Jeremia 4:6 - Iaai Bible 1901 (New Caledonia)

⁶ Ogöranyâ thö boûdila hnyi Ziona, kec dö ka hnyi dok ae khötkic, ca tot bi: anyin oge me he ka hom okongon ûheny hnyi hwadro, me hnaûhango ae gan hmâ.

Jeremia 4:6 ပူးပေါင်းရင်းမြစ်များ

Isaia 62:10

Didro, didro hnyi je homagöule; penapena thö deny tavat; op dö goranyai, op dö goranyai hna cit gethen; hlo thö je veto; ogöranyâ thö boûdila hobi kâu ta je hnyei.

Jeremia 10:22

Hwan ûthumetu, wâ bi, e but ang, ke gan hmâ imonumonuny ûheny hnyi hnyei hnyi hwadro, he ka wia je tauniny Juda me me ba wan, me hnen je luko.

Jeremia 18:11

Ke walang ang, he thö ka ha ka at Juda me aten Jerusalema, ka habe, Walang hna ha hnö Iehova, ka habe, Wâ bi, oge me he ka penapena ûnyi ae kong hobi köbun, me ûnykûme hna ûnykûme he ka ânyâ köbun: ve hmetu ju öbun walang ang ûnyi hnyi debun ta je gethen ae kong, ke osoâ but debun je gethen me anyibun ta je huliwa.

Jeremia 21:7

Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Jeremia 22:7

Ke oge me he ka penapena gam tavat ohia, ae ve hu ûnyi hnân vat: ke adre me he ka sö but ânyâm je arasi adre ûca, me khûâ ka hnyi meic.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 4:21

Oge me he ka wâ boûdila ke ne o but kehö, me long ifucin trutru?

Jeremia 50:2

Haimemenâ thö unyin ta je hnyei me omanena thö, me otilâ thö ke haten; omanenâ thö, ke ca ikhâlâ bi: ha thö, ka habe, Adre hûgûnâ Babulona, a hmehma but Bel, e hlohlo but Merodaka; e hmehma but anyin je hnatheat, e hlohlo but je idolainy.

Jeremia 50:22

E hu hwan vat hnyi hnyei, me ûokonguny ae gan.

Jeremia 51:12

Otilâ thö haten hon hna up veto hnyi Babulona, ohmâ ju tavat adre me hmâkâ, otilâ thö tavat tue, penapena thö he ka khöu mokut: anyin a Iehova ame ûnykûme me ânyâ, waleji hnen hna ha ge tavat adre me laba hnyi Babulona.

Jeremia 51:27

Otilâ thö boûdila hnyi hnyei, tûâ thö trutru hnyi je hnyei, penapena thö je hnyei kâu, hawâ ûkhaca-köuâ thö kâu ta je dökhuiny Ararata, me Mini, me Asekenaza: otilâ thö ke taben vat kâu; oâ thö je hors helâ me je wahamon ae ûjejong.

Jeremia 51:54

Hwan kuku tenge ûnyi Babulona, me ûokonguny ae gan ûnyi hnyi hnyei Kaledaia!

Jeremia 6:1

TA je lakon Beniamina lö, kec bemöt dö ûnyi hnyi wanben Jerusalema, ke tûâ thö khoto hnyi Tekoa ke ogörânyâ thö haten hnyi hon Beth-akerem: anyin ame selâdrâ ûnyi ae kong ûheny hnyi hwadro, me hna ûhangö ae gan.

Jeremia 6:22

Walang hna ha hnö Iehova, ka habe, Wâ bi, ame he ka o tavat ûhedra hnyi hnyei hnyi hwadro; ke adre me he ka obwebwelâ ke hnyei ae gan ûnyi hnyi je can hmeledrany.

Ezekiela 9:1

KE e ame hongot hwege ka hnyi li hnyikönyök, ka habe, Ohakekenyâ ju jem tavat adre me tuö taun, tha ödrin me anyidrin je ûnyi hnân ûhlingö.

Ezekiela 9:2

Ke wâ bi ame o but siks tavat ûnyi hnyi getheniny homagöule ethö hnyi ke keihen ka hnyi hwadro, ödrin e ve o me anyidrin ta je ûnyi hnân ûhlingö; ke haba hnyi wanbödrin ke at ame khavâ ûkhaû lino, ke hu kaia sisit hnyi vhaken. Ke ödrin e didro me tot hnyi baten taben hut bras.

Zefania 1:10

Ke haingö Iehova, Haba hnyi bong eling me ame he bi ka hu hwatenge hnyi homagouleny wâ, kʼ ame he ka hu kuku tenge hnyi ke keihen a loiny, ke dia ae gan hnyi je hut.

Zakaria 6:6

Ke haba kariota a e hnyin li hors ae hlit, me ame he ka hnyi hnyei hnyi hwadro; ke haba li hors ae hau, me ödru me he hotudru; ke haba li at ae sisit, me ödru me he ka hnyi hnyei hnyi hwaiöu.