Jeremia 4:27 - Iaai Bible 1901 (New Caledonia)

²⁷ Anyin a walang hna ha hnö Iehova, ka habe, Ame he ka ba wan hnyei hia; ke so bi, oge me ca he ka kot hia.

Jeremia 4:27 ပူးပေါင်းရင်းမြစ်များ

II. Man Ûlabainy Je Than. 36:21

me me hwâdâ hofuc ho Iehova a deny Jeremia, ke ne o but ame bekhot ut ta je sabathiny kânâ: anyin a haba hnyi ta je bong ae ba aten hnyei, me wale bi e sabath, ke ne o but hnyi je huna a sevente.

Nehemia 9:31

Ke so bi can ânyâm ibetengiö ae gan, u je ca ti ohiʼ ödrin, me hna degeci ödrin; anyin a u Khong ame betenge me menyik.

Isaia 17:6

Ke so bi ame he ka hu kolon hnyin e hnân hlo, helâke hna jijingâ ûö elaio, ame ne lo ame ne kun thibi ta wan hnyi obiny vheiny ae gorany, ame ne vak ame ne thabûng hnyi je vheiny ûo ae wa so wale hnyi je baten, ame ha Iehova Khongu Isaraela.

Isaia 24:1

WÂ bi, Iehova ame öba ûnyi hnyi hmeledrany, me öba waniny, me ohnyimenâ e hnyikânâi, me oveseâ tavat adre me labā e.

Jeremia 18:16

me adre me wia idra hnyei hnân lâiâ, me jû nyiele balua; ame he tavat hia adre me gethen unyin ka lâiâ me nyinyikâ je bödra.

Jeremia 25:11

Ke ame he ka ba wan hnyei ang hia, me hnân lâiâ, ke ame he ta je hnyei eling ka bi athnyabainy than Babulona hnyi sevente ta je huna.

Jeremia 30:11

Anyin a haingö Iehova, ka habe, tha inya but möu he ka omeli u; anyin oge me he ka bi obiny ka je hnyei hïa waleji oge obö u ka hnyin, ke oge me ca he ka bi obiny köu; ke oge me he ka nö u ge hna owisa, ke oge me ca he ka hnö u ke ba hwaban.

Jeremia 4:20

Adre me hongot ûhangö me ûhangö; anyin adre söh hia thö hnyei: adre ie söh umök je uma mano, me anyik je hak mano helâ me thuthubadecmak.

Jeremia 4:7

Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Jeremia 44:6

Anyin a wale oge me hingâlâ anyik wathethot me anyik hmonyin, ke ame ubâhlâ hnyi je tauniny Juda, me je gethen hnyi Jerusalema, ke ame ba wan gadra, ke hnyot dö helâ me hnyi bong ang.

Jeremia 46:28

Jekob, athnyabaik lö, ca ot bi, haingö Iehova; anyin a tha inya möu: anyin oge me he bi ka ti ohia je hnyei hia waleji oge obö u ka hnyin, ke oge me ca he ka ti ohiö u; ke so bi oge me he ka nö u ge hna owisa, ke oge me ca he bi ka hnö u ke ba hwaban.

Jeremia 5:10

Öliâ thö je hna up haginy, me hlingâ; ke ca he bi ka ohia hia: hom but je anginy, anyin a ca je ûnyi e anyi Iehova.

Jeremia 5:18

Ke so bi haba hnyi je bong eling, oge me ca he ka hlingʼ öbun hia, haingö Iehova.

Jeremia 7:34

Ke oge me he ka obuhlumo hnyi je tauniny Juda, me je gethen minya hnyi Jerusalema, hwan senyin, me hwan hobâ, me hwan li at ödre tep faipoipo: anyin ame he ka ba aten hnyei.

Jeremia 9:11

Ke oge me he ka wia Jerusalema me me helâ me je hna digic thatûnyi, me op umen je luko; ke oge me he ka oba wan je tauniny Juda, me me ba but at ama labâ.

Je tenge anyi Jeremi 2:7

Haba Than ame hia but hota degecâ taben hut kâu, e ame hia but ikikiâ anyin dok ae kap, E ame hia but hna ka iwahnaihmiöny umen je uma ae mec: Adre hia but mede hnyi uma umo Iehova helâ me bong ûkhacaköu ae ûnyi hnathu.

Ezekiela 11:13

Ke inya oge me tiga perofeta, me ame mokcu Pelatia nöku Benaia. Me oge me ta hnyikânâi me tenge hwege, me ha, ka habe, Ekölö Than Iehova! u me he ka bi obiny ka je kolon Isaraela?

Ezekiela 20:17

Ke so bi oge me wâ betenge gadra me ca ohiʼ ödra, ke oge me ca oumi ödra hnyi hnyebuba.

Ezekiela 33:28

Ke oge me he ka oba wan hnyei me me hnân lâiâ, kʼ ame he ka um dö hmanenanginy maniny man; kʼ ame he ka ba wan je bucen Isaraela, ke ba at ame he ka vheno.

Ezekiela 6:14

Ke oge me he ka hai hnyamok hudra me oba wan hnyei me wia ka hnyot, hwân hnyi hnyebuba hnyi Dibela, hnyi je hnyabadra hia: ke ame he ka khanʼ ödra a inya Iehova.

Levitiko 26:31

Ke oge me be ka obâ aten anyibun je taun, me ohia je dok a kabibun, ke oge me ca he ka hnulâ bunen anyibun je ûnyi ae bo so.

Levitiko 26:44

Ke so bi eja ke ne a ne helâe, ke ka odrin bi hnyi hnyei iny je iwahnaihmiony mödrin, me oge me ca he ka digic odrin me hûköti odrin, me ti ohiʼ odrin, me thu hnok hna ûhihinyköu mödrin: anyin a inya Iehova Khongudrin:

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.