Jeremia 40:5 - Iaai Bible 1901 (New Caledonia)

⁵ Ke e ka tiga ca hmetu, haingen, ka habe, Hmetu ju kö Gedalia nöku Ahikama, nöku Safana, waleji hnen than Babulona hna otilâ hon je taun Juda, me tha laba më unyin tavat: ke ame ne ûcû u he ka he ka hnyi ke dok, be thö ka hnyin. Me haba taben tavat tue ame ha kamejin me bwihlany, me kunâ e.

Jeremia 40:5 ပူးပေါင်းရင်းမြစ်များ

II. Je Than 22:12

Me haba than ame hûnö Hilekia at bihut, me Ahikama nöku Safana, me Akebora nöku Mikaia, me Safana at sihnalimen, me Asaia athnyabainy than, me ha, ka habe,

II. Je Than 22:14

Me haba Hilekia at bihut, me Ahikama, me Akebora, me Safana me Asaia, ödrin e he kö Huleda perofeta momo, öiö Saluma nöku Tikeva, nöku Hasera, at tuö khaû; (ke haba momo ame laba hnyi Jerusalema hnyi ke keihen a loiny); me ödrin e ûhnenamö me momo.

II. Man Ûlabainy Je Than. 34:20

Haba than ame hûna kö Hilekia, me Ahikama nöku Safana, me Abedon nöku Mika, me Safana at sihnalimen, me Asaia athnyabainy than, me ha, ka habe,

Ezera 7:27

Ole kö Iehova Khongon lakamötin, at ame ip ûnyi e hnyi hnyekon than, he ka ohmanenangâ uma umo Iehova hnyi Jerusalema;

Ezera 7:6

haba at eling a Ezera ame he but ûheny Babulona; ke e at ae ti khana sihnalimen hnyi hnanyibu anyi Mose, waleji a ham Iehova Khongu Isaraela: ke haba than ame ham hia kâu hnen hna sumâtâ, helâ me hnyamö Iehova a Khongon hon.

Nehemia 1:11

Than lö, ö u tevehlöng ju ge li hnyikönyâm ka hic hijin athnyabaem, me je hic hijin lathnyabaem, tavat adre me wedrin he ka outen iâm: ke ö u ohnahicâ but athnyabaem hnyi bong ang, me ham kâu me me betenge gan at ang. (Ke inya ke ji at ame khop utköiö belen than.)

Jobu 22:29

Ödra ka ohnyikânâi u, u me he ka ha, ka habe, Todrö; Ke e ame he ka omelö at ae hnyikânâ.

Ta je Vejec 16:7

Ame ne osenyini Iehova ge je gethen deny at Me e ame oûsoköuâ e me je iwahnaihmiöny mē.

Ta je Vejec 21:1

E HNYI hnyamö Iehova hnyekon than helâ me je deny köiö: Kʼ ame wia e ka hnyi hnen hna weny.

Jeremia 15:11

Haingö Iehova, ka habe, E hnathu, oge me he ka sihwegiö u hnyi so; e hnathu, oge me he ka kunâ iwahnaihmiony he ka khöû köu hnyi ûen ae kong me ûen ae vec.

Jeremia 26:24

Ke so bi, haba Ahikama nöku Sefana ame hadruo Jeremia, mʼ adre me ca hna e ka tavat he ka hlingâ.

Jeremia 39:14

adre me ûkhûnöng me hum Jeremia ûnyi hnyi hnyeuleny uma ceat me hna e kö Gedalia nöku Ahikama, nöku Safana, me me hom e ka hnyi uma: me e ame tha laba me tavat.

Jeremia 40:4

Ke walang ang, wâ bi, oge me i thang je tö fao hnyi bong ang ae hon li hnyamâm, A ne so köu he ka tha he mönya Babulona ai, aiö u, ke oge me he ka ō u, ke a ne kong köu he ka tha he mönya Babulona ai, degecu, wâ bi, wale hnyei hia hnyi hnyimâkâm; haba dok ae so me ûcû köu he ka he ka hnyin, he thö ka hnyin.

Jeremia 41:1

KE haba hnyi tehi a seveniny haba Isamaela nöku Nethania, nöku Elisama, a ke nokon than, ke hanen je taben ae beönua anyin than, ke tha e më je hnyat a ten, ödrin e o kö Gedalia nöku Ahikama hnyi Mizepa; ke ödrin e tha han eling hnyi Mizepa.

Jeremia 41:18

ge at Kaledaia; anyin adre me oûtʼ ödra hnyi hnö Isamaela nöku Nethania hna kuc Gedalia nöku Ahikama waleji hnen than Babulona hna otilâ hnân Gavena hon hnyei.

Jeremia 41:2

Me ame todrö Isamaela nöku Nethania me hnyat a ten a tha ödrin më, me kuc Gedalia nöku Ahikama nöku Safana ge hele vat, me hlingâ e, waleji hnen than Babulona hna otilâ hnân gavena hon hnyei.

Ta je huliwa 27:3

Ke nyi ohmun e khûö un hnyi Sidona; ke so hwakeci Julio kö Paulo, me e ame hna e he ka he but ka je lahanen he ka kap ibetengiö.

Ta je huliwa 27:43

Ke haba keneturio ame weny he ka omeli Paulo, waleling me me thawʼ ödrin ju; me hûna ka tavat ae khanʼ ödra hai, he ha utut ûheny hon hu, me bödra he ka hai hot ai:

Ta je huliwa 28:10

ke adre me ogânʼ öhmun ge ta je ûnyi ae so ae se hia; ke hnyi ûen öhmun e he but ka hnehne, adre me ham köhmun ta je ûnyi ae ûcû.

Heberu 13:6

Anyin a wale e khanʼ öta he ka ha hwegiâ, ka habe, Haba Than, me wale thibi e at ame hadruo nya, oge me ca he ka ot, Ieû ke ûnyi ae khana at he ka ânyâ könya?