Jeremia 4:31 - Iaai Bible 1901 (New Caledonia)

³¹ Anyin oge hia but long hwatenge helâ me momo ame vec hnyekon, helâ me vec anyin momo ame o nokon a bân, ûtengien hluiny Ziona, at ame momokhon, me inâ but li hnyamen, haingen, ka habe, Ekölö gak walang ang! anyin ae sënyin dut hnyekuk hnyi hnyimakan tavat ûhlingö.

Jeremia 4:31 ပူးပေါင်းရင်းမြစ်များ

Genese 27:46

Ke haingö Rebeka kö Isaaka, ka habe, E hmak ut hnyekuk can li momo Heth: a ne he Jekob ka hok âiân ûnyi hnyi je lakon Heth a je hlu, helâ mödru li momoiny hnyei, hnân eû hmetu möt könya?

Jobu 10:1

OGE me sënyin dut ge melik; Oge me ca he bi ka thawâ anyik tenge; Kʼ oge me he ka fuc hnyi hinyin hanuk.

Salamo 120:5

E köiö gak anyin a inya oge me laba kanyua hnyi Meseka, Ke unyin je uma mano hnyi Kedara!

Isaia 1:15

Ke öbun ka he ka hinöbeny, me oge me he ka ikhâlâ li emakök gabun: eke, öbun ka he ka osehia hic, me oge me ca he ka long: a unöngöt je hnyamöbun ge dra.

Isaia 13:8

adre me be ka gâ udra; kʼ ame he ka o kodra vec me hlöuhlöu; adre me he ka hmak helâ me momo ame vec hnyekon: adre me he ka ûlâiâköuâ; helâ me bâhlân meic hnyi ta je hnyimakodra.

Isaia 21:3

Anyin a wale a unöngötö li fetrem ge vec; ame hum nya hnen vec helâ me momo ame vec hnyekon ame he ka hnokoâ: inya oge me vec me me ca khanö nya long bi; inya oge me öbubuny me me ca khanö nya bwela bi.

Isaia 26:17

Haba momo ame he ka o erkin, me ame vec ke ame kuku ge vec; helâe gahmun Iehova lö, hnyi hnyimâkâm.

Isaia 42:14

E beû but hnok hna laba hnyibu; oge hia but laba wia me hokhnyokâ: ke walang ang oge me he ka kuku helâ me momo ame hnokoâ; oge me he ka mâng me momokhon.

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Jeremia 10:19

Ekölö ge hnok aat! ame han gan hmâ: ke haingök, ka habe, E hnathu wale anyik bi vec, ke oge me he ka hokhnyokâ.

Jeremia 13:21

Ieû u me he ka ha, e ka he ka otilâ je waem hom hnân bâm, anyin a u je hia but nʼ ödra he ka musi u? hawa, ame ca he ka kot u ge je vec, helâ me momo ame he kahnokoâ?

Jeremia 14:18

Oge ne he ka hnyi hnyei, wâ bi je hna kot hnen hele vat! ke oge ne he ka hnyi taun, me wâ bi, tavat ae sënyin ge hmiâ! anyin ame tha ngeno baûâ hnyei hnen perofeta, me at bihut, ke ba metâ gadrin.

Jeremia 15:18

Anyin a ieû a e bala bi anyik vec, ke ba eny hnok aat, ke ame ca bemetu? hawa, u me he ka helâ me wagewe ame iyawo, a köiö ame hme?

Jeremia 18:21

Anyin a wale hna but lakudra ka hnyi hmiâ, ke hnʼ ödra but ka hnyi maniny hele vat, ke ame he ka ba but lakon laöiödra, me je safac bi, ke ame he mok ka hlingâ obaga, adre me he ka hlingâ anyidra wahidröu ge hele vat hnyi vat.

Jeremia 22:23

At ame laba hnyi Lebanona lö, at ame bi umen uma hnyi je arasi, nakaem, e ka o vec köu, wale vec helâ me momo ame vec hnyekon e ka he ka hnokoâ.

Jeremia 30:6

Hnö thö walang ang me wâ, a ne baga ame hnokoâ wanakat: anyin a ieû oge me wâ je baga hia adre me ve tot cimâ je jebalainudra helâ me momo ame vec hnyekon, ke löhau hia but ta je hnyimakodra?

Jeremia 45:2

Walang hna ha hnö Iehova Khongu Isaraela gam Baruka, ka habe,

Jeremia 48:41

Adre hûgûnâ Kerioth, ke ame hom uthmâhmâ je hnabâ, ke hnyi bong eling ame he hnyekon tavat hwege hnyi Moaba ka helâ me hnyekon momo ame he ka hnokoâ.

Jeremia 49:22

Wâ bi e ame he ka ölö me gâ helâ me aeto, me lau li labenyin ka Bozera: ke hnyi bong eling ame he je hnyekon je tavat ae hwege hnyi Edoma ka helâ me hnyekon momo ame he ka hnokoâ.

Jeremia 49:24

Ame sënyin dut Damaseko, e ame hwio he ka kec, ame kât e ge öbubuny: kʼ ame o but kâu hlöuhlöu me vec helâ me momo ame vec hnyekon.

Jeremia 50:43

A löng ut than Babulona ge ûlungidra, me ame sënyin li hnyamen; ame khaû ju e hnen hlöuhlöu, me vec helâ me momo ame vec hnyekon.

Jeremia 6:2

Oge me he ka subâ degecâ hluiny Ziona ae hmanenang me menyik.

Je tenge anyi Jeremi 1:17

Ziona ame lau li hnyamen; e ba at he ka otubwelâ; Iehova ame hia but ha ga Jekob, a gʼ adre me he ka iwahnaihmiony më tavat igigilo e: E ikiki Jerusalema unyidra.

Je tenge anyi Jeremi 1:20

Iehova lö, wâ ju; anyin a inya oge me vec; ame bwebwet hnyekuk; Ame hwio hynekuk eû hnyik; anyin oge hia but ûkhin fuc hwege: Haba hele vat ame oba lakon e hele, ke eiö hnyin uma e hu mok.

Je tenge anyi Jeremi 2:21

Wahidröu me wahingat adre me mokut hnyi kânâ eû hnyi gethen; Anyik wahlu me wahidröu adre me ta ge hele vat: U je hia but hlingʼ ödra hnyi bonginy ânyâm hmonyin; u je hia but kot me ca betenge bi.

Hosea 13:13

Ame he ka o kâu vec, helâ me momo ame he ka hnokoâ: e nokon ae ba metâ; anyin e ca so e ame bec he ka kolu.

Mika 4:10

Vec dö, ke hnokoâ but, u hluiny Ziona, helâ me momo ame vec hnyekon: anyin a u me he ka he but walang ang ûnyi hnyi hnyin taun, me laba hnyi ta hnyei, me o ka hnyi Babulona; ke adre me he ka hûgûnö u ûhem e; kʼ ame he Iehova ka ûcû u eling ûnyi ge je iwahnaihmiöny möu.

Mika 4:9

Ieû ang a u me kuku goranyai? E ba than hnyi wanbâm? a mokcu at ame bi hnyimâm, anyin ame khöû u hnen vec helâ me momo ame vec hnyekon?

Mika 7:1

EKÖLÖ gak! anyin a iny ûcû me ûö adre me tau wan, ke iny ûcû me hna hlo wan vine: ke ba hmetu bi wan vine hnân ic; me wan meta a bân wale ame wek hnen hanuk.

Mataio 21:5

Ha thö ka hluiny Ziona, ka habe, Wâ bi, ame o but köu Tuhâm, At ae menyik, kʼ ame tabâ asina, Ke nak asina, a nokon asina.

I. Korinito 9:16

Anyin oge ne khetâ ûthumetu ae so, e ba hnân ohobeluâ; anyin adre musi nya; anyin ekolö gak iny ka ca khetâ but ûthumetu ae so.

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.