Jeremia 4:22 - Iaai Bible 1901 (New Caledonia)

²² Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Jeremia 4:22 ပူးပေါင်းရင်းမြစ်များ

Genese 39:16

Ke momo ame ip ju ûkhaûen ke ne o but ame o tuhan ka hnyi hnyaban.

II. Samuela 13:3

Ke e hu ihumi Aminona, Jonadaba ien, nöku Simea, liamekeiny me Davita: ke at metâ Jonadaba.

Salamo 36:3

E kong me iyawö ta je hofuc ûnyi hnyi hnyimen: E ame ca metâ hmetu me ânyâ so.

Salamo 36:4

E ame ûnykûme ûokonguny hon hnen hna mokut; E ame labö vheno gethen ae ca so; E ame ca ikiki ge monu.

Salamo 53:4

Hawa, e ba hnyekudra tavat adre me ânyâ hulo? Wale tavat adre me an lakeik helâ me hna an jeû, Me ca hongot bi ka Khong.

Salamo 82:5

E ca khanʼ ödra, ke ca wâhmakhmeto bi; Adre me ngenu hnyi menekholom: Ame bwebwet hia thö je taben hmeledrany.

Ta je Vejec 28:5

Haba tavat ae kong, me adre me ca wâ hmakhmeto bi hna owisa: Ke haba tavat adre me elom Iehova me adre me wâ ûnykûme hia.

Isaia 1:3

E khana but bolok at a haleny e, ke e khana but asina taben han ûnyi ge tuhan: ke ca khana Isaraela bi, kʼ ame ca ûnykûme bi lakeik.

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Jeremia 10:8

Ke ödra tavat a hwakecin meno me monu hia: haba hna ûnö hnen je hnatheat wale thibi e a hnyiban utö.

Jeremia 13:23

Hawa, e khana at Aithiop he ka wia unen unyin, me lepad, hna bi hnahlimen unen? awe, e khanʼ öbun he ka ânyâ so, wale tavat adre me khenen he ka ânyâ hulo.

Jeremia 2:8

Haba tavat bihut adre me ca ha ka habe, Ewa Iehova? ke haba tavat adre me huliwan hnanyibu, me ca khanʼ ödra inya; ke haba tavat musi adre me ûkhin fuc mönya, ke haba je perofeta adre me perofeta ga Baala, me hnu hoton ta je ûnyi ae ba troban.

Jeremia 4:21

Oge me he ka wâ boûdila ke ne o but kehö, me long ifucin trutru?

Jeremia 5:21

Long ju hofuc walang ang tavat ae monu me ba hnyekudra: tavat ae hu li ecmak, kʼ adre me ca wâ bi; e hu li hnyiköny kʼ adre me ca long bi:

Jeremia 5:4

Me oge me ha, ka habe, Ame ne ta je theduoc ang: adre me hwen monu; anyin ae ca khanʼ ödra bi gethen de Iehova, me hna owisa hnen Khongudrin:

Jeremia 9:2

E na hu ju gak hnyi hnyebuba omtabaga wale hna menâ hnen tavat adre me he, me inye he bi ka hna lakeik, me he digic ödra! anyin a ödra hia thithö tavat bi ûnyi monu ûkhacaköu anyin tavat iyawo.

Jeremia 9:3

Ke adre me lau je bohmödra helâ me anyidra je cafana hnân thoi; ke adre me hwege hnyi hnyei ke ca hnân bi hnathu: anyin adre me ogânâ tilâ anyidra hulo, ke ca khanʼ ödra inya haingö Iehova.

Jeremia 9:5

Ke adre me he ka ve iyawâ je lahanödra, me ca ha bi hnathu; adre hia but nâ je bohmödra he ka fuc thoi; adre sënyin dut anyin ânyâ hwakecin ae kong.

Ezekiela 16:30

Nakaem ge sënyin hnyi hnyekom, haingen Than; Iehova, anyin u me ânyâ ta je ûnyi hia eling, huliwa anyin momo ae hwege hnyimen, at ame bi ûnyi monu;

Hosea 4:1

LAKON Isaraela lö, löng ju hofuc ho Iehova: anyin ae hu ivino anyi Iehova me aten hnyei, anyin ae ba hnathu, me ibetengiö, ke ca khanʼ ödra bi Khong hnyi hnyei.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Hosea 5:4

Haba anyidra ta je huliwa ame ovheli ödra he ka hmetu ka Khongudrin: anyin a e unyidra weny he ka bi ûnyi monu, ke ca khanʼ ödra but Iehova.

Amosa 3:10

Anyin e ca khanʼ ödra he ka ânyâ ûnyi ae ûcû, tavat adre me ûkhöûnâ ûokonguny me hna söh hnyi umödra je uma ae hmanenang, haingo Iehova.

Mika 2:1

EKÖLÖ ge tavat adre me ûnykûme monu, me ânyâ hulo hon hnödra je hna mokut, adre me ânyâ e hnyi haolany anyin ae metâ kodra.

Mika 7:3

Adre me inâ li hnyamödra ka hnyi ûnyi ae kong he ka ie ânyâ; ame hnei hwaban hnen taben me at owisa; ke haba at ae gan, me e ame ha ûokonguny: eû hnyi hnyekon: ke adre me tha hwâwâ helâe.

Luka 16:8

Ke haba than ame haisoâ athnyabainy ae ca wisa, anyin a e ame ânyâ metâ: anyin ae metâ but aten hmeledrany unyin anyidra dö hon tavat a aten melam.

Ioane 16:3

Ke adre me he ka ânyâ ta je ûnyi e anyin ae ca khanʼ ödra inya me Kamen.

Roma 1:22

Adre me ka ohobeluâ anyidra bi metâ, me adre me monu but,

Roma 1:28

Ke ca wedra he ka wâhmakhmetoâ Khong, me haba Khong ame hnʼ ödra but he ka hwali hnyi je hnyekudra, mʼ adre me he ka ânyâ ta je ûnyi ae ca ûcû;

Roma 16:19

Anyin ame lung hnobun hna ûling unyin tavat hia thithö. Anyin a wale inya oge me senyin gabun: ke e wek bi, a e so öbun e metâ but hnyi ta je ûnyi ae so, me ca khanʼ öbun ta je ûnyi ae kong.

Roma 3:11

E ba at ame wâ ûnykûme, E ba at ame elâm Khong;

I. Korinito 14:20

Hnyat me lakeiny lö, ca hnyok wainkong bi Öbun hnyi ûnykûme: ke so bi hnyok mendreng hnyi ûokonguny, ke hnyok at hnathu but hnyi ûnykûme.

Deuteronomi 32:28

Anyin a ödra hnyei ae ba ûne, Ke ba metâ unyidra.

Deuteronomi 32:6

Hawa, öbun e bi hwaban kö Iehova helâe, Hnyei ae monu, ke ba metâ? Hawa, ca kâmâm bi at ame ûcû u? E ame up u, me otilö u.