Jeremia 4:28 - Iaai Bible 1901 (New Caledonia)

²⁸ Anyin a wale ame he hmeledrany ka tenge, ke ame he ka khömet ut drany: anyin oge hia but ha, me ûnykûme, ke oge me ca he ka ietra, ke haba khaca oge me ca he ka hmetu ûhek e.

Jeremia 4:28 ပူးပေါင်းရင်းမြစ်များ

Isaia 24:4

Ame hlöuhlöu tavat me meleca, ame sēnyin hmeledrany me meleca, adre me sēnyin je tavat ae be-önua hnyi hnyei.

Isaia 34:4

Ke ame he ka aû but ta je döiny drany hia, ke adre me he ka vhec drany helâ me tusi: ke ame he je dö hnyin e ka kolu helâ me lan vine ame kolu, ke helâ me lan ae meleca ûnyi huyi imeta.

Isaia 5:30

Hnyi bong eling adre me he ka kuku gadra helâ me imeainy köiö: ke ödra ka wâ hnyei, wâ bi, e menekholom me hmak, me khömet ge je ûlâiny.

Isaia 50:3

Oge me tube drany ge menekholom, me khavâ e ge mano ae gan nân.

Jeremia 12:11

Adre hia but öba wan e; e ame tenge könya ke ba but wan; adre öba wan hnyei hia, anyin ae ba at ame ûnykûme eû hnyi hnyekon.

Jeremia 12:4

Ame he hnyei he ka tenge ke ne o but kehö, me meleca je ûöiny hnyot hia ae ometu? can hulo anyin tavat adre me labā e, adre hia but ohia je meno a vak can, me ta je meno ame gâ; anyin a haingodra, ka habe, E ame ca be ka wâ obiny köta.

Jeremia 14:2

Juda ame tenge, ke je homagouleny ame hlöuhlöu, adre me laba, ke hlit bi hon kânâ; ke ame o thö hwan tenge hnyi Jerusalema.

Jeremia 23:10

Anyin a unöngötö hnyei ge tavat bi ûnyi monu; anyin ame tenge hnyei can hna hângâ: e atgec dö je dok a je sajilat hnyi hnyebuba: ke kong dedra je gethen, ke ca wisa tang hwegiödra.

Jeremia 23:20

Ame ca he ka hmetu hmonyin anyi Iehova, ke ne o but e ame hia but ânyâ, ke ne o but e ame ohwâdâ je ûnykûmenen hnyekon: öbun e he ka ti wâhmakhmeto e hnyi je bong a biliny.

Jeremia 30:24

Ame ca he hmonyin ae hwege anyi Iehova ka hmetu, ke ne o but e ame hia but mâdrâ, me ohwâdâ je ûnykûmenen hnyekon; öbun e he ka wâhmakhmetoâ hnyi je bong a biliny.

Jeremia 51:12

Otilâ thö haten hon hna up veto hnyi Babulona, ohmâ ju tavat adre me hmâkâ, otilâ thö tavat tue, penapena thö he ka khöu mokut: anyin a Iehova ame ûnykûme me ânyâ, waleji hnen hna ha ge tavat adre me laba hnyi Babulona.

Jeremia 7:16

Anyin a wale u me ca he ka hije tavat ang, ke ca ogöranyâ tenge me hic hobi kodra, ke ca khöu bi könya: anyin oge me ca he ka ling u.

Je tenge anyi Jeremi 2:17

A hia but Iehova ânyâ waleji hnen hna ûnykûme; E ame hia but ohwâdâ hwan hofuc waleji e ame hûna hnyi ta je bong kâû adrem; E ame hia but kia, me ca betenge bi: Ke e ame osenyinâ iwahnaihmiony hom, Me ogöranyâ faoiny meno anyin je tavat adre me tot köu.

Ezekiela 24:14

Inya Iehova at ame ha: ame he ka o, ke inya oge me he ka ânyâ; oge me ca he ka hmetu, ke oge me ca he ka betenge, ke oge me ca he ka ietra; adre me he ka bi hwaban köu hoton dem je gethen, ke hnâm je hna ânyâ, haingen Than Iehova.

Hosea 13:14

Oge me he ka hûgûnʼ ödra ûnyi hnyi maniny erkemok; oge me he ka omeli ödra ûnyi ge mok: Mok lö, ewa ânyâm je ûokonguny? Erkemok lö, ewa hnâm hna ûhangö? adre me he ka ikhâlâ ietra ge li emakök.

Hosea 4:3

Anyin a wale ame he hnyei ka tenge, kē sēnyin hia but tavat adre me labâ e, tha ödra me je menoiny hnyot, me je meno ame gâ ethö; eke adre me he minya ka hom but je wâ eû hnyi köiö.

Joela 1:10

E ba but wan ta hnyei, ame tenge kânâ; anyin ae ba but hwit, a hme thö waina ae teb ûnyi, ke ba wakaco.

Zakaria 8:14

Anyin a walang hna ha hnö Iehova tuhan sabaoth, ka habe, Oge ûnykûme he ka ânyâ ûnyi ae kong köbun, waleji ge hnen lakamöbun hna ohmönyini nya, haingö Iehova tuhan sabaoth, ke oge me ca ietra;

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Mataio 27:45

Ke ame menekholom but hnyei hia, hwân hnyi awa a siks ke ne o but ka hnyi awa a nain.

Mareko 15:33

Ke haba hnyi awa a siksiny ame menekholom but hnyei hia ke ne o but hnyi awa a naininy.

Luka 23:44

Me ame lit hia but hnyei hwân hnyi jebigö ke ne o but hnyi jebigo sahac,

Efeso 1:11

ke hu minya jekhöûta unyin, ke adre ip öta adrem helâ me weny, wale at ame huliwan ta je ûnyi hia hoton ûnykûmenen weny;

Efeso 1:9

ke e ame omanenâ köta ûnyi ae iyong hnyi weny, hoton weny ae so, waleji e ame bân ka ûnykûme ûnyi gan

Heberu 7:21

(anyin adre hia but wiʼ ödra hnân at bihut, ke ba khemanyinâ; ke adre me wia e ge hna khemanyin hnen at ame ha gan, ka habe, Haba Than ame khemanyin kʼ ame ca he bi ka ietra, A u thibi at bihut nyiele balua):

Hna Omanenâ 6:12

Ke oge me wâ e ame khong hna ohmâ haten a siksiny, me ame gan hmâ but hwiöi; me ame hlit ut seûno helâ me mano a leûnen meno, ke haba tehi hia, me helâ me dra;

I. Samuela 15:29

Ke haba khaca, ame ca he ka thoi me ietra Man mani Isaraela: anyin a ca at, me me ietra.