Jeremia 39:14 - Iaai Bible 1901 (New Caledonia)

¹⁴ adre me ûkhûnöng me hum Jeremia ûnyi hnyi hnyeuleny uma ceat me hna e kö Gedalia nöku Ahikama, nöku Safana, me me hom e ka hnyi uma: me e ame tha laba me tavat.

Jeremia 39:14 ပူးပေါင်းရင်းမြစ်များ

II. Je Than 22:12

Me haba than ame hûnö Hilekia at bihut, me Ahikama nöku Safana, me Akebora nöku Mikaia, me Safana at sihnalimen, me Asaia athnyabainy than, me ha, ka habe,

II. Je Than 22:14

Me haba Hilekia at bihut, me Ahikama, me Akebora, me Safana me Asaia, ödrin e he kö Huleda perofeta momo, öiö Saluma nöku Tikeva, nöku Hasera, at tuö khaû; (ke haba momo ame laba hnyi Jerusalema hnyi ke keihen a loiny); me ödrin e ûhnenamö me momo.

II. Man Ûlabainy Je Than. 34:20

Haba than ame hûna kö Hilekia, me Ahikama nöku Safana, me Abedon nöku Mika, me Safana at sihnalimen, me Asaia athnyabainy than, me ha, ka habe,

Salamo 105:19

Ke ne o but ûen adre me ohwâdâ hwan hofuc: Haba hofuc ho Iehova ame cubec e.

Jeremia 26:22

ke haba Jehoiakima than ame ûkhûnöng Aigupito ai, jia Elemathana nöku Akebora, me keihen a tha ödra më Aigupito ai:

Jeremia 26:24

Ke so bi, haba Ahikama nöku Sefana ame hadruo Jeremia, mʼ adre me ca hna e ka tavat he ka hlingâ.

Jeremia 32:2

Haba hnyi ûen eling ame igigilo Jerusalema hnen vat anyin than Babulona: ke adre me ip Jeremia perofeta hnyi hnyeuleny uma ceat, ae hnyi uma umen than Juda.

Jeremia 37:21

Me haba Zedekia than ame hûna, me adre me ip Jeremia hnyi hnyeuleny uma ceat, me ham kâu hnyi ke bong me ke bong khaca falawa ûnyi hnyi gethen anyin tavat up falawa, ke ne o but ame ba but areto hnyi taun. Helâe Jeremia ame laba hnyi hnyeuleny uma ceat.

Jeremia 38:13

Me adre me oû Jeremia ge je to, me hom e ûheny hnyi hmonop; ke Jeremia ame laba hnyi hnyeuleny uma ceat.

Jeremia 38:28

Ke haba Jeremia ame laba hnyi hnyeuleny uma ceat, ke ne o but hnyi bong adre me kot Jerusalema.

Jeremia 39:13

Me Nebuzaradana taben tavat tue, me Nebusazepana, a Rab-saris, me Neregale-sareza, a Rab-meg, me ta je taben hia anyin than Babulona, ödrin e kunâ;

Jeremia 39:15

Ke ame o but kö Jeremia hofuc ho Iehova, waleji hnyi ûen adre hlöng hnyin hwanumen hnyi hnyeuleny uma ceat, ame ha, ka habe,

Jeremia 40:1

WALANG hofuc ame o kö Jeremia ûnyi ga Iehova, hwaban hna thang e hnyi Rama ga Nebuzaradana taben tavat tue, waleji hnyi hna hom e adre ca ge tö fao tha e me je bâ hia ûheny Jerusalema me Juda, tavat adre hom Babulona ai.

Jeremia 40:5

Ke e ka tiga ca hmetu, haingen, ka habe, Hmetu ju kö Gedalia nöku Ahikama, nöku Safana, waleji hnen than Babulona hna otilâ hon je taun Juda, me tha laba më unyin tavat: ke ame ne ûcû u he ka he ka hnyi ke dok, be thö ka hnyin. Me haba taben tavat tue ame ha kamejin me bwihlany, me kunâ e.

Jeremia 40:6

Me haba Jeremia ame he kö Gedalia nöku Ahikama hnyi Mizepa, me tha laba më unyin je kolon hnyi hnyei.

Jeremia 40:7

Ke hnyi ûen ae khana but je taben vat hia hnyi hnyei, ödra me anyidra, tavat, a than Babulona ame otilö Gedalia nöku Ahikama hnân gavena hon hnyei, me hna but kâu obaga me omomo, me ta je wanakat, me ta je theduoc hnyi hnyei unyin tavat adre ca hom bâ Babulona ai;

Jeremia 41:1

KE haba hnyi tehi a seveniny haba Isamaela nöku Nethania, nöku Elisama, a ke nokon than, ke hanen je taben ae beönua anyin than, ke tha e më je hnyat a ten, ödrin e o kö Gedalia nöku Ahikama hnyi Mizepa; ke ödrin e tha han eling hnyi Mizepa.