Jeremia 39:16 - Iaai Bible 1901 (New Caledonia)

¹⁶ He thö ka ha kö Ebede-melek at Aithiop, ka habe, Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ hok hofuc ka taun ang me me kong ke ca so bi; ke ame he ka aat hnyi hnyimâkâm hnyi bong eling.

Jeremia 39:16 ပူးပေါင်းရင်းမြစ်များ

II. Man Ûlabainy Je Than. 36:21

me me hwâdâ hofuc ho Iehova a deny Jeremia, ke ne o but ame bekhot ut ta je sabathiny kânâ: anyin a haba hnyi ta je bong ae ba aten hnyei, me wale bi e sabath, ke ne o but hnyi je huna a sevente.

Salamo 92:11

A hia but wâ minya hnen li emakök hnok hna wek ka ta je iwahnaihmiöny mönya A hia but long hnen li hnyikönyök hnok hna wek ka tavat ânyâ hulo adre tot könya.

Jeremia 26:15

Ke so bi, wâhmakhmeto ju öbun, öbun e ne he ka hlingö nya, öbun e he ka ohwâdâ dra ae ba hnyikongon hubun, me hon taun ang me tavat adre me labā e: anyin ae hnathu Iehova ame kunö nya köbun he ka ha ka hnyi je hnyikönyöbun ta je hofuc ang.

Jeremia 26:18

Haba Mika at Moresa ame perofeta hnyi bong bongu Hezekia than Juda; ke e ame ha ka tavat hia, ka habe, Walang hna ha hnö Iehova tuhan sabaoth, ka habe, Adre me he ka seû Ziona helâ me utkânâ, ke adre me he ka wia Jerusalema me me hna digic thatûnyi, me buceniny uma ka helâ me je dok ae gorany hnyi hnyot.

Jeremia 26:20

Ke hu minya ke at ame perofeta hnyi iö Iehova jia Uria nöku Semaia at Kiriatha-jarim, ke e ame perofeta ûnyi ae kong hon taun ang me hnyei ang, helâ me ta je hofuc ho Jeremia:

Jeremia 34:22

Wâ bi, haingö Iehova, ka habe, o ge me he ka hûna me ohmetu ödra ka hnyi taun ang; ke adre me he ka vat më, me hûgûnâ e, me thong e ge meic: ke oge me he ka wia je tauniny Juda, me me ba wan, ke ba at ama labā.

Jeremia 35:17

anyin a wale walang hna ha hnö Iehova Khongon sabaoth, Khongu Isaraela, ka habe, Wâ bi, oge me he ka oâ ka at Juda, me aten Jerusalema, hia ta je ûnyi ae kong waleji oge ha gadra: anyin a oge hia but fuc ködra ke adre me ca löng bi: ke oge hia but hongot ködra ke adre me ca ieû bi.

Jeremia 36:31

Ke oge me he ka bi hwaban kâu, me je mâtrâniny, me je athynabainy, can hwakecidra ae kong: ke oge me he ka oâ kodra me aten Jerusalema, me at Juda ta je ûnyi hia ae kong waleji oge ha gadra, ke adre me ca löng bi.

Jeremia 40:3

ke a hia but Iehova oâ, me ânyâ helâji me hnen hna ha; anyin a öbun e hia but ânyâ hulo kö Iehova, me ca löng hoton; ifucin, anyin a wale ame o but köbun ûnyi eling.

Jeremia 44:27

Wâ bi, oge me hmakʼ ödra mʼ adre me kong, me ca so bi: ke adre me he ka aû but hia at Juda a ödra hnyi hnyei Aigupito ge hele vat me hmiâ, ke ne o but ame ba but.

Jeremia 5:14

Anyin a wale walang hna ha hnö Iehova Khongon sabaoth, ka habe, Anyin a öbun e ha hofuc e, wâ bi, oge me he ka wia hok hofuc hnyi hnyimâm me me meic bi, ke hnyei ang, me me utö, ke e ame he ka ön ödra.

Daniela 9:12

Me e ame hia but ohwâdâ hwan hofuc, waleji e ame haiʼ öhmun, ke tavat owisa kohmun, me e ame oâ kohmun ûnyi ae kong hmonyin: anyin adre me ca ânyâ eang hmeledrany hia helâ me hna ânyâ ka Jerusalema.

Amosa 9:4

eja ke ne adre ne bâ ge je iwahnaihmiony mödra, oge me he ka kunâ hele vat he ka hlingʼ ödra eling: ke oge me he ka wâ hmʼ ödra, mʼ adre me kong ut, ke ca so bi.

Zakaria 1:6

Ke haba hok je hofuc ke anyik je hnanyibu, waleji oge me hûna ka lathnyabaik a je perofeta, hawa, ödrin e ca khaû lakamöbun? me adre me hmetu me ha, ka habe, Haba Iehova tuhan sabaoth ame ûnykûme he ka ânyâ kohmun, hoton dehmun je gethen, ke anyihmun je huliwa, ke helâe e ame hia but ânyâ kohmun.

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.