Jeremia 39:5 - Iaai Bible 1901 (New Caledonia)

⁵ Ke haba utbavat anyin at Kaledaia adre me hnu ödra me khöû Zedekia hnyi dok ae tha hon hnyi Jeriko: ke adre me kât e me hom kö Nebukaneza than Babulona hnyi Ribela hnyi hnyei Hamath, ke e ame owisa gan.

Jeremia 39:5 ပူးပေါင်းရင်းမြစ်များ

II. Samuela 8:9

Ke a long ut Toi than Hamath a Davita ame kot utbavat hia anyi Hadadeza,

II. Je Than 17:24

Ke haba than Asuria ame hom tavat ûheny Babulona, me Kutha, me Ava, me ûheny Hamath me Sefaravaima, me ip ödrin hnyi je tauniny Samaria hwaban lakon Isaraela: me ödrin e labâ Samaria, me laba hnyi je tauniny.

II. Je Than 23:33

Ke haba Farao-neko ame ca e hnyi Ribela hnyi hnyei Hamath, me me ca he ka musi hnyi Jerusalema; me e ame kunâ tavat he ka fat khaca haded je talan sileva, ke khaca talan gol.

II. Je Than 25:6

Ke Ödrin e kât than me hom e ka than Babulona Ribela ai; ke ödrin e owisa kâu.

II. Man Ûlabainy Je Than. 33:11

Anyin a wale haba Iehova ame oâ ködrin ie taben vat anyin than Asuria, me ödrin e hum Manase ge je cen, me ca e ge fao, me hom Babulona ai.

Isaia 22:3

Adre tha kec hia latuhâm, adre cʼ ödra ge tavat hlic fana: adre tha cʼ ödra hia adre me wâ gam, adre kec sâkâû ai.

Jeremia 21:7

Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Jeremia 24:8

Ke haba je wan meta ae kong, ke ca hnân han anyin ae kong: E hnathu, haingö Iehova, oge me he ka hnö Zedekia than Juda helâe, me anyin je taben, me je kolon hnyi Jerusalema, je kolon tavat aten hnyei ang me tavat adre me laba hnyi Aigupito:

Jeremia 38:18

ke u je ne ca he ka je taben anyin than Babulona, me adre me he ka hna taun ang ka hnyi hnyamen at Kaledaia, ke adre me he ka thong ge meic, ke u me ca he ka kec gadra.

Jeremia 38:23

Ke adre me he ka hom je lââiâm me je lakom ka at Kaledaia: ke u me ca he ka kec gadra, anyin ame he ka kot u hnen than Babulona: ke u me he ka thong taun ang ge meic.

Jeremia 4:12

ame he ka o hobi könya ang ae hwege ûheny e: ke walang ang oge me he ka ha je hna bi hwaban kodra.

Jeremia 44:30

walang hna ha hnö Iehova, ka habe, Wâ bi, oge me he ka hnö Farao Hofera than Aigupito ka hnyi hnyamen ta je iwahnaihmiony më, me ka hnyi hnyamen tavat adre me elâm he ka hlingâ e; helâ me hnok hna hnö Zedekia than Juda ka hnyi hnyamö Nebukaneza than Babulona, a iwahnaihmiony më, ke at ame elâm he ka hlingâ e.

Jeremia 49:23

Ge Damaseko. Ame hmehma but Hamath me Arefada; anyin adre me hia but long je uthumetu ae kong, kʼ ame oaû ödra but: e bi hlöuhlöu hon köiö, ke ca khana bi he ka ta hau.

Je tenge anyi Jeremi 1:3

A bâ but Juda can ûöveci me huliwa ae hmak; E ame laba unyin je ethen, kʼ ame ca wâ bi hna menâ: Haba tavat hia adre me ovecâ e, me adre me khaû e hnyi dok ae hnek.

Je tenge anyi Jeremi 4:20

Haba hna menû hnyi je hnyingöihmun, wale a hû Iehova, me ame didrut hnyi anyidra je thop; Waleji at ohmun e ha gan, ka habe, Ohmun e he ka mot unyin je hnyei hnyi hmelen hmenon.

Ezekiela 23:24

Ke adre me he ka o köu me je ûnyi hnân vat, me je kariota, me je kat, me je bunyen ae gan; adre me he ka igigili u, me je bec ae gan, me bec, me hnabinybak vat: ke oge me he ka hna kodra he ka bi hwaban, ke adre me he ka owisa gam hoton hnödra bi hna owisa.

Habakuka 1:7

Ödra tavat hnân outen me öbubuny gadra: ame ka o bi gadra hna owisa me hmanenangidra.

Numera 13:21

Ke ödrin e ölö thö me ecmâkâ hnyei hwân hnyi hnyebuba Zine ke ne o but Rehoba, ke ne o but hnyi gethen ûheny Hamath.

Josua 13:5

me hnyei iny at Gebali, me Lebanona hia, hnyi hna o hnen seûno, hwân hnyi Baala-gada hmelen bucen Heremona ke ne o but hnyi gethen ame didro ka hnyi Hamath:

Josua 4:13

Ame ne fâte thauzan adre hia but penapena hnân vat adre me hanyââû hnyi hnyimakö Iehova, he ka vat, ka hnyi je dok ae tha hon hnyi Jeriko.

Josua 5:10

Ke ame hunuma hnyi Gilegala, lakon Isaraela; ke ödrin e ânyâ paseka hnyi bong a fortininy tehi hnyi sahac, hnyi dok ae tha hon hnyi Jeriko.

Owisa 3:3

walang faiv ta than Filisiti, me at Kanana hia, me at Sidona, me at Hivi adre me labā bucen î Lebanona, hwân hnyi bucen Baala-heremona ke ne o but hnyi gethen ame didro ka hnyi Hamath.