Jeremia 4:1 - Iaai Bible 1901 (New Caledonia)

¹ ISARAELA lö, u je ne he ka hmetu, u me he ka hmetu bi könya, haingö Iehova; ke u je ne he ka degec ûnyi hnyi hnyimakök je ikikiâm, u me ca he bi ka he monu:

Jeremia 4:1 ပူးပေါင်းရင်းမြစ်များ

Genese 35:2

Ke Jekob ame ha ka anyin lap, mʼ ödra hia a tha e më, ka habe, Hna but ta je hnatheat kanyua unyibun, me obosoi öbun, me khaû ju öbun:

II. Je Than 23:13

Ke haba je dok ae görany cicö Jerusalema hnyi ke keihen metân buceniny hnaûhango, waleji a ânyâ Solomona than Isaraela hobi kö Aseira ûnyi ae ikiki anyin at Zidona, me hobi kö Kemosa ûnyi ae ikiki anyin at Moaba, me hobi kö Milekoma ûnyi ae ikiki anyin je laku Amona, me haba than ame oikikiâ.

II. Je Than 23:24

Ke haba tavat a ödra tren biobotkong, me bi khong, me je terafi, me je idola, me je ûnyi hia ae ikiki adre me wâ hnyi hnyei Juda, me hnyi Jerusalema, me, Josea ame ohia, me me he ka ohwâdâ je hofucin hnanyibu adre sihnalimen hnyi tusi a wâ Hilekia at bihut hnyi uma umo Iehova.

II. Man Ûlabainy Je Than. 15:8

Ke a hia but Asa long je hofuc eling, me hna perofeta hnö Oded a perofeta, me e ame hwege me ohia ta je ûnyi ae ikiki ûnyi hnyi hnyei Juda me Beniamina hia, me je taun e ame hûgûnâ hnyi hnyei ae hut hnyi Eferaima; ke a ame ânyâwia taben hut anyi Iehova, cicö poretiko anyi Iehova.

II. Man Ûlabainy Je Than. 33:8

ke haba khaca, oge me ca he hmetu ka khöbe at Isaraela ûnyi hnyi hnyei waleji oge ham ka je lakamöbun; ödrin e ne he ka wâ wia thibi he ka ânyâ hia hnok hna hûna ködrin, wale hnanyibu hia, me je hna otilâ, me je hna owisa a deny Mose.

II. Man Ûlabainy Je Than. 34:33

Ke haba Josea ame ohia ta je ûnyi ae ikiki hnyi ta je hnyei iny lakon Isaraela, kʼ ame musi ödrin hia adre me wâ hnyi Isaraela he ka bi athnyaba, wale he ka bi athnyabai Iehova Khongudrin. Ke haba hnyi bongon je bong hia ödrin e ca saû, kʼ ödrin e hnu hotu Iehova, Khongon lakamödrin.

Isaia 31:6

Lakon Isaraela lö, hmetu ju öbun kâu, waleji öbun e ti hna degecâ.

Jeremia 15:19

Anyin a wale, walang hna ha hnö Iehova, ka habe, U je ne he ka hmetu, me oge me he ka hum u, ke u me he ka tot hnyi hnyimakök: ke u je ne he ka oc ut ûnyi ae ûnyi hnathu ûnyi hnyi ûnyi ae ikiki, u me he ka helâ me hnyimök: adre me he ka hmetu köu, ke u me ca he ka hmetu kodra.

Jeremia 15:4

Ke oge me he ka hnʼ ödra ka hnyi hlohlo hnyi ta je dökhu hia eang hmeledrany, jöni Manase nöku Hezekia than Juda, can hnen hna ânyâ hnyi Jerusalema.

Jeremia 18:11

Ke walang ang, he thö ka ha ka at Juda me aten Jerusalema, ka habe, Walang hna ha hnö Iehova, ka habe, Wâ bi, oge me he ka penapena ûnyi ae kong hobi köbun, me ûnykûme hna ûnykûme he ka ânyâ köbun: ve hmetu ju öbun walang ang ûnyi hnyi debun ta je gethen ae kong, ke osoâ but debun je gethen me anyibun ta je huliwa.

Jeremia 24:9

ke oge me be ka hnʼ ödra mʼ adre me he ka lili ödra monu ödra hnen ta je dokhu hia eang hmeledrany; mʼ adre me he ka hnân haikongoâ, me taben ûhiö me hlumâ, me hangâ hnyi ta je dok hia thithö oge me he ka obʼ ödra ka hnyin.

Jeremia 25:5

Haingodra, ka habe, Ve hmetu ju öbun ûnyi hnyi debun ta je gethen ae kong, me ûkonginy anyibun ta je huliwa, me öbun e he ka labā hnyei a ham köbun Iehova, me lakamöbun kâû ehac, ke ne o but nyiele balua:

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 3:12

He thö me ha ta je hofuc ang hnyi ke keihen hnyi hwadro, ka habe, Hmetu ju u Isaraela, at ame labö kolu, haingö Iehova; oge me ca he ka ōʼ bun hnyi hmonyin; anyin a inya at ibetengiö, haingö Iehova; oge me ca he ka ip hmonyin nyiele balua.

Jeremia 3:14

Öbun na hmetu ju, öbun tavat labö kolu, haingö Iehova; anyin a iny helâ me âiân köbun: ke oge me he ka hum öbun, ûsa khaca ûnyi hnyi taun, ke ûsa lo ûnyi hnyi lap, me hum öbun Ziona ai:

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Jeremia 36:3

Ame ne he la lap anyi Juda ka löng ge ta je ûnyi hia ae kong waleji oge me ûnykûme he ka ânyâ ködra; mʼ adre me he ka ve hmetu ûnyi hnyi dedra ta je gethen ae kong; mʼ oge me he ka hna anyidra monu me hulo.

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Jeremia 7:3

Walang hna ha hnö Iehova tuhan sabaoth Khongu Isaraela, ka habe, Ânyâwia wia thö debun je gethen, me je hwakecibun; me oge me he ka olabʼ öbun hnyi dok ang.

Jeremia 7:5

Anyin a öbun e ne ti ânyâwia debun je gethen, me je hwakecibun; öbun e ne ti owisa ka ke at me ke at;

Jeremia 7:7

awe, oge me he ka olabʼ öbun hnyi dok ang hnyi hnyei waleji oge ham ka lakamöbun, ke ne o but nyiele balua.

Ezekiela 11:18

Ke adre me he ka he kâe, me degec e je ûnyi ae ikiki me kong hia.

Ezekiela 18:13

ke ame me ham mone ûnyi ge hwaban, ke ame hok hanen: hawa, e ame he ka möt? e ame ca he ka möt: e ame hia but ânyâ hia ta je ûnyi ae ikiki: e hnathu e ame he ka mok; ame he ka takoû e bi hnen dren.

Ezekiela 43:9

Walang ang, e so adre me degec sâkâû ai gak, anyidra bi ûnyi monu, me je unyin latuhödra ae mok, ke oge me he ka laba unyidra nyiele balua.

Hosea 14:1

ISARAELA lö, hmetu ju kö Iehova Khongom; anyin a u je ta but ge ânyâm hulo.

Hosea 2:2

Ivino thö me hinyöbun, ivino thö; anyin a ca öiök ut e, ke ca âiân dut inya: ke so e ame degec anyin bi ûnyi monu ûnyi hnyi hnyimakan, me hnen hna venöu hnyi wanben li basin;

Hosea 7:16

Adre me hmetu ke ca kâu bi ethö gorany; ödrin ûcû me cafana ae iyawo; kʼ ame he anyidra je taben ka ta ge hele vat can ae hwege ifucidra: wale hnân hlumʼ ödra hnyi hnyei Aigupito.

Joela 2:12

Ke so bi, haingo Iehova, ka habe, Walang ang hwio thö könya ge je hnyekubun ae bekhot, me ânyâ ca han, me tenge, me tenge thungaû:

Zakaria 1:4

Ca he öbun ka helâ me lakamöbun waleji adre me hongot ka ta je perofeta kâû adrem, me ha, ka habe, Walang hna ha hnö Iehova tuhan sabaoth, ka habe, Hmetu ju öbun walang ang ûnyi hnyi debun ta je gethen ae kong, ke anyibun je huliwa ae kong: ke adre me ca long bi, kʼ adre me ca tevehlöng könya, haingö Iehova.

Deuteronomi 27:15

Hnaûhangö at ame bi hnatheat adre sö adre me ne oköiâ, kʼ ame otilâ duöngâ, e hûkötianö Iehova huliwainy hnyamen at tretrau. Ke ame he tavat hia ka thu me ha, ka habe, Amen.

Deuteronomi 4:30

Ke ka o köu vec, kʼ ame ne aat köu ta je ûnyi hia eling, me u me he ka hmetu kö Iehova Khongom hnyi je bong a biliny, me löng hoton hwan hofuc;

Josua 24:14

Ke walang any ot ju kö Iehova, me bi athnyabainy ge hnyok me hnathu minya: ke degec ut je khong wale a athnyabainy lakamöbun hoton Wagewe me e Aigupito; ke bi athnyabai Iehova.

Owisa 10:16

Me adre me degec je khong kanyua unyidrin, me bi athnyaba kö Iehova, ke e ame tenge ge vec anyin at Isaraela.

I. Samuela 7:3

Ke Samuela ame ha ka lap anyin at Isaraela hia, ka habe, Öbun e ne hmetu kö Iehova me hnyekubun a khaca, awe, degec ut je khong kanyua me Aseira unyibun, me penapena je hnyekubun kö Iehova, me bi athnyaba thibi kâu: ke e ame he ka omeli öbun ûnyi hnyi hnyamen at Filisiti.