Jeremia 42:15 - Iaai Bible 1901 (New Caledonia)

¹⁵ anyin a wale, löng ju walang ang hofuc ho Iehova öbun je kolon hnyi Juda: walang hna ha hnö Iehova tuhan sabaoth, Khongu Isaraela, ka habe, Öbun e ne ohwegiâ je hnyimaköbun be ka he Aigupito ai, me he me laba atkanyua eling;

Jeremia 42:15 ပူးပေါင်းရင်းမြစ်များ

Genese 31:21

Waleling e ame kec me anyin ta je ûnyi hia; ke e ame todrö me hanyâûâ Wagewe, me hnyimakan ka hnyi bucen Gileada.

Jeremia 27:8

Ke haba hnyei me dokhu ame ca bi athnyabai Nebukaneza eling than Babulona me ca hna je nyidra ka hnyi hna ûhûkâlâköuâ anyin than Babulona, me oge me he ka kot hnyei eling, haingö Iehova, ge hele vat, me hmiâ, me mok ae cap, ke ne o but oge hia but oaûʼ ödra a deny hnyamen.

Jeremia 42:17

Ame he ka helâe ka tavat hia adre me ohwegiâ ta je hnyimakodra he ka he Aigupito ai me laba kanyua eling: adre me be ka mok ge hele vat, me hmiâ, me mok ae cap: ke ba at gadra ame he ka hnen biju me kec ge okongon wale oge me he ka oâ ködra.

Jeremia 44:24

Ke haba Jeremia ame ha ka tavat hia me omomo hia, ka habe, Löng ju hofuc ho Iehova, öbun at Juda a öbun hnyi hnyei Aigupito.

Daniela 11:17

Ke e ame he ka hnyimakan dö he ka o me hom maniny dokhon dökhu hia, me tavat ae fofâ unyin: ke e ame he ka ânyâ weny: ke e ame he ka ham kâu hlu nokon momo me me kong; ke e ame ca he bi ka tethmâ me tha hien më.

Luka 9:51

Ke ame hwân ka o but ûen adre me he ka kap e goranyai, me e ame hwege thö he ka he Jerusalema ai,

Deuteronomi 17:16

Ke so bi e ca so e ame osehia je hors hobi kâu, me ohmeto tavat Aigupito ai, me me he ka osehia haleny je hors: anyin a hia but ha Iehova köbun, ka habe, Öbun e ca he ka hmetu hnyi gethen eling.