Jeremia 42:10 - Iaai Bible 1901 (New Caledonia)

¹⁰ Öbunʼ e ne he ka laba bala bi hnyi hnyei ang, oge me he ka up öbun goranyai, me ca hagutʼ öbun, ke oge me he ka konim öbun, me ca oc degeci öbun: anyin oge me ietra ge ûnyi ae kong oge hia but ânyâ köbun.

Jeremia 42:10 ပူးပေါင်းရင်းမြစ်များ

II. Samuela 24:16

Ke hnyi ûen ame he angela ka lau hnyamen hon Jerusalema he ka okongoâ, me haba Jehova ame ietra kong eling, me ba ka angela at ame ohia tavat, ka habe, Soju; kât ju hnyamâm. Ke ame tot angela anyi Iehova hnyi hna huje hwit anyi Aruna at Jebusi.

Salamo 102:16

Anyin a hia but Iehova up Ziona, E manen dut e hnyi anyin hmanenang.

Salamo 106:45

Ke e ame ûnykûme hnân hobi kodra anyin ûhikinyköu, Me ame ietra hoton ûganiny anyin betenge.

Salamo 37:3

Geju thö kö Iehova, ke mâdrâ so; Labâ hnyei, ke hnu hoton hnathu.

Salamo 69:35

Anyin ame he Khong ka omeli Ziona, me otilâ je taun anyi Juda; Kʼ adre me he ka labâ e, me hu e.

Esodo 32:14

Ke haba Iehova ame ietra monu, wale e ame ha he ka ânyâ ka lakeiny.

Jeremia 24:6

Ke oge me he ka wâ hmʼ ödra, mʼ adre me so, ke oge me he ka ohmetu ödra ka hnyi hnyei ang: ke oge me he ka up ödra goranyai, ke adre me ca he ka hagut ödra; ke oge me he ka te ödra, me ca he ka oc.

Jeremia 26:19

Hawa ga Hezekia than Juda me at Juda hia, adre me hlingâ e? hawa, e ame ca outö Iehova, me khöû kö Iehova, ke haba Iehova ame ietra hulo waleji e ame ha gadra? Ate me ne ânyâ hulo ae gan hmâ köta bi.

Jeremia 27:11

Ke haba hnyei tavat adre me hna je nyidra ka hnyi hna ûhûkâlâköuâ anyin than Babulona, me bi athnyabainy, me oge me he ka ip tavat eling ka laba bi hnyi idra, haingö Iehova; ke adre me he ka belökâ me labā e.

Jeremia 31:28

Ke helâ me hnok hna tuʼ ödra he ka oc, me kia, me hagutâ, me ohia, me ovecâ; helâe oge me he ka tuʼ ödra he ka op goranyai, me tä, haingö Iehova.

Jeremia 33:7

Ke oge me he ka ohmeto at Juda me Isaraela ûhedra hnyi hna hwenbâ, me, up ödra hmetu goranyai helâ me hnyi hwân.

Jeremia 43:4

Me haba Johanana nöku Karea me je taben vat hia, me tavat hia, adre me ca long hofuc ho Iehova he ka laba bala bi hnyi hnyei Juda.

Ezekiela 36:36

Me ame he ka khana hnen je hnyei a je kolon igigili öbun, a inya Iehova at ame op hmetu je hnyaba adre hota degecâ, me belökâ je dok ae ba wan: inya Iehova at ame ha, ke oge me he ka ânyâ.

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Joela 2:13

kia but je hnyekubun, ke ca kia je ûkhaû bi, me hwio thö kö Iehova Khongubun: anyin a e at ame betenge baû, ke betenge vec, ke bec he ka hmonyin, ke gan hmâ anyin ibetengiö, kʼ ame ka ietra hulo.

Amosa 7:3

Haba Iehova ame ietra ûnyi e: Ame ca he ka hwâdâ haingo Iehova.

Amosa 7:6

Haba Iehova ame ietra ûnyi e: Ame ca he ka hwâdâ haingen Than Iehova.

Jona 3:10

Ke a wâ but Khong anyidra je huliwa, a adre me hwio ûnyi hnyi dedra ta je gethen ae kong; me haba Khong ame ietra ûnyi ae kong wale a ha he ka ânyâ kodra; ke e ame ca ânyâ bi.

Jona 3:4

Ke haba Jona ame hwân ka dit hnyi taun, ke khaca bong ka he, me e ame hongot, me ha, ka habe, Fâte biju ta bong me adre me he ka ohia but Nineve.

Jona 4:2

Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.

Ta je huliwa 15:16

Hwaban ta je ûnyi e oge me he ka hmetu, Ke oge me he ka hai uma menâ umö Davita a u; Me oge me he ka op hmetu je dok ae hmouca hnyin, Me oge me he ka otilâ e:

Deuteronomi 32:36

Anyin ame he Iehova ka owisa lakeiny, Me ietra can lathnyabainy; E ka wâ ae ba manidrin man, Ke ba kolon, a hnyat adre ca, ke hnyat adre hna.

Owisa 2:18

Ke Iehova ame ham ködrin tavat owisa, me Iehova ame tha e me at owisa, me omeli ödrin ûnyi hnyi hnyamen je iwahnaihmiony mödrin hnyi ta je bong hia bongon at owisa: anyin a Iehova ame ietra can anyidrin mokhon ge tavat adre me sed ödrin me oveci odrin,