Jeremia 4:7 - Iaai Bible 1901 (New Caledonia)

⁷ Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Jeremia 4:7 ပူးပေါင်းရင်းမြစ်များ

II. Je Than 24:1

HABA hnyi bongon je bong ame o but Nebukaneza than Babulona, me haba Jehoiakima ame bi athnyabainy hnyi kun ta huna: ke e ame tot me hna degecâ e.

II. Je Than 25:1

KE haba hnyi huna a naininy anyin musi, hnyi tehi a teniny, hnyi bong a teniny tehi, ame o but Nebukaneza than Babulona, me anyin je utbavat hia, ka Jerusalema, me hunuma cicö e; me ödrin e otilâ igigilo e je tap hnân vat.

Isaia 1:7

A ba but wan ibun hnyei; a hia but thong anyibun je taun ge meic; ke haba könöbun kânâ, me ame an e hnen ta je atkanyua hnyi hnyimaköbun, me ba wan, helâke adre hagutâ degecâ hnen je atkanyua.

Isaia 5:9

Ame ha Iehova hnyi li hnyikönyök, ka habe, E hnathu ame he ka ba onyen ta je uma ae se, je uma ae gan me hmanenang, ke ba at ame he ka labā.

Isaia 6:11

Me oge me ha, ka habe, Than lö, ke ne o but kehö î Ke haingen, ka habe, Ke ne o but ame ba but wan je taun, ke ba at ame labā, ke ba but at hnyi je uma; ke ba but wan hnyei,

Jeremia 2:15

Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Jeremia 22:6

Anyin a walang hna ha hnö Iehova ge uma umen than Juda, ka habe, U Gileada könya, ke ban Lebanona: ke so bi, e hnathu, a oge me he ka wiö u me hnân hnyebuba, je taun ae ba aten.

Jeremia 22:7

Ke oge me he ka penapena gam tavat ohia, ae ve hu ûnyi hnân vat: ke adre me he ka sö but ânyâm je arasi adre ûca, me khûâ ka hnyi meic.

Jeremia 25:38

A hia but hna degecâ umen uma helâ me liona: anyin adre hia but wia idra hnyei me hnân lâiâ hnen hwegien at ûöveci, me hnen anyin hmonyin ae hwege.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 26:9

Anyin a ieû, u je perofeta hnyi iö Iehova me ha, ka habe, Ame he Uma kap eang ka helâ me Silo, ke ame he ka hnyot taun ang, ke ama ba at ame he ka labā e? Ke ame ûkhacaköu tavat hia kö Jeremia hnyi uma umö Iehova.

Jeremia 27:8

Ke haba hnyei me dokhu ame ca bi athnyabai Nebukaneza eling than Babulona me ca hna je nyidra ka hnyi hna ûhûkâlâköuâ anyin than Babulona, me oge me he ka kot hnyei eling, haingö Iehova, ge hele vat, me hmiâ, me mok ae cap, ke ne o but oge hia but oaûʼ ödra a deny hnyamen.

Jeremia 33:10

Walang hna ha hnö Iehova, ka habe, Adre me he hmetu ka long hnyi dok ang, waleji öbun e ha gan, ka habe, E ba wan, e ba at, ke ba meno, hnyi ta je tauniny Juda, me je getheniny Jerusalema wale ae ba wan, ke ba minya at he ka labā e, ke ba meno,

Jeremia 34:22

Wâ bi, haingö Iehova, ka habe, o ge me he ka hûna me ohmetu ödra ka hnyi taun ang; ke adre me he ka vat më, me hûgûnâ e, me thong e ge meic: ke oge me he ka wia je tauniny Juda, me me ba wan, ke ba at ama labā.

Jeremia 4:29

Ame he taun hia ka kec ge hwan tavat tabô hors, me tavat hlic fana; adre me kec ka hnyi hnyot, me ölö hnyi kic: adre me he ka hna degecâ je taun hia, ke ba at a khaca ame he ka labā.

Jeremia 44:2

Walang hna ha hnö Iehova tuhan sabaoth, Khongu Isaraela, ka habe, öbun e wâ but ta je okongon hia waleji oge oâ ka Jerusalema, me je tauniny Juda hia; ke wâ bi, e hnyot ut hnyi bong ang, ke ba but at ame labā;

Jeremia 46:18

Haingen Than, Iehova tuhan sabaoth ien, ka habe, Kia inya, e hnathu e ame he ka o helâ me Tabora unyin ta je bucen, ke helâ me Karemela hnyi baten köiö.

Jeremia 49:19

Wâ bi, e ame he ka ölö helâ me liona ûnyi hnyi hmanenanginy Joridano ka hnyi taun ae hwege, ke oge me he ka ie okecâ e ûheny e; ke haba at adre me ûca, oge me he ka otilâ e hon: anyin a ie at ae ûcû mönya? ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Jeremia 5:6

Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Jeremia 50:44

Wâ bi, e ame he ka ölö helâ me liona ûnyi hnyi hmanenanginy Joridano ka taun ae hwege: ke oge me he ka ie okeci ödra gan; ke oge me he ka otilâ hon, at adre ûca: anyin a ie at ae ûcû mönyaî ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Jeremia 8:16

Ame o but ûheny Dana hwan hna menâ hwege hnen haleny je hors: ame tha öbubuny hnyei hnyi ûkukuiny anyin tavat hwege, ke adre me o me an hnyei me ta je ûnyi hia hnyin: taun me tavat adre me labā e.

Jeremia 9:11

Ke oge me he ka wia Jerusalema me me helâ me je hna digic thatûnyi, me op umen je luko; ke oge me he ka oba wan je tauniny Juda, me me ba but at ama labâ.

Ezekiela 12:20

Ke ame he ka iny wau ta je taun adre me labâ, ke ame he ka ba aten hnyei; ke ame he ka khanʼ öbun a inya Iehova.

Ezekiela 21:31

Ke oge me he ka hingâlâ anyik hmönyin hom; oge me he ka tûâ köu meicin anyik wathethöt: ke oge me he ka hnö u ka hnyi hnyamen tavat a helâ me meno, tavat ae khanʼ ödra he ka ûohiö.

Ezekiela 32:2

Nokon at lö, hai thö khumöng tenge ga Farao than Aigupito, me ha kâu, ka habe, Adre me oûcû u me nak lionainy ta je hnyei: ke u helâ me tanimoiny köiö; kʼ ame patrutruâ ânyâm je wagewe, ke i u je obwebwelâ köiö ge li cam, me ohâeâ anyidra ta je wagewe.

Daniela 5:19

ke can hna oganâ e adre me ham kâu, me ame öbubuny me ot hnyi hnyimakan tavat hia, me ta je hnyei, me je ve hwen hnyei: e ame hlingâ hnen hna behlingâ, me omelo hnen hna beomelö; ke e ame ogânâ hnen hna beogânâ, me ohnyikânâ hnen hna beöhnyikânâ.

Daniela 7:4

Haba at a bân, me helâ me liona, ke hu li labenyin aeto gan: inya oge me wâ ke ne o but adre hia thö hnimö li labenyin, ke adre kap e goranyai ûnyi hnyi kânâ, me otilâ e ge li can helâ me at, ke adre me ham kâu hnyekon at.

Levitiko 26:31

Ke oge me be ka obâ aten anyibun je taun, me ohia je dok a kabibun, ke oge me ca he ka hnulâ bunen anyibun je ûnyi ae bo so.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.