Jeremia 4:30 - Iaai Bible 1901 (New Caledonia)

³⁰ Ke haba u, ödra ka hia but sei u, ieû u me he ka ânyâ? Eja ke ne u je ne he ka hkaûö u ge ûkhaû ae dra vec, me theibi u ge je hmanenanginy gol me ogânâ li emâkâm ge botru, e ûnyi baû bi hnâm hna he ka ohmanenangi u bi; ame he tavat adre me wedra u ka hûkötiö u, adre me he ka elâm he ka hlingö u.

Jeremia 4:30 ပူးပေါင်းရင်းမြစ်များ

II. Je Than 9:30

Ke ame o but Jehu hnyi Jezerela, me haba Jezebela ame long; me e ame bi hnalimen li emakan, me omecâ ban, me selat hnyi mamalama.

Ta je Vejec 6:25

Ca behnyekom eû hnyi hnyekom anyin hmanenang; Ke so ame ca omonu u hnen bademakan.

Ta je Vejec 7:10

Me wâ bi, ke momo ame ûkhanö më, Kʼ ame khavâ khaûen momo hnyi gethen, ke hnyok thoi.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 20:6

Ke ame he tavat adre laba hnyi hobat köiö ka tha ha hnyi bong eling, ka habe, Wâ bi, wale hnöta hna geju kâu, mʼ ate me kec kâu me me hadruʼ öta mʼ ate me möt ûnyi ge than Asuria: ke haba öta ate ma hawa ka kec?

Isaia 33:14

Ame ot hnyi Ziona tavat ae kong; kʼ ame o but öbubuny ka tavat adre me ca ot bi. Ie at gata ae khana he ka laba hnyi meic ame han? ie at gata ae khana he ka laba hnyi bâhlân meic nyiele balua?

Jeremia 13:21

Ieû u me he ka ha, e ka he ka otilâ je waem hom hnân bâm, anyin a u je hia but nʼ ödra he ka musi u? hawa, ame ca he ka kot u ge je vec, helâ me momo ame he kahnokoâ?

Jeremia 22:23

At ame laba hnyi Lebanona lö, at ame bi umen uma hnyi je arasi, nakaem, e ka o vec köu, wale vec helâ me momo ame vec hnyekon e ka he ka hnokoâ.

Jeremia 30:14

A hnying u but hnen je lawaem hia; adre me ca elom u: anyin oge kuc u helâ me hna kot hnen iwahnaihmiony, me hna kot hnen at ame beovecâ: can ûganiny hwakecâm ae kong, anyin ae se hia ânyâm ta je hulo.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Je tenge anyi Jeremi 1:19

Oge me hawâ je la wek, kʼ adre me iyawo nya: A mokcu anyik tavat bihut me wahingat hnyi taun, Hnyi ûen adre me heleû ö ʼdra, mʼ adre me mot hmetu.

Je tenge anyi Jeremi 1:2

E ame tenge gan hmâ hnyi hnyinghet, ke e hnyi li wahicen deköien; E ba at hnyi je lawaeny hia he ka otubwelâ e: Kʼ ame iyawâ e je liamewaeny më, Kʼ adre me bi iwahnaihmiony më.

Je tenge anyi Jeremi 4:17

Ame dit je emaköhmun ge hnöhmun hna elâm ûhadruöhmun ae ûnyi baû. Hnyi hnöhmun hna hmak ohmun e hia but hmâkâ ke hnyei ae ca khana he ka omeli.

Ezekiela 28:13

U je mwi but Edena hnyi hnyaban Khong; adre tubi u ge je veto hia ae ûnyi hnathu, wale sadio, me topazio, me aloma, me berulo, me soama me jasepi, me safairo, me semerado, me bereketh, me gol: e bi unyâm hna huliwan ânyâm je pate me je utkowi; adre penapena hnyi wanbâm hnyi bong adre up u hnyin.

Ezekiela 28:9

Hawa, u me he bala ka labö ha hnyi hnyimakan at ame hlingö u, ka habe, Iny Khong? ke u at bi, ke ca Khong hnyi hnyamen at ame okongu u.

Obadia 1:7

Adre hia but hum u hnyi gethen hnen lahiâm hia, wale ka hnyi hnyigot: adre hia but iyawo u, me hwege hom, tavat adre ûsoköu möu; adre lau hnewe hobi köu hnen tavat adre me an âm jeû: e ba bi metâ gan.

Heberu 2:3

ate me he ka kâmâu ka kec möt ut, öta ka ca oûnyihnatho möt ae nua helâe? waleji a bân Than ka ha, me ame ohnatho köta hnen tavat adre hnyi löng;

Hna Omanenâ 17:13

Khaca thibi je hnyekudrin, ke ödrin e ham manidrin man me anyidrin musi ka meno.

Hna Omanenâ 17:2

ke ta je thaniny hmeledrany adre me bi ûnyi monu mē, kʼ ame monu aten hmeledrany hnen wainainy anyin bi ûnyi monu.

Hna Omanenâ 17:4

Haba momo, me ame khavâ ûkhaû ae udrudrâ hlit ke dra, ke a theibâ ge gol me je veto ae gan hwaban me je penina, ke e hu hnyi hnyamen kaia gol, ke unöngöt ge je ûnyi ae ikiki, a ta je ûnyi ae kong ûnyi hnyi anyin bi ûnyi monu,