyi ta je ûnyi e hnyi hnyimakö Iehova, anyin a wale e kap: me me hnân haten ka lakon Isaraela.

Numera 17:3

Ke u me he ka sihnalimen iö Arona hon uci anyi Levi: kʼ ame he ka ûsa khaca uci hobi kâu je ve taben lap anyin lakamödrin.

Mataio 22:35

Ke haba ke at gadrin a at ûnö hnanyibu ame hnö he ka cubec e, hai; ngen ka habe,

Galatia 6:7

Ca omonu öbun bi; e pason he ka iyawâ Khong: anyin a haba hna tā hnen ke at, me e ame he bi ka meno minya helâe.

Iakobo 1:22

Ke ânyâ thʼ öbun hoton hofuc ke ca löng thibi, a helâe öbun e ka omonu öbun bi.