Jeremia 41:9 - Iaai Bible 1901 (New Caledonia)

⁹ Ke haba hmonop waleji hnö Isamaela hna khûâ je komok hia, e ame tha hlingʼ ödra me Gedalia ka hnyin, (wale hnö Asa than hna ânyâ can e ame ot ga Baasa ʼthan Isaraela,) haba Isamaela nöku Nethania ame öunö-ngötâ e ge je komok.

Jeremia 41:9 ပူးပေါင်းရင်းမြစ်များ

II. Samuela 17:9

Wâ bi, e ame ikhölö walang ang hnyi ke hmonop, ame ne ke dok bi: ke e ka ta ke je hnyat a bân, kʼ ame long bi tavat, me adre me he ka ha, ka habe, E hu hna ûhlingö unyin tavat adre me hiö Abasoloma.

Isaia 14:19

Ke haba u, me adre digic u helâ me anginy ae ikiki ke ba erkemok gam, ke helâ ûkhaûen komok, adre dâ ge hele vat, adre me utut ka hnyi ta je veten thop; ke helâ me komok adre; me uto hmelen je cadrin.

Heberu 11:38

(hnyat a ca ûcû hmeledrany kodra), kʼ adre me he baû hnyi ta je hnyebuba, me ta je bucen, me ta je op, me ta je dok ae hokong hnyi hmeledrany.

Owisa 6:2

Ke hwege at Midiana hon at Isaraela: ke can at Midiana, haba lakon Isaraela adre me ânyâ hobi ködra bi je thop hnyi bucen, me je op, me je hnabâ.

I. Samuela 13:6

Ke a wâ but at Isaraela a gʼ adre vhet ut (anyin ame gâ on tavat,) haba tavat adre me ve lubaduöng hnyi je hmonop, me hnyot, me kic, me op me hna hiny.

I. Samuela 14:11

Ke ödru me omanenʼ ödru bi ka lap tue anyin at Filisiti: ke haingen at Filisiti, ka habe, Wâ bi, ame o but at Heberu ûheny hnyi jē op wale ödrin e lubaduöng hnyin.

I. Samuela 14:22

Helâe minya hnyat Isaraela hia a hnyat adre lubaduöng hnyi hnyei ae hut hnyi Eferaima, kʼ ödrin e long a ga kec ut at Filisiti, me ödrin e hnyi hnu ödrin hwegiödrin hnyi vat.

I. Samuela 24:3

Ke e ame o but hnyi je haginy mamoe eû hnyi gethen, wale ae hu op; ke Saulo ame didro he ka tube li can. Ke Davita me lahien ödrin e laba hnyi je ouben op.