Jeremia 39:8 - Iaai Bible 1901 (New Caledonia)

⁸ Ke haba at Kaledaia adre me thong uma umen than, me je uma umen tavat ge meic, me kia hna up haginy Jerusalema.

Jeremia 39:8 ပူးပေါင်းရင်းမြစ်များ

II. Je Than 25:8

Ke haba hnyi tehi a thabûnginy, hnyi bong a seveniny tehi, wale huna a naintini Nebukaneza than, wale than Babulona, me ame o but Nebuzaradana taben tavat tue, athnyabainy than Babulona, Jerusalema ai:

II. Man Ûlabainy Je Than. 36:19

Me ödrin e thong degecâ uma umen Khong, me thö degecâ hak veto hnyi Jerusalema, me thong degecâ ge meic je uma umen than, me okongoâ hia je kaiainy ae so.

Nehemia 1:3

Ke haingödrin könya, ka habe, Haba je kolon adre me möt ûhedrin hnyi hna bâ hnyi ke keihen hnyei eling, me gan hmâ vec me hna haikongu ödrin: ke adre hia but kia hna up haginy Jerusalema, kʼ adre thong degecâ je hlinginy homagouleny.

Salamo 79:7

Anyin adre hia but ön Jekob, Me kia degecâ bi hnyaban.

Isaia 5:9

Ame ha Iehova hnyi li hnyikönyök, ka habe, E hnathu ame he ka ba onyen ta je uma ae se, je uma ae gan me hmanenang, ke ba at ame he ka labā.

Jeremia 17:27

Ke öbun e ne ca ling nya he ka okabâ bong sabath, me he ka ca hije hok, me didro ka hnyi je homagouleny Jerusalema hnyi bong sabath; awe, oge me he ka hû meic hnyi ta je homagouleny e, ke ame he ka an je uma umen je than hnyi Jerusalema, ke ame ca he ka mok.

Jeremia 21:10

Anyin a inya oge hia but hnyimakök ka hnyi taun ang me me kong, ke ca hnân bi so, haingö Iehova: adre me he ka hna e ka hnyi hnyamen than Babulona, ke e ame he ka thong e ge meic.

Jeremia 32:29

ke ame he ka o at Kaledaia tavat adre me vat me taun ang, me thong taun ang ge meic me me hlâ, tha e me je uma wale adre me leû utö ae bo so hon kö Baala, me hingâlâ hudiny ic ka ke je khong, me adre me ohmönyini nya.

Jeremia 34:2

Walang hna ha hnö Iehova Khongu Isaraela, ka habe, He thö ka ha kö Zedekia than Juda me ha kâu, ka habe, Walang hna ha hnö Iehova, ka habe, Wâ bi, oge me he ka ham taun ang ka hnyi hnyamen than Babulona, ke e ame he ka thong e ge meic:

Jeremia 34:22

Wâ bi, haingö Iehova, ka habe, o ge me he ka hûna me ohmetu ödra ka hnyi taun ang; ke adre me he ka vat më, me hûgûnâ e, me thong e ge meic: ke oge me he ka wia je tauniny Juda, me me ba wan, ke ba at ama labā.

Jeremia 37:10

Anyin a eja ke ne öbun e ne hia but kot utbavat a at Kaledaia tavat adre me vat möbun, ke hu aat dö ge je kolon gadra, adre me he bi ka ve tot hnyi umödra je uma mano, me thong taun ang ge meic.

Jeremia 38:18

ke u je ne ca he ka je taben anyin than Babulona, me adre me he ka hna taun ang ka hnyi hnyamen at Kaledaia, ke adre me he ka thong ge meic, ke u me ca he ka kec gadra.

Jeremia 5:10

Öliâ thö je hna up haginy, me hlingâ; ke ca he bi ka ohia hia: hom but je anginy, anyin a ca je ûnyi e anyi Iehova.

Jeremia 7:20

Anyin a wale, walang hna ha hnen Than Iehova, ka habe, Wâ bi, ame he ka hingölö, but anyik hmonyin me anyik wathethot hon dok ang; hnyi hon at me hon meno, me hon je ûöiny hnyot, me hon wan kânâ; ke ame he ka ubâhlâ, kʼ ame ca he bi ka mok.

Je tenge anyi Jeremi 1:10

Haba iwahnaihmiöny ame inâ hnyamen ka hnyi anyin ta je ûnyi hia ae kese: Anyin e ame hia but wâ je wanaithila a gʼ adre me hia but dit ka hnyi anyin dok ae kap, Waleji u je ha a gʼ adre me ca he ka dit ka hnyi ânyâm ûkhacaköu.

Je tenge anyi Jeremi 2:2

A hia but Than utâ je hnyaba Jekob hia, ke ame ca betenge bi; E ame hagutâ hnyi anyin hmonyin je hnabâ anyin hluiny Juda; E ame tha ohonâ me kânâ: E ame oikikiâ dokhu me je thaniny.

Je tenge anyi Jeremi 2:7

Haba Than ame hia but hota degecâ taben hut kâu, e ame hia but ikikiâ anyin dok ae kap, E ame hia but hna ka iwahnaihmiöny umen je uma ae mec: Adre hia but mede hnyi uma umo Iehova helâ me bong ûkhacaköu ae ûnyi hnathu.

Ezekiela 16:41

Ke adre me he ka thong degecâ umâm je uma ge meic, me bi hwaban köu hnyi hnyimakan omomo ae se hia; kʼ oge me he ka thao u mʼ u me ca he hmetu ka bi ûnyi monu, ke u me ca he hmetu ka hawâ at ge hwaban.

Ezekiela 23:47

Ke ame he deö at ka lû ödru ge veto, me kuc ödru ge anyidra je hele vat; adre me he ka hlingâ je lakudru obaga me wahlu, me thong degecâ umödru je uma ge meic.

Ezekiela 33:21

Ke haba hnyi huna a twelviny bâ a ohmun, hnyi tehi a teniny, hnyi bong a faiviny tehi, ame o but könya ke at a kec möt ûheny Jerusalema me ha, ka habe, Adre hia but kot taun.

Amosa 2:5

ke oge me he ka kunâ meic hon Juda, kʼ ame he ka thong degecâ je uma umen than hnyi Jerusalema.

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.