Jeremia 42:16 - Iaai Bible 1901 (New Caledonia)

¹⁶ awe, ame he ka khöû öbun eling hnyi hnyei Aigupito hele vat, wale öbun e outen, ke ame he hmiâ ka hnu öbun ka hnyi hnyei Aigupito, wale öbun e outen; ke öbun e he ka mok eling.

Jeremia 42:16 ပူးပေါင်းရင်းမြစ်များ

Ta je Vejec 13:21

Ame he hulo ka he hoton tavat ae kong: Ke adre me he ka bi hwaban so ka tavat ae wisa.

Jeremia 27:8

Ke haba hnyei me dokhu ame ca bi athnyabai Nebukaneza eling than Babulona me ca hna je nyidra ka hnyi hna ûhûkâlâköuâ anyin than Babulona, me oge me he ka kot hnyei eling, haingö Iehova, ge hele vat, me hmiâ, me mok ae cap, ke ne o but oge hia but oaûʼ ödra a deny hnyamen.

Jeremia 41:18

ge at Kaledaia; anyin adre me oûtʼ ödra hnyi hnö Isamaela nöku Nethania hna kuc Gedalia nöku Ahikama waleji hnen than Babulona hna otilâ hnân Gavena hon hnyei.

Jeremia 42:13

Ke öbun e ne ha, ka habe, Ohmun e ca he ka laba hnyi hnyei ang, me ca löng hofuc ho Iehova Khongubun;

Jeremia 44:27

Wâ bi, oge me hmakʼ ödra mʼ adre me kong, me ca so bi: ke adre me he ka aû but hia at Juda a ödra hnyi hnyei Aigupito ge hele vat me hmiâ, ke ne o but ame ba but.

Ezekiela 11:8

Öbun e hia but outen hele vat; ke oge me he bi nya ka oâ köbun hele vat, haingen Than Iehova.

Zakaria 1:6

Ke haba hok je hofuc ke anyik je hnanyibu, waleji oge me hûna ka lathnyabaik a je perofeta, hawa, ödrin e ca khaû lakamöbun? me adre me hmetu me ha, ka habe, Haba Iehova tuhan sabaoth ame ûnykûme he ka ânyâ kohmun, hoton dehmun je gethen, ke anyihmun je huliwa, ke helâe e ame hia but ânyâ kohmun.

Ioane 11:48

Ate ne he ka hna e helâe, me ame he tavat hia ka lababeju kâu: me ame he ka o at Roma bi ka hûgûnâ hnöta me ita minya hnyei.

Deuteronomi 28:15

Ke u je ca löng hofuc ho Iehova Khongom he ka wâ wia me ânyâ anyin je hnanyibu hia, me hnen je hna hûna, wale oge me hûna köu hnyi bong ang; me ame he ka o köu me hom tilö u ta je hnaûhango hia eang.

Deuteronomi 28:22

Ame he Iehova ka kuc u ge delâ, me kahwa unyin, me hngihngidra, me kahwainy meic, me hele vat, me meleca, me om; kʼ adre me he ka hnu u ke ne o but u me mokcu.

Deuteronomi 28:45

Ke ame he ka o ta je hnaûhangö eling hia köu, me hnu u, me hom tilö u, ke ne o but ame hiö u but; anyin a u je ca löng hofuc ho Iehova Khongom he ka tuö anyin je hnanyibu me hnen je hna otilâ waleji e ame hûna köu: