Jeremia 39:4 - Iaai Bible 1901 (New Caledonia)

⁴ Ke a ō ʼdra but Zedekia than Juda, me tavat vat hia, me adre me kec me he hnyi hnyinghet, ûnyi hnyi taun, hnyi gethen ûheny hnyi utkânâ iny than, hnyi homagöule wanben li hak veto: ke e ame vheno gethen ûheny hnyebuba.

Jeremia 39:4 ပူးပေါင်းရင်းမြစ်များ

II. Man Ûlabainy Je Than. 32:5

Ke e ame hwege me op haginy veto hia a û, me obeûâ goranyai ke ne o but ka hnyi je tap ae beû goranyai, me ke haginy waleû hoton, kʼ ame ohwegiâ Milo hnyi taun anyi Davita, kʼ ame ânyâ je ûnyi hnân vat me je bec ae se hia.

Isaia 22:11

Öbun e op minya an wanben li hna up veto hobi kâu köiöiny an a kâû adrem: ke öbun e ca ûnykûme ge at a ânyâ, me ca ûnykûme wia ge at tibet e kâû adrem.

Isaia 22:3

Adre tha kec hia latuhâm, adre cʼ ödra ge tavat hlic fana: adre tha cʼ ödra hia adre me wâ gam, adre kec sâkâû ai.

Isaia 29:2

me oge me he ka ovecâ Ariela, ke ame he ka hu hlöuhlöu me tenge: ke e ame he ka hing Ariela könya.

Jeremia 32:4

ke ame ca he bi Zedekia than Juda ka kec ge at Kaledaia, ke e hnathu adre me he ka hna e ka hnyi hnyamen than Babulona, ke ödru me he ka ifucköu me iohnyimak;

Jeremia 32:5

ke e ame he ka lili Zedekia Babulona ai, ke e ame he ka laba eling ke ne o but hnyi ûen oge me he ka senâ e, haingö Iehova: eja ke ne öbun e ne vat me at Kaledaia, öbun e ca he ka hwege.

Ezekiela 12:12

Ke haba than unyidra e ame he ka vadren hon abenyin hnyi lit, me didrut: adre me he ka thö moko hna up uma, he ka sukhöûnâ hnyi gethen e: e ame he ka tube hnyimakan me me ca wâ bi kânâ ge ecmak.

Ezekiela 12:4

Ke u me he ka sukhöûnâ ânyâm ta je ûnyi hnyi lany hnyi hnyimakodra, helâke me ta je ûnyi hnân sukhöûnâ: ke haba u, me u me he ka didrut hnyi sahac hnyi hnyimakodra, helâke me ûhedra tavat ka hnyi ke hnyei.

Levitiko 26:17

Ke oge me he ka wâ hmʼ öbun, kʼ adre me he ka hlingʼ öbun hnyi hnyimakan je iwahnaihmiony möbun: kʼ ame he ka musi öbun tavat adre me hûköti öbun; kʼ öbun e he ka kec ke ba at ame hnu öbun.

Levitiko 26:36

Ke haba je kolon gabun, me oge me he ka okûâ ot eû hnyi je hnyekudrin hnyi je hnyei iny je iwahnaihmiony mödrin: kʼ ame he hwan lan ûö ka hnu odrin; kʼ odrin e he ka kec helâ me at ame kec ge hele vat; kʼ odrin e he ka ta ke ba at ame hnu.

Amosa 2:14

Ke ame he ka ba but hnabâ anyin at ae hâhâ can, kʼ ame ca he at ae hwege ka oâ tang hwegien, kʼ ame ca he at ae gan ka omelo e bi:

Deuteronomi 28:25

Ame he Iehova ka hnö u me me kuc u ge je iwahnaihmiony mou: u me he ka he ködra hnyi ke gethen, ke u me he ka kec hnyi hnyimaködra hnyi je gethen a seven: ke adre me he ka ûkhû-khûö u unyin je dökhu hia eang hmelen.