Jeremia 42:2 - Iaai Bible 1901 (New Caledonia)

² me ha kö Jeremia perofeta, ka habe, Ö u kap ju hnöhmun hna khöû köu, ke u me he ka hic hobi kohmun kö Iehova a Khongom, ohmun je kolon ang; anyin a je wan biju ohmun ae wakhalet thibi, ke se hia ehac, ohmun manen köu:

Jeremia 42:2 ပူးပေါင်းရင်းမြစ်များ

I. Je Than 13:6

Haba than ame thu me ha ka aten Khong, ka habe, Ö u khöû thö kö Iehova Khongom walang ang, me hic hobi könya, me me so hmetu but hnyamok. Me haba aten Khong ame khöû kö Iehova, me me so hmetu hnyamen than helâ me eja.

Salamo 119:170

E so e he ka o but hnyi hnyimâkâm hok hwakhöû: Omeli nya thö hoton, hwâm hofuc.

Esodo 8:28

Ke haingö Farao, ka habe, Oge me he ka hnʼ öbun, mʼ öbun e he ka bi hut kö Iehova Khongubun hnyi hnyebuba; ke so bi ca he öbun sâkâû ai: khon thö hobi könya.

Esodo 9:28

Khöû thö kö Iehova; ö e so ju hendring angʼme we ae wahma; kʼ oge me he ka hnʼ öbun, ke öbun e ca he hmetu ka laba.

Isaia 1:15

Ke öbun ka he ka hinöbeny, me oge me he ka ikhâlâ li emakök gabun: eke, öbun ka he ka osehia hic, me oge me ca he ka long: a unöngöt je hnyamöbun ge dra.

Isaia 1:9

Haba Iehova tuhan sabaoth, a ne ca hia but bi kolon ae ûhnyûkong thibi köta, me ate me he ka helâ me Sodoma, me ate me he ka ûcû me Gomora.

Isaia 37:4

Ame ne he ka long ut la Iehova Khongom hofuc ho Rabesake, waleji a kuni hnen than Asuria a tuhan he ka haikongoâ Khong ae möt, ke e ame he ka thawâ hofuc ame long Iehova Khongom: anyin a wale hic dö hobi kâu ta je kolon.

Isaia 42:20

E se hia ta je ûnyi u je wâ, me ca vheno bi; adre khong ut li hnyikonyen, ke e ame ca long bi.

Jeremia 15:11

Haingö Iehova, ka habe, E hnathu, oge me he ka sihwegiö u hnyi so; e hnathu, oge me he ka kunâ iwahnaihmiony he ka khöû köu hnyi ûen ae kong me ûen ae vec.

Jeremia 2:27

wale tavat adre me ha ka hnyiban utö, ka habe, Kamök u; me ka veto, U je hnöku nya: anyin adre me hotudra könya, me ca hnyimakodra bi; ke hnyi ûen anyidra vec, adre me he ka ha, ka habe, Todrö me omeli ohmun.

Jeremia 21:2

Ö u hnei Iehova thö gatin; anyin a Nebukaneza than Babulona ame vat mötin: ame ne he Iehova ka ânyâ hobi kötin hoton anyin ta je huliwa hia hnân lâiâ, me me he ka he but gatin.

Jeremia 36:7

Adre ne he ka he la ka ha hnödra hna khöû hnyi hnyimakö Iehova, me ve hmetu ûnyi hnyi dedra je gethen ae kong; anyin ae gan hmâ hmonyin me wathethot ame ha Iehova hon hnyei ang.

Jeremia 37:20

Ke walang ang ö u na long ju könya than lö a tuhok: ö u na kap soâ ju hnok hna khöû hnyi hnyimâkâm; me u me ca kunö nya hmetu bi ka hnyi uma umö Jonathana at sihnalimen, wâ oge nye mokcu eling.

Jeremia 37:3

Haba Zedekia than ame kunö Jukala nöku Selemia, me Zefania, nöku Maseia at bihut, kö Jeremia perofeta me ha, ka habe, Ö u hic dö hobi kohmun kö Iehova Khonguta.

Jeremia 38:14

Me haba Zedekia than ame ûkhûnöng he ka hao Jeremia perofeta kâu, ka hnyi hwanuma a kuniny hnyi uma umö Iehova: ke haingen than kö Jeremia, ka habe, Oge me he ka hnei u ge ke hofuc; ca he ka ikhâlâ gak.

Jeremia 40:15

Me haba Johanana nöku Karea ame ha duöngâ kö Gedalia hnyi Mizepa, ka habe, Ö u më hnö nya but, me oge me he ka hlingö Isamaela nöku Nethania, ke ba at ame he ka wâ: can ieû e ame he ka hlingö u? ke ame he ka vese but at Juda tavat adre me ûkhacaköu köu, me ame he ka hia je kolon at Juda?

Jeremia 42:20

Anyin öbun e hia but iyâwʼ öbun bi; anyin a öbun e kunö nya kö Iehova Khongubun me ha, ka habe, Hic dö hobi kohmun kö Iehova Khonguta; ke ohmun e be ka ânyâ hia hoton hofuc ame he Iehova Khonguta ka ha köu:

Je tenge anyi Jeremi 1:1

NAKAINY taun ame hake laba, waleji ae unöngöt ge at! Ke helâ me momo a safac ut walang ang! Waleji ae gan unyin ta je hnyei, ke momo than unyin je ke keihen hnyei, Kʼ ame bi fat walang ang!

Ezekiela 12:16

Ke oge me he ka bi koluidra ae wakhalet ûnyi ge hele vat, me hmiâ, me mok ae cap; mʼ adre me he ka ha gaga anyidra ta je ûnyi ae ikiki hia unyin ta je hnyei adre me he ka he ka hnyin; ke adre me he ka wâ a inya Iehova.

Hosea 8:10

Eke, eja ke ne adre ne hok ge hwaban unyin je hnyei, oge me he walang ang ka ûkhacaköu ödra; ke ödrin e hwân he ka ûhnyûkong tot can hok ge thaniny je taben.

Levitiko 26:22

Ke oge me he ka kunâ köbun je menoiny hnyot he ka hûgûnâ lakubun, me ohia halebun je meno, me owakhaleti öbun; kʼ ame he ka ba at eû hnyi debun je gethen.

Amosa 7:2

Ke hnyi ûen adre hia but an hia önyi-nginy hnyei, me oge me ha, ka habe, Than Iehova lö, ö u thang degecâ hulo: ama kâmâu Jekob he ka tot? anyin a e ûhnyûkong.

Mataio 24:22

Ke adre ne ca owakhaletâ ta je bong, me ba at ame he ka möt: ke so bi adre me he ka owakhaletâ ta je bong e ge tavat adre ûca.

Ta je huliwa 8:24

Haba Simona ame thu, ka habe, Hic dʼöbu ka Than hobi könya, me me ba ûnyi ame he ka o könya hnyi ta je ûnyi öbe ha.

Deuteronomi 28:62

Ke öbun e he ka wakhalet biju, waleji a helâ me je okhûiny drany ûseibun; anyin a u je ca löng hoton hofuc ho Iehova Khongom.

Deuteronomi 28:63

Ke wâ bi, helâji me Iehova ame senyin köbun he ka osoi öbun, me osehiʼ öbun, me helâe e ame he ka senyin köbun he ka ohiʼ öbun, me oumi öbun; ke adre me he ka oc degeci öbun ûnyi hnyi hnyei u me he ka hnyin mʼ u me hu.

Deuteronomi 4:27

Ke ame he Iehova ka ovesei öbun ka hnyi ta je hnyei, kʼ ame he ka wakhalet biju kolon gabun unyin ta je hnyei ame he Iehova ka lili öbun ka hnyin.

Iakobo 5:16

Anyin a wale, uomanenâköuâ anyibun ta je hulo, ke hic dö ke at hobi kâu ke at, mʼ öbun e he ka möt. E hu troban ae gan hmâ ûnyi hnyi hic hijin at ae wisa hwakecin.

I. Samuela 12:19

Ke ame ha tavat hia kö Samuela, ka habe, Bethe hic hobi kohmun a lathnyabaem kö Iehova Khongom, mʼ ohmun e ca be ka mokcu: anyin a ohmun e hia but bi hanen ka anyihmun ta je hulö hia ûnyi eang ae kong, he ka sumatö tuhömun.

I. Samuela 12:23

Ke haba inya bi, ö iny ca he ka monu kö Iehova, he ka degec hiji öbun: ke oge me he ka nʼ öbun ge gethen ae so me wisa.

I. Samuela 7:8

Ke haba lakon Isaraela adre me ha kö Samuela, ka habe, U me ca he ka menâ khöûʼ ohmun kö Iehova Khongutin, me me omeli ota ûnyi ge at Filisiti.