Jeremia 4:24 - Iaai Bible 1901 (New Caledonia)

²⁴ Oge me wâ je bucen, ke wâ bi, adre me öbubuny, ke haba je hut hia adre me jijing.

Jeremia 4:24 ပူးပေါင်းရင်းမြစ်များ

I. Je Than 19:11

Haba e ame ha, ka habe, He thö ka tot hon bucen hnyi hnyimakö Iehova. Ke wâ bi Iehova ame he, ke haba ang ae gan ke hwege ame ohmouca je bucen, me thö je kic hnyi hnyimakö Iehova; ke e biö Iehova hnyin ang: ke hwiöi hwaban ang, ke e hiö Iehova hnyin hwiöi:

Salamo 18:7

Ke ame bwebwet me öbubuny hmeledrany, Ke memeny dö minya taben je bucen, Ke okokok ut, anyin a e hmonyin.

Salamo 77:18

E hnyi höu hwan ânyâm than; Je hucuce adre me öumumelamâ hmeledrany: Ke hmeledrany ame öbubuny me bwebwet.

Salamo 97:4

Ame umumelam hmeledrany ge anyin ta je hucuce: A wâ but hnen hmeledrany me öbubuny bi.

Esodo 19:18

Kʼ ame sâ bucen Sinai hia, anyin a Iehova ame ut hnyin meic kâ e: kʼ ame ölö görany ai sân helâ me sân inyâ ji: kʼ ame ûk hwege bucen hia.

Isaia 13:13

Anyin a wale oge me he ka oöbubunâ je drany, ke ame he ka jijingâ hmeledrany ûnyi hnyi hnen e, hnen hmonyin ga Iehova tuhan sabaoth, me hnyi bonginy anyin wathethot ae kahwa.

Isaia 24:20

Ame he ka he ta tot hmeledrany helâ me at ae monu ge grâg; me bwebwet helâ me uma menâ; kʼ ame he ka hmak hon e je hna hanyâûâ, me ame he ka ta, kʼ ame ca he hmetu bi ka tot.

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Jeremia 8:16

Ame o but ûheny Dana hwan hna menâ hwege hnen haleny je hors: ame tha öbubuny hnyei hnyi ûkukuiny anyin tavat hwege, ke adre me o me an hnyei me ta je ûnyi hia hnyin: taun me tavat adre me labā e.

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Ezekiela 38:20

mʼ adre me he ka öbubuny ge hnyimakök ta je wâ eû hnyi köiö, me ta je meno ame gâ ethö, me je menoiny hnyot, me ta je ûnyi hia ame iyâû wale adre me iyâûâ kânâ, me tavat hia hon kânâ, kʼ ame he je bucen ka kolu, kʼ ame he ka ta je dok ae hwatapkolu, kʼ ame he je hna up veto hia ka ta hnyikânâi.

Mika 1:4

Me ame he je bucen ka köiö hnyi hmelen, kʼ ame he ka hmouca hnyigöulen je bucen, helâ me wasu hnyi meic, ke helâ me köiö ame hingölö hnyi dok ae hwatapkolu.

Habakuka 3:10

Haba je bucen adre me ô u, me ot; Ame be but hwegeiny di: Ame mea dok ae dit, Me hinôbeny goranyai.

Habakuka 3:6

E ame tot me tuluto hmeledrany; E ame bwele me oveseâ ta je hnyei: Ke adre me oveseâ je bucen kâû adrem, Kʼ ame nom ju je hut kâû ehac; E kueny jut deny ta je gethen.

Hna Omanenâ 6:14

Ke adre me vhec dö drany helâ me tusi adre vhec; ke adre oc hia ta je bucen me je bomene ûnyi hnyi hnen bi.