Jeremia 4:18 - Iaai Bible 1901 (New Caledonia)

¹⁸ Hnen dem je gethen me hnâm hna ânyâ hna ohwâdâ köu ta je ûnyi eling; wale ânyâm hulo: anyin ae hiny e; ame o but ka hnyi hnyekom.

Jeremia 4:18 ပူးပေါင်းရင်းမြစ်များ

Salamo 107:17

Adre me ovecâ tavat ae monu can hnödra hna hanyâûâ, Me can anyidra ta je monu.

Ta je Vejec 1:31

Anyin a wale adre me be ka an wan hwakecidra bi, Kʼ ame he ka sekudra hnen anyidra bi bihihwakecin.

Ta je Vejec 5:22

Ame he ka hnok at ae kong hnen hwakecin bi ae kong, Ke adre me he ka noc e ge je toiny bi anyin hulo.

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Jeremia 14:16

Ke haba tavat ödrin e perofeta ködrin, adre me he ka khûʼ ödra ka hnyi je getheniny Jerusalema can hmiâ me hele vat; ke ba at ame he ka konim ödra, ödra, me laöiödra, me lakûdra obaga me wahlu: anyin oge me he ka hingâlâ hudrin hwakecidrin bi ae monu.

Jeremia 2:17

Hawa, u je ca ânyâ hobi köu bi, hnyi hnâm hna digic Iehova a Khongom, waleji hnyi ûen e ame su u eû hnyi gethen?

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 26:19

Hawa ga Hezekia than Juda me at Juda hia, adre me hlingâ e? hawa, e ame ca outö Iehova, me khöû kö Iehova, ke haba Iehova ame ietra hulo waleji e ame ha gadra? Ate me ne ânyâ hulo ae gan hmâ köta bi.

Jeremia 5:19

Ke öbun e he ka ha, ka habe, Anyin a ieû Iehova Khonguta ame ânyâ köta ta je ûnyi hia eling? u me he ka thu kodra, ka habe, Anyin a öbun e digic nya me bi athnyaba: ka je khong kanyua hnyi ibun hnyei, awe helâe öbun e he ka bi athnyaba ka je atkanyua hnyi hnyei a ca ibun bi.

Jeremia 5:25

Hnen hwakecibun ae kong hna ohavâ bi ta je ûnyi eling ke hnen anyibun je hulo hna thelöng so.

Jeremia 6:19

Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Je tenge anyi Jeremi 3:15

E ame hia but öunöngöti nya ge ûnyi ae hiny me osekuni nya ge khökhö-long.

Ezekiela 39:24

Oge me ânyâ kodra hoton anyidra bo kong, me hnödra hna hanyâûâ; me oge me ikhâlâ hnyimakök gadra.

Hosea 7:2

Ke adre me ca ûnykûme bi hnyi je hnyekudra, a inya oge me ûnykûme ta je hwakecidra hia ae kong: ke walang ang ame theling ödra hnen bi anyidra ta je huliwa; ke e bi hnyi hnyimakök.