Jeremia 41:10 - Iaai Bible 1901 (New Caledonia)

¹⁰ Me haba Isamaela ame hombâ je kolon tavat hnyi Mizepa, je lakon than a je hlu, me tavat hia a je kolon hnyi Mizepa, waleji hnö Nebuzaradana taben tavat tue hna hna kö Gedalia nöku Ahikama: haba Isamaela nöku Nethania ame hum ödra a hwenbâ mʼ adre me he ka je laku Amona.

Jeremia 41:10 ပူးပေါင်းရင်းမြစ်များ

Nehemia 2:10

Ke a long ut Sanebalata at Horono, me Tobia a athnyaba, a at Amona, me ödru me vec gan hmâ anyin ame o but at he ka elâm so hobi kâu lakon Isaraela.

Nehemia 2:19

Ke a long ut Sanebalata at Horono, me Tobia a athnyaba, a at Amona, me Gesem, a at Arabia, me ödrin e hlumʼ ohmun, me hû-köti ohmun, me haingödrin, ka habe, Ie ûnyi ang öbun e ânyâ? hawa öbun e thu musi anyin than?

Jeremia 22:30

Walang hna ha hnö Iehova, ka habe, Sihnalimen ju at ang a gʼ ame he ka ba nokon, ke ame ca he ka so bongon je bong: anyin ame ca he ka hnahic ke mâtrâniny, at ame he ka tabâ theron anyi Davita, me musi hmetu hnyi Juda.

Jeremia 38:23

Ke adre me he ka hom je lââiâm me je lakom ka at Kaledaia: ke u me ca he ka kec gadra, anyin ame he ka kot u hnen than Babulona: ke u me he ka thong taun ang ge meic.

Jeremia 39:6

Haba than Babulona ame hlingâ hnyi Ribela je laku Zedekia hnyi hnyimakan; ke haba than Babulona ame hlingâ je homakan at Juda hia.

Jeremia 40:14

me adre me ha kâu, ka habe, E khanö u a haba Baalisa thaniny je laku Amona ame kunö Isamaela nöku Nethania he ka hlingö u? Ke haba Gedalia nöku Ahikama ame ca kap hnödra hna ha.

Jeremia 40:7

Ke hnyi ûen ae khana but je taben vat hia hnyi hnyei, ödra me anyidra, tavat, a than Babulona ame otilö Gedalia nöku Ahikama hnân gavena hon hnyei, me hna but kâu obaga me omomo, me ta je wanakat, me ta je theduoc hnyi hnyei unyin tavat adre ca hom bâ Babulona ai;