Jeremia 4:16 - Iaai Bible 1901 (New Caledonia)

¹⁶ ha thö ka ta je hnyei: wâ bi, haimemenâ thö ka Jerusalema, a ame he jem tavat tue ûheny hnyi hnyei ae sâkâû, me kuku goranyai ka hnyi je tauniny Juda.

Jeremia 4:16 ပူးပေါင်းရင်းမြစ်များ

Isaia 34:1

ÖBUN ta je hnyei lö, hakekeny dö he ka long; ke öbun tavat, tevehlöng ju: e so ame he hnyei me unöngötiny ka long, me hmeledrany minya me ta je ûnyi hia ame kû hnyin.

Isaia 39:3

Me haba Isaia perofeta ame he kö Hezekia than me ha kâu, ka habe, Ieû hna ha hnen tavat e? ke ûhedrin ua köu î Me Hezekia ame thu ka habe, Ûhedrin hnyi hnyei ae sâkâû ka o könya, wale Babulona.

Jeremia 1:15

Anyin a wâ bi, inya oge me he ka hawâ ta je lap hia hnyi dokhu ûnyi hnyi hwadro, haingö Iehova: ke adre me he ka he jem, me ve otilâ anyidra je theron hnyi je homagouleny Jerusalema, me cicö hna up haginy hia igigilo, me cicö je tauniny Juda hia.

Jeremia 16:6

Ke ame he tavat ae gan me tavat ae ûhnyûkong ka mok hnyi hnyei ang: adre me ca he ka konim ödra; ke ame ca he tavat ka tenge gadra, ke adre me ca he ka thamuö hwadrak ny, me ohadreûâ, adre me ânyâ hnyi hnyamok;

Jeremia 2:15

Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Jeremia 31:10

Je hnyēi lö, löng ju hofuc ho Iehova, ke haimemenâ thö e hnyi je bomene ae sâkâû: me ha, ka habe, Haba at ame ovesei Isaraela ame he ka ûkhacaköu ödra hmetu, me tuʼ ödra, helâ me at ame tuö haleny hnahat mamoe.

Jeremia 39:1

KE haba hnyi ûen adre kot Jerusalema, (hnyi huna a naini Zedekia than Juda, hnyi tehi a teniny ame o but Nebukaneza than Babulona me anyin utbavat hia ka Jerusalema me igigilo e;

Jeremia 4:17

Adre me he ka tot igigilo e, helâ me tavat hmâkâ ta hnyei; anyin a e ame ûkhin fuc mönya, haingö Iehova.

Jeremia 5:15

Wâ bi, oge me he ka hom tavat ûnyi hnyi dok ae sâkâû köbun, lap anyi Isaraela, haingö Iehova: hnyei ae hwege, hnyei kâû adrem, hnyei ae ca khanö u hwan idra, ke u me ca wâhmakhmetoâ bi ifucidra.

Jeremia 5:6

Anyin a wale ame he liona ûnyi hnyi hnyot ka hlingʼ ödra, ame he lukoiny sahac ka sei ödra, ame he lepad ka tuö anyidra je taun, ame he ka oloû usukiʼ ödra tavat adre me didrut ûnyi hnyi hnyin: anyin a ödra ibi ose ûkhin fuc, ke ödra ose hia kolu.

Jeremia 50:2

Haimemenâ thö unyin ta je hnyei me omanena thö, me otilâ thö ke haten; omanenâ thö, ke ca ikhâlâ bi: ha thö, ka habe, Adre hûgûnâ Babulona, a hmehma but Bel, e hlohlo but Merodaka; e hmehma but anyin je hnatheat, e hlohlo but je idolainy.

Jeremia 6:18

Anyin a wale löng ju öbun ta je hnyei, ke haba öbun tavat öbun e ûkhacaköu, khanʼ öbun dö ta je ûnyi gadra.

Jeremia 6:19

Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Jeremia 6:22

Walang hna ha hnö Iehova, ka habe, Wâ bi, ame he ka o tavat ûhedra hnyi hnyei hnyi hwadro; ke adre me he ka obwebwelâ ke hnyei ae gan ûnyi hnyi je can hmeledrany.

Jeremia 6:23

Adre me hok cafana me ö; ödra tavat beöveci, me ca betenge; ame û ifucidra helâ me köiö, ke adre me tabâ je hors; adre me ve tot metâ hia, helâ me tavat ka hnyi vat, ûcom, hluiny Ziona.

Jeremia 8:19

Wâ bi, ûtengien hluiny ik hnyei ûnyi hnyi hnyei ae sâkâû: hawa, ca e bi Iehova hnyi Ziona? ke ca e bi ling thaniny? anyin a ieû adre hia but ohmönyini nya ge anyidra je hnatheat, me anyidra ta je ûnyi baû a je atkanyua.

Ezekiela 21:22

E hnyi hnyamen a metân he ka bi khong ge Jerusalema, he ka ip je ûnyi vat hnân thö, he ka bi hwanumen hnân ûhlingö, he ka ohwegiâ hwakuku, he ka ip je ûnyi vat hnân thö hnyi je homagöule, he ka okhibö kânâ, me ok je tap tue.