Jeremia 39:3 - Iaai Bible 1901 (New Caledonia)

³ me ame didro je taben anyin than Babulona, me laba hnyi homagöule eû hnyi wanben, jia Neregale-sareza, me Samegara-nebo, me Sare-sekim, a Rab-saris, me Neregale-sareza, a Rab-mag, me ke je taben hia anyin than Babulona.

Jeremia 39:3 ပူးပေါင်းရင်းမြစ်များ

II. Je Than 17:30

Ke haba at Babulona ödrin e ânyâ Sukotha-benotha, ke haba at Kutha ödrin e ânyâ Neregala, ke haba at Hamath ödrin e ânyâ Asima,

Jeremia 1:15

Anyin a wâ bi, inya oge me he ka hawâ ta je lap hia hnyi dokhu ûnyi hnyi hwadro, haingö Iehova: ke adre me he ka he jem, me ve otilâ anyidra je theron hnyi je homagouleny Jerusalema, me cicö hna up haginy hia igigilo, me cicö je tauniny Juda hia.

Jeremia 21:4

Walang hna ha hnö Iehova Khongu Isaraela, ka habe, Wâ bi, oge me he ka ohavâ je omjehen vat ae hnyi je hnyamöbun, waleji ge hnobun hna vat me than Babulona, me at Kaledaia, tavat adre me igigili öbun hoton hna up veto, ke oge me he ka ûkhacaköu ödra hnyi wanben taun ang.

Jeremia 38:17

Ke haba Jeremia ame ha kö Zedekia, ka habe, Walang hna ha hnö Iehova Khongon sabaoth, Khongu Isaraela, ka habe, U je ne he ka je taben anyin than Babulona, u me he ka mot, ke adre me ca he ka thong taun ang ge meic; ke u me he ka mot me ânyâm lap;

Jeremia 39:13

Me Nebuzaradana taben tavat tue, me Nebusazepana, a Rab-saris, me Neregale-sareza, a Rab-meg, me ta je taben hia anyin than Babulona, ödrin e kunâ;

Ezekiela 26:10

Anyin ae se hia haleny je hors me ame he ka oiyongi u ge sesâiny kânâ gadra: kʼ ame he ka öbubuny ânyâm je hna up haginy ge hwan tavat tabö hors, ke je kat, ke je kariota, e ka didro ka hnyi je homagöulem, helâ me udilidra hnyi taun adre me kia.