Jeremia 41:5 - Iaai Bible 1901 (New Caledonia)

⁵ me ame o but tavat a eite ûhedra Sekema me Silo me Samaria, adre giâ je waidra, me kia anyidra je ûkhaû, me ka kavi ödra bi, adre me hom je bwihlany me libanu ka hnyi uma umö Iehova.

Jeremia 41:5 ပူးပေါင်းရင်းမြစ်များ

Genese 33:18

Ke Jekob ame o ka hnyi taun Sekema ke hnahic, wale hnyi hnyei Kanana, ge ioiny ûheny Padan-arama; me hunuma cicö taun.

Genese 34:2

Ke ame wâ e hnö Sekema, nöku Hamora at Hivi, ke thaniny hnyei, me e ame hom e, me tha laba më, me okongoâ.

Genese 37:12

Ke je latuhan ödrin e he Sekema ai ka han hnahat meno haleny kamödrin.

II. Samuela 10:4

Me haba Hanuna ame hom lathnyabai Davita, me giâ ke keihen je waidrin, me subâ but anyidrin je ûkhaû hnyi wanben, wale ke ne o but hnyi hon je hûjiödrin, me kunʼ ödrin.

I. Je Than 12:1

KE Reoboama ame he Sekema ai: anyin ame o hnyi Sekema Isaraela hia he ka otilâ e me than.

I. Je Than 12:25

Ke haba hnyi ûen e Jeroboama ame op Sekema hnyi hnyei ae hut hnyi Eferaima, me laba eling: ke e ame he ûheny e me op Penuela.

I. Je Than 16:24

Ke e ame ûco ûnyi ga Semeri ong bucen Samaria hwaban lo li talan sileva; ke e ame bi uma hon bucen, me hwenyi ien taun e ame op, me, Samaria, hoton ien at a iny ehac, jia Semeri.

I. Je Than 16:29

Ke haba hnyi huna a thote eiti Asa than Juda ame hwân Ahaba nöku Omeri he ka musi hon Isaraela: ke Ahaba nöku Omeri ame musi hnyi Samaria twente tu je huna hon Isaraela.

II. Je Than 25:9

me e ame thong degecâ uma umo Iehova, me uma umen than; me je uma hia hnyi Jerusalema, wale je uma ae gan, e ame thong degecâ ge meic.

I. Man Ûlabainy Je Than. 19:4

Haba Hanuna ame hom lathnyabai Davita, me giʼ ödrin, me subâ but je khaûidrin hnyi wanben ke ne o but hnyi hon je hujiödrin me kunʼ ödrin dut.

Salamo 102:14

Anyin a lathnyabaem adre hnyok ka ta je vetoiny, Me betenge ge sesâiny.

Salamo 78:60

Me e ame hna degecâ uma hnyi Silo, Waleji uma mano e ame otilâ unyin tavat;

Isaia 15:2

Me e ame ölö ka hnyi uma kap, me Dibona, ka hnyi je dok ae gorany he ka tenge: Moaba ame kuku tenge ge Nebo, me Medeba: ame hadreû je bödra hia, kʼ adre me sö degecâ je waidra hia thithö.

Jeremia 16:6

Ke ame he tavat ae gan me tavat ae ûhnyûkong ka mok hnyi hnyei ang: adre me ca he ka konim ödra; ke ame ca he tavat ka tenge gadra, ke adre me ca he ka thamuö hwadrak ny, me ohadreûâ, adre me ânyâ hnyi hnyamok;

Jeremia 41:4

Ke hnyi bong a loiny hwaban hna hlingö Gedalia, ke ca khana bi ke at,

Jeremia 47:5

A o but hadreû ban kö Gaza; adre me ohia Asekelona, kolon hnyigöulen anyidra bucen; u me he ka kavi u bi ke ne o but kehö?

Jeremia 48:37

Ke hadreû je hodra hia, ke adre giâ je waidra hia: e hu hwadeny hna kave hon je hnyam hia, ke ecmano ae gan nân hon je nyidra.

Jeremia 7:12

Ke he thö walang ang ka hnyi hnok ehac hnyi Silo waleji oge bök ka ip iök hnyin, ke wâ thö hnok hna ânyâ kâu can hulo anyin lakeik a at Isaraela.

Jeremia 7:14

anyin a wale oge me he ka ânyâ ka uma wale adre ip hon iök waleji öbun e labageju kâu, me ka hnyi dok waleji oge ham köbun me lakamöbun helâ me hnok hna ânyâ ka Silo.

Joela 2:13

kia but je hnyekubun, ke ca kia je ûkhaû bi, me hwio thö kö Iehova Khongubun: anyin a e at ame betenge baû, ke betenge vec, ke bec he ka hmonyin, ke gan hmâ anyin ibetengiö, kʼ ame ka ietra hulo.

Deuteronomi 14:1

ÖBUN je laku Iehova Khongubun: ca be öbun ka kavi öbun bi, ke ca he öbun ka ohadreûâ bademaköbun hnyi wanben li emaköbun adre ânyâ can komok.

Josua 18:1

KE ame ûkhacaköu tavat a lakon Isaraela hia hnyi Silo, ke adre me otilâ eling uma mano a uma ûkhacaköu: ke ame ngâ but hnyei hnyi hnyimaködrin.

Josua 24:32

Ke haba je jeiö Josefa waleji a hom lakon Isaraela ûheny Aigupito adre me konâm hnyi Sekema, hnyi utkânâ a ûco Jekob ûnyi ge laku Hamora kamö Sekema hwaban je mone a khaca haded: ke wale hwajekhon laku Josefa.

Owisa 18:31

Ke ödrin e otilâ hobi ködrin hnatheat adre tretrao anyi Mika, wale e ame ânyâ, hnyi ta je bong hia wale a e bi hnyi Silo uma umen Khong.

Owisa 9:1

KE haba Abimelek nöku Jerubaala ame he Sekema ai ka je liamekeiny me hinyen, me ûhnenamö mödrin, me lap hia anyin kamen hinyen, me ha, ka habe,

I. Samuela 1:7

Ke e ame labö ânyâ helâe hnyi je huna hnyi ûen e ame he ka hnyi uma umo Iehova, me ovecâ e; anyin a wale e ame tenge me ca hnyi han.