Jeremia 41:1 - Iaai Bible 1901 (New Caledonia)

¹ KE haba hnyi tehi a seveniny haba Isamaela nöku Nethania, nöku Elisama, a ke nokon than, ke hanen je taben ae beönua anyin than, ke tha e më je hnyat a ten, ödrin e o kö Gedalia nöku Ahikama hnyi Mizepa; ke ödrin e tha han eling hnyi Mizepa.

Jeremia 41:1 ပူးပေါင်းရင်းမြစ်များ

II. Samuela 3:27

Ke ame hia hmetu Abinera Heberona ai, me haba Joab ame tha saû but mē hnyi homagöule he ka ûhnenamö duöng, me ame dâ e eling hnyi hnyekon, me ame mokcu, can drö Asael liamekeiny mē.

II. Je Than 11:1

KE a wâ but Athalia hinyö Ahazia a ga mokcû nokon, me e ame todrö me hlingâ je mâtrâniny than hia thithö.

II. Je Than 25:22

Ke haba tavat a je kolon hnyi hnyei Juda, waleji a ip biju Nebukaneza than Babulona, e ame otilö Gedalia nöku Ahikama nöku Safana hudrin.

II. Je Than 25:25

Ke haba hnyi tehi a seveniny ame o but Isamaela nöku Nethania nöku Elisama, hanen je mâtrâniny than, ke ödrin ten tavat unyin, me e ame kuc Gedalia, me e ame mokcu, me at Juda me at Kaledaia tavat a tha e mē hnyi Mizepa.

II. Man Ûlabainy Je Than. 22:10

Ke a wâ but Athalia hinyö Ahazia a ga mokcu nokon, me e ame todrö me hlingâ je mâtrâniny lap hia anyin than Juda.

Salamo 109:5

Ke adre hia but bi hwaban könya so ge kong Me anyik betenge ge hûkötö.

Salamo 41:9

Eke, haba ihumik, waleji at oge me geju kâu, at ame an ök jeû Ame hia but hûki nya ge ohmâiny can.

Ta je Vejec 13:10

Ame oâ iwatretra ge bigan Ke hu metâ ge tavat adre me kap ûhnenamö ae so.

Ta je Vejec 27:4

Wathethot ame beovecâ, ke hmonyin ame bahihingölö; Ke ie at ame he ka tot hnyi hnyimakan

Jeremia 36:12

me e ame utut ka hnyi uma umen than, ka hnyi hnyeuleny at sihnalimen: ke wâ bi, ta je taben hia adre me laba eling, wale Elisama at sihnalimen, me Delaia nöku Semaia, me Elenathana nöku Akebora, me Gemaria nöku Safana, me Zedekia nöku Hanania, me je taben hia.

Jeremia 36:20

Ke ödrin e didro ka than hnyi hnyeule; kʼ ödrin e ip biju tusi hnyi hnyeule anyi Elisama at sihnalimen; ke ödrin e thumeto than ge ta je hofuc hia thithö

Jeremia 39:14

adre me ûkhûnöng me hum Jeremia ûnyi hnyi hnyeuleny uma ceat me hna e kö Gedalia nöku Ahikama, nöku Safana, me me hom e ka hnyi uma: me e ame tha laba me tavat.

Jeremia 40:13

Ke haba Johanana nöku Karea, me ta je taben vat hia ae hnyi hnyei, adre me o kö Gedalia hnyi Mizepa,

Jeremia 40:5

Ke e ka tiga ca hmetu, haingen, ka habe, Hmetu ju kö Gedalia nöku Ahikama, nöku Safana, waleji hnen than Babulona hna otilâ hon je taun Juda, me tha laba më unyin tavat: ke ame ne ûcû u he ka he ka hnyi ke dok, be thö ka hnyin. Me haba taben tavat tue ame ha kamejin me bwihlany, me kunâ e.

Jeremia 40:6

Me haba Jeremia ame he kö Gedalia nöku Ahikama hnyi Mizepa, me tha laba më unyin je kolon hnyi hnyei.

Jeremia 40:7

Ke hnyi ûen ae khana but je taben vat hia hnyi hnyei, ödra me anyidra, tavat, a than Babulona ame otilö Gedalia nöku Ahikama hnân gavena hon hnyei, me hna but kâu obaga me omomo, me ta je wanakat, me ta je theduoc hnyi hnyei unyin tavat adre ca hom bâ Babulona ai;

Jeremia 40:8

me adre me o kö Gedalia hnyi Mizepa, jia Isamaela nöku Nethania, me Johanana me Jonathana li laku Karea, me Seraia nöku Tanumeth, me je laku Efai at Netofa, me Jezania nokon ke at Maaka, ödra me je atödra.

Ezekiela 17:13

ke e ame hom ke nokon than, me ûhihinyköu mē, me kunâ e he ka khemanyin, ke e ame hom minya tavat ae hwege hnyi hnyei:

Ioane 13:18

Oge me ca hai öbun hia: e khanö nya hnok je hna ûca: ke so bi me me hwâdâ hna sihnalimen, ka habe, Haba at ame an ök jeû me ame hûki nya ge ohmâiny can.